ಫ್ಯಾನ್ಸ್ ವಾರ್ ಮಾಡುವವರಿಗೆ ಯಶ್ ಖಡಕ್ ವಾರ್ನಿಂಗ್

ಬೆಳವಣಿಗೆ ಒಳ್ಳೆಯದಲ್ಲ ಎಂದ ಯಶ್

ಎಲ್ಲಾರಿಗೂ ನಮಸ್ಕಾರ. ಸಾಮಾಜಿಕ ಜಾಲತಾಣದಲ್ಲಿ ಈಗ ನಡೆಯುತ್ತಿರೋ ಬೆಳವಣಿಗೆ ಒಳ್ಳೆಯದಲ್ಲ. ಕೆಲವು ಕಮೆಂಟ್ಸ್ ಗಳನ್ನೂ ನಾನು ಗಮನಿಸಿದ್ದೇನೆ. ಸುದೀಪ್‌ ಅವರು ನನಗಿಂತ ಹಿರಿಯರು.ಅವರಿಗೆ ಗೌರವ ಕೊಡಲಿಲ್ಲ ಅಂದ್ರೆ, ನನಗೂ ನೀವು ಗೌರವ ಕೊಡದಂತೆಯೇ. ಘನತೆಯಿಂದ ವರ್ತಿಸಿ, ಇದನ್ನ ದೊಡ್ಡದು ಮಾಡ್ಬೇಡಿ.

ಸುದೀಪ್ ಅವರ ಮೇಲೆ ಗೌರವವಿದೆ

ನಾನು ಸಾರ್‌ ಅಂತ ಕರೆದರೆ ಮಾತ್ರ ಅವರಿಗೆ ಗೌರವ ಕೊಟ್ಟ ಹಾಗಲ್ಲ. ಅಥವಾ ನಾನು ಸಾರ್‌ ಅಂತ ಕರೆಯದೇ ಇದ್ರೂ ಅವರ ಮೇಲಿನ ಗೌರವ ಕಮ್ಮಿಯಾಗಲ್ಲ. ನಾನು ಅವರನ್ನ ತುಂಬಾ ಗೌರವಿಸ್ತೀನಿ. ನನ್ನ ಮೇಲಿನ ಅಭಿಮಾನ ತೋರಿಸಿಕೊಳ್ಳುವುದಕ್ಕಾಗಿ ಅವ್ರನ್ನ ಅಗೌರವದಿಂದ ಕಾಣೋದು ಸರಿಯಲ್ಲ. ದಯವಿಟ್ಟು ಇದನ್ನ ಇಲ್ಲಿಗೆ ಬಿಡಿ.

ಫ್ಯಾನ್ಸ್ ವಾರ್ ಯಾಕೆ ?

ಕಿಚ್ಚ ಸುದೀಪ್ ಯಶ್ ಅವರಿಗೆ ಹಮ್ ಫಿಟ್ ಥೋ ಇಂಡಿಯಾ ಫಿಟ್ ಅಭಿಯಾನದ ಚಾಲೆಂಜ್ ಹಾಕಿದ್ದರು ಅದರಂತೆಯೇ ಯಶ್ ಅವರ ಸ್ನೇಹಿತನಿಂದ ಆ ಚಾಲೆಂಜ್ ಅನ್ನು ಮಾಡಿಸಿದ್ದರು. ಅದರಲ್ಲಿ ಸುದೀಪ್ ಎಂದು ಕರೆದಿದ್ದು ತಪ್ಪು ಎನ್ನುವುದು ಕಿಚ್ಚನ ಅಭಿಮಾನಿಗಳ ಮಾತು .

ನಾನು ಯಶ್ ಅವರ ಪರವಾಗಿದ್ದೇವೆ

ಸುದೀಪ್ ಅಭಿಮಾನಿಗಳು ಯಶ್ ಅವರು ಕ್ಷಮೆ ಕೇಳಬೇಕು ಎಂದು ಸಾಮಾಜಿಕ ಜಾಲತಾಣದಲ್ಲಿ ಕಮೆಂಟ್ ಹಾಕಲು ಶುರು ಮಾಡಿದ ನಂತ್ರ ಯಶ್ ಅಬಿಮಾನಿಗಳು ಕೂಡ ವಿ ಆರ್ ವಿತ್ ಯಶ್ ಎನ್ನುವ ಅಭಿಯಾನ ಆರಂಭ ಮಾಡಿದರು. ಸದ್ಯ ಯಶ್ ಹಾಗೂ ಸುದೀಪ್ ಅವರ ಸೂಚನೆ ಮೇರೆಗೆ ಇಬ್ಬರ ಅಭಿಮಾನಿಗಳು ತಾವು ಮಾಡಿದ್ದ ಪೋಸ್ಟ್ ಗಳನ್ನು ಡಿಲಿಟ್ ಮಾಡಿ ಸುಮ್ಮನಾಗಿದ್ದಾರೆ.