ನಿರ್ದೇಶಕರೇ ಕೇಳಿಸಿಕೊಳ್ಳಿ... ದರ್ಶನ್ ಜೊತೆಗೆ ಸಿನಿಮಾ ಮಾಡಲು ಯಶ್ ರೆಡಿ!

ಫೇಸ್ ಬುಕ್ ಲೈವ್ ನಲ್ಲಿ ನಟ ಯಶ್

ತಮ್ಮ ಬಾಡಿಗೆ ಮನೆ ರಂಪಾಟದ ಬಗ್ಗೆ ಸ್ಪಷ್ಟನೆ ನೀಡಲು ನಟ ಯಶ್ ಫೇಸ್ ಬುಕ್ ಲೈವ್ ಗೆ ಬಂದಿದ್ದರು. ಈ ವೇಳೆ ಅಭಿಮಾನಿಗಳ ಪ್ರಶ್ನೆಗಳಿಗೂ ಯಶ್ ಉತ್ತರಿಸುತ್ತಿದ್ದರು. ಆಗ ಅಭಿಮಾನಿಯೊಬ್ಬರು ''ಡಿ ಬಾಸ್ ಜೊತೆ ಒಂದು ಮೂವಿ ಮಾಡಿ'' ಎಂದು ಯಶ್ ಗೆ ಹೇಳಿದರು.

ಯಶ್ ಕೊಟ್ಟ ಪ್ರತಿಕ್ರಿಯೆ ಏನು.?

''ಖಂಡಿತ ಮಾಡ್ತೀವಿ. ಆದ್ರೆ, ಆ ಥರದ ಒಂದು ಸ್ಕ್ರಿಪ್ಟ್ ಬರಬೇಕು. ಯಾವುದಾದರೂ ಸ್ಕ್ರಿಪ್ಟ್ ಚೆನ್ನಾಗಿದೆ ಅಂತಾದರೆ, ಖಂಡಿತವಾಗಲೂ ಮಾಡ್ತೀನಿ'' ಎಂದು ಯಶ್ ಪ್ರತಿಕ್ರಿಯೆ ಕೊಟ್ಟರು.

ನಿರ್ದೇಶಕರೇ ಕೇಳಿಸ್ತಿದ್ಯಾ.?

ದರ್ಶನ್ ಜೊತೆ ತೆರೆಹಂಚಿಕೊಳ್ಳಲು ಯಶ್ ಅಂತೂ ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರೆ. ಆದ್ರೆ, ಅದು ಸಾಧ್ಯ ಆಗಬೇಕು ಅಂದ್ರೆ ಉತ್ತಮ ಸ್ಕ್ರಿಪ್ಟ್ ಮುಖ್ಯ. ಯಾರಾದರೂ ನಿರ್ದೇಶಕರು ಒಳ್ಳೆಯ ಕಥೆ ರೆಡಿ ಮಾಡಿಕೊಂಡು ಹೋದರೆ, ಖಂಡಿತ ಚಾಲೆಂಜಿಂಗ್ ಸ್ಟಾರ್ ಹಾಗೂ ರಾಕಿಂಗ್ ಸ್ಟಾರ್ ರನ್ನ ತೆರೆಮೇಲೆ ಒಂದು ಮಾಡಬಹುದು.

ಅಭಿಮಾನಿಗಳಿಗೆ ಹಬ್ಬವೇ ಸರಿ

ಹಾಗ್ನೋಡಿದ್ರೆ, 'ಚಕ್ರವರ್ತಿ' ಚಿತ್ರದಲ್ಲಿ ಯಶ್ ನಟಿಸಲಿದ್ದಾರೆ ಎಂಬ ಗಾಸಿಪ್ ಹರಿದಾಡಿದಾಗ ದರ್ಶನ್ ಫ್ಯಾನ್ಸ್ ಹಾಗೂ ಯಶ್ ಅಭಿಮಾನಿಗಳು ಸಂತಸ ಪಟ್ಟಿದ್ದರು. ಆದ್ರೆ, ಸಿನಿಮಾದಲ್ಲಿ ನಟಿಸಿರುವುದು ಯಶ್ ಅಲ್ಲ ಯಶಸ್ ಅಂದ್ಮೇಲೆ ನಿರಾಸೆ ಪಟ್ಟಿದ್ದರು. ಮುಂದೆ ದರ್ಶನ್ ಹಾಗೂ ಯಶ್ ಒಟ್ಟಿಗೆ ಸಿನಿಮಾ ಮಾಡಿದರೆ, ಅಭಿಮಾನಿಗಳಿಗೆ ಅದಕ್ಕಿಂತ ಖುಷಿ ಮತ್ತೊಂದು ಇದ್ಯಾ.?