Don't Miss!
- News ಉಕ್ರೇನ್ ವಿರುದ್ಧ ರಷ್ಯಾ ಗಂಭೀರ ಆರೋಪ!
- Lifestyle ಯೇಸುವನ್ನು ಶಿಲುಬೆಗೆ ಹಾಕಿದ ದಿನವನ್ನು ಗುಡ್ ಪ್ರೈಡೇ ಎಂದು ಹೇಳುವುದೇಕೆ?
- Sports RR vs DC: ಅವೇಶ್ ಖಾನ್, ರಿಯಾನ್ ಪರಾಗ್ ಶೈನ್; ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ರಾಜಸ್ಥಾನ್ ರಾಯಲ್ಸ್ ವಿನ್
- Automobiles ಸಾಟಿಯಿಲ್ಲದ ಮೈಲೇಜ್: ಈ ಮಾರುತಿ ಕಾರುಗಳು ಫುಲ್ ಟ್ಯಾಂಕ್ನಲ್ಲಿ 1200 ಕಿ.ಮೀ ಚಲಿಸುತ್ತೆ
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕೆಜಿಎಫ್ 2 ಹಿಂದಿ ಡಬ್: ರಾಖಿ ಭಾಯ್ ಪಾತ್ರಕ್ಕೆ ಧ್ವನಿ ಯಾರದ್ದು?
ಕೆಜಿಎಫ್ 2 ಸಿನಿಮಾ ಕೆಲವೇ ತಿಂಗಳ ಒಳಗಾಗಿ ಬಿಡುಗಡೆ ಆಗಲಿದೆ. ಈ ಪ್ಯಾನ್ ಇಂಡಿಯಾ ಸಿನಿಮಾವು ಕನ್ನಡ ಸೇರಿದಂತೆ ಹಿಂದಿ, ತೆಲುಗು, ತಮಿಳು, ಮಲಯಾಳಂ ಭಾಷೆಗಳಲ್ಲಿಯೂ ಏಕಕಾಲಕ್ಕೆ ಬಿಡುಗಡೆ ಆಗುತ್ತಿದೆ.
ಕೆಜಿಎಫ್ 2 ಸಿನಿಮಾದ ಡಬ್ಬಿಂಗ್ ವರ್ಷನ್ಗೆ ಸಖತ್ ಬೇಡಿಕೆ ಇದ್ದು, ಕೋಟ್ಯಂತರ ಹಣಕ್ಕೆ ಕೆಜಿಎಫ್ 2 ನ ಇತರ ಭಾಷೆಗಳ ಸಿನಿಮಾ ಪ್ರದರ್ಶನ ಹಕ್ಕು ಮಾರಾಟವಾಗಿದೆ.
ಕೆಜಿಎಫ್ 2 ಸಿನಿಮಾವನ್ನು ಹಿಂದಿ ಭಾಷೆಯಲ್ಲಿ ಬಿಡುಗಡೆ ಮಾಡುವ ಹಕ್ಕನ್ನು ಖ್ಯಾತ ನಿರ್ದೇಶಕ, ನಟ ಫರ್ಹಾನ್ ಖಾನ್ ಮಾಲೀಕತ್ವದ ಎಕ್ಸೆಲ್ ಎಂಟರ್ಟೈನ್ಮೆಂಟ್ ತೆಗೆದುಕೊಂಡಿದೆ. ಕೆಜಿಎಫ್ 2 ಸಿನಿಮಾದ ಡಬ್ಬಿಂಗ್ ಪ್ರಾರಂಭವಾಗಲಿದ್ದು, ಹಿಂದಿ ಭಾಷೆಯಲ್ಲಿ ಯಶ್ ಪಾತ್ರಕ್ಕೆ ಧ್ವನಿ ಯಾರು ನೀಡಲಿದ್ದಾರೆ ಎಂಬುದು ಕುತೂಹಲ ಕೆರಳಿಸಿದೆ.
ಹಿಂದಿ ಕೆಜಿಎಫ್ 2 ಗೆ ಯಶ್ ರದ್ದೇ ಧ್ವನಿ
ಕೆಜಿಎಫ್ ಮೊದಲ ಚಾಪ್ಟರ್ ಸಹ ಹಿಂದಿಗೆ ಡಬ್ ಆಗಿತ್ತು. ಆ ಸಿನಿಮಾದಲ್ಲಿ ರಾಖಿ ಭಾಯ್ ಪಾತ್ರಕ್ಕೆ ಬೇರೆಯವರು ಧ್ವನಿ ನೀಡಿದ್ದರು. ಆದರೆ ಈ ಬಾರಿ ಕೆಜಿಎಫ್ 2 ಸಿನಿಮಾಕ್ಕೆ ಸ್ವತಃ ಯಶ್ ಅವರೇ ಧ್ವನಿ ನೀಡಲಿದ್ದಾರೆ
ತೆಲುಗು-ತಮಿಳು ಸಿನಿಮಾಕ್ಕೆ ಯಶ್ ಧ್ವನಿ ನೀಡಲಿದ್ದಾರೆ
ತೆಲುಗು, ತಮಿಳು, ಮಲಯಾಳಂ ಸಿನಿಮಾಗಳಿಗೂ ನಟ ಯಶ್ ಅವರೇ ಧ್ವನಿ ನೀಡುವ ಸಾಧ್ಯತೆ ಇದೆ. ತೆಲುಗು, ತಮಿಳು ಭಾಷೆಗಳು ಯಶ್ ಅವರಿಗೆ ಸುಲಲಿತವಾಗಿ ಬರುತ್ತವೆ. ಮಲಯಾಳಂ ಭಾಷೆ ಯಶ್ ಗೆ ಬಾರದು. ಹಾಗಾಗಿ ತೆಲುಗು-ತಮಿಳು ಭಾಷೆಗೆ ಮಾತ್ರ ಧ್ವನಿ ನೀಡಿ, ಮಲಯಾಳಂ ಸಿನಿಮಾಕ್ಕೆ ಬೇರೆಯವರಿಂದ ಧ್ವನಿ ಕೊಡಿಸುವ ಸಾಧ್ಯತೆಯೂ ಇದೆ.
ದಾಖಲೆ ಬರೆದಿದ್ದ ಕೆಜಿಎಫ್ ಮೊದಲ ಚಾಫ್ಟರ್
ಕೆಜಿಎಫ್ ಚಾಪ್ಟರ್ 1 ಸಿನಿಮಾ ಹಿಂದಿಯನ್ನು ಬಿಡುಗಡೆ ಆಗಿ ದಾಖಲೆ ಬರೆದಿತ್ತು. ಬಾಹುಬಲಿ ಹಾಗೂ ಇತರ ಕೆಲವು ಸಿನಿಮಾಗಳ ನಂತರ ಹಿಂದಿಗೆ ಡಬ್ ಆಗಿ ಅತಿ ಹೆಚ್ಚು ಹಣ ಗಳಿಸಿದ ದಕ್ಷಿಣ ಭಾರತದ ಸಿನಿಮಾ ಎನಿಸಿಕೊಂಡಿತು ಕೆಜಿಎಫ್ 1.
Recommended Video
ಜುಲೈ 16 ಕ್ಕೆ ಸಿನಿಮಾ ಬಿಡುಗಡೆ
ಕೆಜಿಎಫ್ 2 ಸಿನಿಮಾವು ಜುಲೈ 16ಕ್ಕೆ ಬಿಡುಗಡೆ ಆಗಲಿದೆ. ಅದೇ ದಿನವೇ ಹಿಂದಿ, ತೆಲುಗು, ತಮಿಳು, ಮಲಯಾಳಂ ಭಾಷೆಗಳಲ್ಲಿಯೂ ಸಿನಿಮಾ ಬಿಡುಗಡೆ ಆಗಲಿದೆ. ಸಿನಿಮಾದಲ್ಲಿ ಸಂಜಯ್ ದತ್, ರವೀನಾ ಟಂಡನ್, ಪ್ರಕಾಶ್ ರೈ ಇನ್ನೂ ಹಲವು ಖ್ಯಾತ ನಟರು ನಟಿಸಿದ್ದಾರೆ.