'ಕೆಜಿಎಫ್' ಒನ್ ಲೈನ್ ಕಥೆ ಬಿಚ್ಚಿಟ್ಟ ಯಶ್ ಮತ್ತು ಡೈರೆಕ್ಟರ್

ಯುನಿವರ್ಸಲ್ ಕಥೆ

ಕೆಜಿಎಫ್ ಸಿನಿಮಾವನ್ನ ಕನ್ನಡದವರು ನೋಡಲು ಕಾರಣವಿದೆ. ಯಾಕಂದ್ರೆ ಇದು ಕನ್ನಡ ಸಿನಿಮಾ, ಇದರಲ್ಲಿ ಅಭಿನಯಿಸಿರುವುದು ಕನ್ನಡ ನಟ ಯಶ್. ಮತ್ತು ಸಿನಿಮಾ ಕಂಪ್ಲೀಟ್ ಚಿತ್ರೀಕರಣ ಆಗಿರುವುದು ಕರ್ನಾಟಕದ ಚಿನ್ನದ ಗಣಿ ಕೆಜಿಎಫ್ ನಲ್ಲಿ. ಆದ್ರೆ, ಪರಭಾಷಿಗರು ಈ ಚಿತ್ರವನ್ನ ಯಾವ ಕಾರಣದಿಂದ ನೋಡ್ತಾರೆ ಎನ್ನುವುದಕ್ಕೆ ನಿರ್ದೇಶಕರು ಕೊಟ್ಟ ಉತ್ತರ ಇದು 'ಯುನಿವರ್ಸಲ್ ಕಥೆ'. ಹಾಗಾಗಿ, ಎಲ್ಲ ಭಾಷೆಯವರು ನೋಡಬಹುದಂತೆ.

ಆಕ್ಷನ್ ಜಾನರ್ ಸಿನಿಮಾ

ಕೆಜಿಎಫ್ ಚಿತ್ರದ ಮೇಕಿಂಗ್, ಪೋಸ್ಟರ್ ನೋಡಿದ್ರೆ ಇದು ಒಂದು ಘಟನೆಯಾಧರಿತ ಮತ್ತು ಒಬ್ಬ ವ್ಯಕ್ತಿಯಾಧರಿತ ಕಥೆ ಇರಬಹುದು ಎಂಬ ಆಲೋಚನೆ ಬರುತ್ತೆ. ಈ ಬಗ್ಗೆ ಖಚಿತ ಮಾಹಿತಿ ನೀಡಿಲ್ಲ. ಆದ್ರೆ, ಇದು ಆಕ್ಷನ್ ಜಾನರ್ ನಲ್ಲಿ ಬರುವಂತಹ ಸಿನಿಮಾ ಎಂದು ಚಿತ್ರತಂಡ ಬಹಿರಂಗಪಡಿಸಿದೆ. ಅಲ್ಲಿಗೆ ಆಕ್ಷನ್ ಪ್ರಿಯರಿಗೆ ಕೆಜಿಎಫ್ ಭರ್ಜರಿ ಬಾಡೂಟ ಆಗಲಿದೆ.

ತಾಯಿ-ಮಗನ ಸೆಂಟಿಮೆಂಟ್

ಕೆಜಿಎಫ್ ಚಿತ್ರದಲ್ಲಿ ತಾಯಿ ಮತ್ತು ಮಗನ ಸೆಂಟಿಮೆಂಟ್ ಚೆನ್ನಾಗಿದೆ ಎಂದು ನಟ ಯಶ್ ಮತ್ತು ನಿರ್ದೇಶಕ ಪ್ರಶಾಂತ್ ನೀಲ್ ಹೇಳಿಕೊಂಡಿದ್ದಾರೆ. ಯಶ್ ಗೆ ತಾಯಿ ಪಾತ್ರದಲ್ಲಿ ಹೊಸ ಕಲಾವಿದೆಯೊಬ್ಬರು ನಟಿಸಿದ್ದಾರಂತೆ. ಇದು ಚಿತ್ರದ ಪ್ಲಸ್ ಪಾಯಿಂಟ್ ಗಳಲ್ಲಿ ಒಂದು ಎನ್ನುತ್ತಿದ್ದಾರೆ.

ಕಥೆ ಬಗ್ಗೆ ಊಹೆಗಳು ಹೆಚ್ಚಿವೆ

ಇನ್ನು 'ಕೆಜಿಎಫ್' ಚಿತ್ರದಲ್ಲಿ ಜೀತದಾಳು ಪದ್ಧತಿಯ ಛಾಯೆ ಎದ್ದು ಕಾಣುತ್ತಿತ್ತು. ಬ್ರಿಟಿಷರ ಕಾಲದಲ್ಲಿ ಜನರನ್ನ ಅಡಿಯಾಳಾಗಿಟ್ಟುಕೊಂಡಿದ್ದರು. ನಂತರ ಅದರ ವಿರುದ್ಧ ಅಲ್ಲಿನ ಜನರೇ ತಿರುಗಿ ಬಿದ್ದಾಗ ಅದು ಹೇಗೆ ಅಂಡರ್ ವರ್ಲ್ಡ್ ಕಡೆ ಸಾಗುತ್ತೆ ಎಂಬುದು ಕಥೆ ಇರಬಹುದು ಎಂದು ಉಹಿಸಲಾಗಿತ್ತು.

ಸದ್ಯಕ್ಕೆ ಚಾಪ್ಟರ್ ಒಂದು

ಕೆಜಿಎಫ್ ಸಿನಿಮಾ ಎರಡು ಚಾಪ್ಟರ್ ಗಳಲ್ಲಿ ತಯಾರಾಗಿದೆ. ಸದ್ಯ, ಮೊದಲನೇ ಭಾಗ ಮುಗಿದಿದ್ದು, ಬಿಡುಗಡೆಗೆ ಸಿದ್ಧವಾಗಿದೆ. ಐದು ಭಾಷೆಗಳಲ್ಲಿ ಏಕಕಾಲಕ್ಕೆ ಸಿನಿಮಾ ರಿಲೀಸ್ ಮಾಡುವ ಪ್ಲಾನ್ ಮಾಡಲಾಗಿದೆ. ಎರಡನೇ ಚಾಪ್ಟರ್ ನಲ್ಲಿ ಮತ್ತೆ ಯಶ್ ಗಡ್ಡ ಬಿಡಬೇಕಂತೆ. ಅದು ಯಾವಾಗ ರಿಲೀಸ್ ಎಂಬುದರ ಬಗ್ಗೆ ಮಾಹಿತಿ ಕೊಟ್ಟಿಲ್ಲ.