twitter
    For Quick Alerts
    ALLOW NOTIFICATIONS  
    For Daily Alerts

    ಗೋವಾ ವಿಮಾನ ನಿಲ್ದಾಣದಲ್ಲಿ ಯಶ್: ಫ್ಯಾಮಿಲಿ ಮ್ಯಾನ್ ಎಂದ ನೆಟ್ಟಿಗರು

    |

    ನಟ ಯಶ್ ಪ್ರಸ್ತುತ 'ಕೆಜಿಎಫ್ 2' ಸಿನಿಮಾದ ಯಶಸ್ಸಿನ ಅಲೆಯಲ್ಲಿ ತೇಲುತ್ತಿದ್ದಾರೆ. ಸತತ ಎಂಟು ವರ್ಷ 'ಕೆಜಿಎಫ್' ಸಿನಿಮಾ ಸರಣಿಗಾಗಿ ಅವರು ಕಷ್ಟಪಟ್ಟಿದ್ದಾರೆ, ಆ ಶ್ರಮದ ಪ್ರತಿಫಲ ಬಾಕ್ಸ್ ಆಫೀಸ್‌ನಲ್ಲಿ ಕಾಣುತ್ತಿದೆ.

    'ಕೆಜಿಎಫ್ 2' ಸಿನಿಮಾಕ್ಕಾಗಿಯೂ ನಟ ಯಶ್ ಬಹಳ ಕಷ್ಟಪಟ್ಟಿದ್ದರು, ಸತತ ಮೂರು ವರ್ಷಕ್ಕೂ ಹೆಚ್ಚು ಸಮಯವನ್ನು ಕೆಜಿಎಫ್‌ಗಾಗಿ ಯಶ್ ಮೀಸಲಿಟ್ಟಿದ್ದರು. ಈ ಅವಧಿಯಲ್ಲಿ ಕುಟುಂಬಕ್ಕೆ ಹೆಚ್ಚು ಸಮಯ ನೀಡಲಾಗಿರಲಿಲ್ಲ. ಕೋವಿಡ್ ಸಮಯದಲ್ಲಿ ಶೂಟಿಂಗ್ ಮಾಡುವಾಗಂತೂ ಮನೆಗೇ ಹೋಗಿರಲಿಲ್ಲ ಯಶ್.

    'ಕೆಜಿಎಫ್ 2' ಗೆಲ್ಲಿಸಿದ್ದಕ್ಕೆ ಕತೆಯ ಮೂಲಕ ಅಭಿಮಾನಿಗಳಿಗೆ ಧನ್ಯವಾದ ಹೇಳಿದ ಯಶ್'ಕೆಜಿಎಫ್ 2' ಗೆಲ್ಲಿಸಿದ್ದಕ್ಕೆ ಕತೆಯ ಮೂಲಕ ಅಭಿಮಾನಿಗಳಿಗೆ ಧನ್ಯವಾದ ಹೇಳಿದ ಯಶ್

    ಆದರೆ ಈಗ ಎಲ್ಲವೂ ಮುಗಿದಿದೆ, 'ಕೆಜಿಎಫ್ 2' ಬಹಳ ದೊಡ್ಡ ಯಶಸ್ಸು ಗಳಿಸಿದೆ. ಹಾಗಾಗಿ ಈಗ ಕುಟುಂಬದ ಜೊತೆಗೆ ಜಾಲಿ ಸಮಯ ಕಳೆಯುತ್ತಿದ್ದಾರೆ ಯಶ್. 'ಕೆಜಿಎಫ್ 2' ಸಿನಿಮಾ ಯಶಸ್ಸಾಗಿದೆ ಎಂಬ ಸುದ್ದಿ ಬರುತ್ತಿದ್ದ ಹಾಗೆಯೇ ಯಶ್, ಪತ್ನಿ ರಾಧಿಕಾ ಹಾಗೂ ಇಬ್ಬರು ಮಕ್ಕಳನ್ನು ಕರೆದುಕೊಂಡು ವೆಕೇಶನ್‌ಗೆ ತೆರಳಿದರು.

    Yash Radhika Pandith Spotted In Goa International Air Port

    ಯಶ್, ರಾಧಿಕಾ ಹಾಗೂ ಮಕ್ಕಳು ಗೋವಾದ ಖಾಸಗಿ ಬೀಚ್‌ನಲ್ಲಿ ಆಟವಾಡಿ ಆಪ್ತವಾಗಿ ಸಮಯ ಕಳೆದಿದ್ದಾರೆ. ರಾಧಿಕಾಗೆ ಗೋವಾ ಎಂದರೆ ಬಹಳ ಇಷ್ಟ, ರಾಧಿಕಾರ ಸಂಬಂಧಿಗಳು ಗೋವಾದಲ್ಲಿ ಇದ್ದಾರೆ, ರಾಧಿಕಾರ ಅಜ್ಜಿ ಮನೆ ಗೋವಾದಲ್ಲಿಯೇ ಇದೆ.

    ಯಶ್-ರಾಧಿಕಾ ಇಬ್ಬರಿಗೂ ಬೀಚ್‌ಗಳೆಂದರೆ ಬಹಳ ಇಷ್ಟ. ಇಬ್ಬರೂ ವಿವಾಹದ ಹೊಸತರಲ್ಲಿಯೂ ಬೀಚ್‌ ಇರುವ ಪ್ರದೇಶಕ್ಕೆ ಹನಿಮೂನ್‌ಗೆ ತೆರಳಿದ್ದರು. ಬಳಿಕ 2021 ರಲ್ಲಿ ಸುಂದರ ಬೀಚ್‌ಗಳಿಗೆ ಹೆಸರುವಾಸಿಯಾಗಿರುವ ಮಾಲ್ಡೀವ್ಸ್‌ಗೆ ಹೋಗಿದ್ದರು. ಈಗ ಮತ್ತೆ ಬೀಚ್‌ಗೆ ಹೋಗಿದ್ದಾರೆ.

    'ಕೆಜಿಎಫ್ 2' ತಂಡಕ್ಕೆ ಶುಭಕೋರಿದ ಅಲ್ಲು ಅರ್ಜುನ್'ಕೆಜಿಎಫ್ 2' ತಂಡಕ್ಕೆ ಶುಭಕೋರಿದ ಅಲ್ಲು ಅರ್ಜುನ್

    ಯಶ್ ಹಾಗೂ ರಾಧಿಕಾ ಪಂಡಿತ್ ಇದೀಗ ಪ್ರವಾಸ ಮುಗಿಸಿವಾಪಸ್ಸಾಗುತ್ತಿದ್ದಾರೆ. ಗೋವಾದ ವಿಮಾನ ನಿಲ್ದಾಣದಲ್ಲಿ ಮಕ್ಕಳೊಂದಿಗೆ ಯಶ್-ರಾಧಿಕಾ ಕಾಣಿಸಿಕೊಂಡಿದ್ದಾರೆ. ಕುಟುಂಬವು ರಜೆಯ ಮಜೆ ಮುಗಿಸಿ ಬೆಂಗಳೂರಿಗೆ ವಾಪಸ್ಸಾಗಿದೆ ಎನ್ನಲಾಗುತ್ತಿದೆ. ಸಿನಿಮಾ ಬಿಡುಗಡೆ ಆದ ಕೂಡಲೆ ಕುಟುಂಬದ ಜೊತೆ ಕಾಲ ಕಳೆಯುತ್ತಿರುವ ಯಶ್‌ರನ್ನು ನೋಡಿ ಅಭಿಮಾನಿಗಳು, 'ಯಶ್ ಪಕ್ಕಾ ಫ್ಯಾಮಿಲಿ ಮ್ಯಾನ್' ಎಂದು ಕೊಂಡಾಡಿದ್ದಾರೆ.

    Yash Radhika Pandith Spotted In Goa International Air Port

    ಇದು ನಿಜವೂ ಹೌದು, ತಾವೊಬ್ಬ ಪಕ್ಕಾ ಫ್ಯಾಮಿಲಿ ಮ್ಯಾನ್ ಎಂಬುದನ್ನು ಹಲವು ಬಾರಿ ಪ್ರೂವ್ ಮಾಡಿದ್ದಾರೆ ಯಶ್, 'ಕೆಜಿಎಫ್ 2' ಸಿನಿಮಾದ ಪ್ರಚಾರದಿಂದ ಬಿಡುವು ಪಡೆದು ಕುಟುಂಬದ ಜೊತೆ ಯುಗಾದಿ ಆಚರಿಸಿದ್ದರು. ಡೈಯೆಟ್ ಎಲ್ಲ ಬದಿಗಿಟ್ಟು, ಬಾಳೆ ಎಲೆಯ ಮುಂದೆ ಕೂತು ಕುಟುಂಬದವರೆಲ್ಲ ಒಟ್ಟಿಗೆ ಸೇರಿ ಹೋಳಿಗೆ ಊಟ ಮಾಡಿದ್ದರು.

    8 ದಿನ 'ಕೆಜಿಎಫ್ 2' ದೋಚಿದ್ದೆಷ್ಟು? ಆಮಿರ್ ಖಾನ್ 'PK' ದಾಖಲೆ ಮುರಿಯೋಕೆ ಆಗುತ್ತಾ?8 ದಿನ 'ಕೆಜಿಎಫ್ 2' ದೋಚಿದ್ದೆಷ್ಟು? ಆಮಿರ್ ಖಾನ್ 'PK' ದಾಖಲೆ ಮುರಿಯೋಕೆ ಆಗುತ್ತಾ?

    ಯಶ್ ಹಾಗೂ ರಾಧಿಕಾ ಪಂಡಿತ್ ಬಹಳ ವರ್ಷಗಳಿಂದಲೂ ಗೆಳೆಯರಾಗಿದ್ದರು. ಇಬ್ಬರು ಒಟ್ಟಗೆ ಧಾರಾವಾಹಿಯಲ್ಲಿ ನಟಿಸಿದ್ದರು. ಸಿನಿಮಾಕ್ಕೆ ಕಾಲಿಟ್ಟಿದ್ದು ಸಹ ಒಟ್ಟಿಗೆ. ಯಶ್ ಹಾಗೂ ರಾಧಿಕಾ 2016 ರ ಡಿಸೆಂಬರ್ ನಲ್ಲಿ ಅದ್ಧೂರಿಯಾಗಿ ವಿವಾಹವಾದರು. ಈ ಜೋಡಿಗೆ ಇಬ್ಬರು ಮುದ್ದಾದ ಮಕ್ಕಳಿದ್ದಾರೆ. ಈ ಇಬ್ಬರೂ ಒಟ್ಟಿಗೆ ಈವರೆಗೆ ನಾಲ್ಕು ಸಿನಿಮಾಗಳಲ್ಲಿ ನಟಿಸಿದ್ದಾರೆ.

    English summary
    Yash and Radhika Pandith spotted in Goa international air port with family. They had been on vacation in Goa for few days.
    Saturday, April 23, 2022, 9:51
    IIFA

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X