ಧನುಶ್ ಚಿತ್ರದಲ್ಲಿ ಕೆಜಿಎಫ್ ಡೈಲಾಗ್: ಯಶ್ ಏನಂದ್ರು.?

ರಾಕಿಂಗ್ ಸ್ಟಾರ್ ಅಭಿನಯದ ಕೆಜಿಎಫ್ ಚಿತ್ರ ಸೌತ್ ಇಂಡಸ್ಟ್ರಿಯಲ್ಲಿ ಸಖತ್ ಸೌಂಡ್ ಮಾಡ್ತಿದೆ. ಈ ಚಿತ್ರದಲ್ಲಿರುವ ಡೈಲಾಗ್ ಗಳು ಕೂಡ ಅಷ್ಟೇ ಪವರ್ ಫುಲ್ ಆಗಿದ್ದು, ಗಮನ ಸೆಳೆಯುತ್ತಿದೆ.

ಕೆಜಿಎಫ್ ಚಿತ್ರಕ್ಕೆ ತಮಿಳು ನಟ ಧನುಶ್ ಅಭಿನಯದ 'ಮಾರಿ-2' ಸಿನಿಮಾ ಎದುರಾಳಿಯಾಗಿದೆ. ಕೆಜಿಎಫ್ ದಿನವೇ ಈ ಚಿತ್ರವೂ ಬರ್ತಿರುವುದು ಕಾಲಿವುಡ್ ನಲ್ಲಿ ಟಾಕ್ ಆಫ್ ದಿ ಟೌನ್ ಆಗಿದೆ.

ಈ ಮಧ್ಯೆ ಕೆಜಿಎಫ್ ಚಿತ್ರದಲ್ಲಿರುವ ಡೈಲಾಗ್ ವೊಂದು 'ಮಾರಿ' ಚಿತ್ರದಲ್ಲೂ ಇದೆ ಎಂಬುದು ಟ್ರೈಲರ್ ನಲ್ಲಿ ಬಹಿರಂಗವಾಗಿತ್ತು. ಇದು ಸಹಜವಾಗಿ ಚಿತ್ರಪ್ರೇಮಿಗಳಲ್ಲಿ ಕುತೂಹಲ ಮೂಡಿಸಿತ್ತು. ಒಂದೇ ಡೈಲಾಗ್ ಎರಡು ಚಿತ್ರದಲ್ಲಿದ್ದು, ಒಂದೇ ದಿನ ತೆರೆಗೆ ಬರ್ತಿರುವುದು ಚರ್ಚೆಗೆ ಕಾರಣವಾಗಿತ್ತು.

ಈ ಬಗ್ಗೆ ನಟ ಯಶ್ ಮಾತನಾಡಿದ್ದು, ''ಧನುಶ್ ಚಿತ್ರ ಹಾಗೂ ಕೆಜಿಎಫ್ ಚಿತ್ರದಲ್ಲಿ ಒಂದೇ ಡೈಲಾಗ್ ಇದೆ. 'ಇಫ್ ಯೂ ಥಿಂಕ್ ಬ್ಯಾಡ್, ಐ ಯಾಮ್ ಯುಆರ್ ಡ್ಯಾಡ್'. ಇದು ಕಾಕತಾಳೀಯ'' ಎಂದು ಯಶ್ ಸಂದರ್ಶನದಲ್ಲಿ ಹೇಳಿದ್ದಾರೆ.