ಮಗಳು ಐರಾ ಕೇಳಿದ ಪ್ರಶ್ನೆಗೆ ಉತ್ತರ ಕೊಡಲು ಯಶ್ ತಬ್ಬಿಬ್ಬು!

ಮಗಳ ಮುಡಿ ನೀಡುವ ಶಾಸ್ತ್ರ ಪೂರೈಸಿದ ಯಶ್

ಇಂದು ಐರಾಳ ಮುಡಿ ನೀಡುವ ಶಾಸ್ತ್ರವನ್ನು ಯಶ್-ರಾಧಿಕಾ ದಂಪತಿ ಪೂರೈಸಿದ್ದಾರೆ. ನಂಜನಗೂಡಿನ ನಂಜುಂಡೇಶ್ವರ ದೇವಾಲಯದಲ್ಲಿ ಐರಾ ಮುಡಿ ನೀಡಲಾಯಿತು. ಆ ಚಿತ್ರವನ್ನು ಸಾಮಾಜಿಕ ಜಾಲತಾಣದಲ್ಲಿ ಯಶ್ ಹಂಚಿಕೊಂಡಿದ್ದಾರೆ.

ಸುಂದರವಾದ ಚಿತ್ರ ಹಂಚಿಕೊಂಡಿರುವ ಯಶ್

ಯಶ್ ಹಂಚಿಕೊಂಡ ಚಿತ್ರ ಅದ್ಭುತವಾಗಿದ್ದು, ಐರಾ ಸಿಟ್ಟಿನಿಂದ ಅಪ್ಪನನ್ನು ಪ್ರಶ್ನೆ ಮಾಡುತ್ತಿರುವಂತೆ ಇದೆ. ಈ ಅಂದವಾದ ಚಿತ್ರಕ್ಕೆ ಅಷ್ಟೆ ಅಂದವಾದ ಕ್ಯಾಪ್ಷನ್ ಅನ್ನು ಯಶ್ ಬರೆದಿದ್ದಾರೆ.

ಅಪ್ಪನನ್ನು ಪ್ರಶ್ನೆ ಮಾಡಿರುವ ಐರಾ

ಐರಾ ಅಪ್ಪನನ್ನು ಕೇಳಿದ್ದಾಳೆ; ''ಅಪ್ಪ ಇದು ಬೇಸಿಗೆ ಅಂತ ನನಗೆ ಗೊತ್ತು, ಆದರೆ ನೀನು ಈಗ ನನಗೆ ಮಾಡಿಸಿರುವುದು ಬೇಸಿಗೆ ಕಟ್ (ಸಮ್ಮರ್ ಕಟ್) ಅಲ್ಲ ತಾನೆ??'' ಎಂದು ಐರಾ ಸಿಟ್ಟಿನಿಂದ ಅಪ್ಪನನ್ನು ಕೇಳಿದ್ದಾಳಂತೆ.

ಮಗಳ ಪ್ರಶ್ನೆಗೆ ಉತ್ತರ ಕೊಡಲು ತಡವರಿಸಿದ ರಾಕಿ ಭಾಯ್

ಇದಕ್ಕೆ ಉತ್ತರಿಸಲು ತಡವರಿಸಿದ ಯಶ್, ''ಹೌದು, ಆದರೆ.... '' ಎಂದಿದ್ದಾರೆ. ಮಗಳ ಪ್ರಶ್ನೆಗೆ ಅಪ್ಪನ ಬಳಿ ಉತ್ತರವೇ ಇಲ್ಲ. ಮಗಳಿಗೆ ಏನು ಕಾರಣ ಕೊಡಬೇಕು ಎಂದೂ ಯಶ್‌ ಗೆ ತೋಚಿಲ್ಲವಂತೆ.

ಅಪ್ಪ-ಮಗಳ ಪ್ರೀತಿ ಸಾರುವ ಚಿತ್ರ

ಯಶ್ ಅವರು ಪೋಸ್ಟ್ ಮಾಡಿರುವ ಚಿತ್ರಕ್ಕೆ ಹಾಗೂ ಬರೆದುಕೊಂಡಿರುವ ಕ್ಯಾಪ್ಷನ್‌ ಗೆ ತುಂಬಾ ಚೆನ್ನಾಗಿ ಹೊಂದಿಕೆ ಆಗಿದೆ. ಅಪ್ಪ-ಮಗಳ ತಂಟೆ-ತರ್ಲೆಗಳು ಸಹ ಚಿತ್ರ ಮತ್ತು ಕ್ಯಾಪ್ಷನ್ ನಲ್ಲಿ ವ್ಯಕ್ತವಾಗುತ್ತಿದೆ.

ಕೆಲವೇ ನಿಮಿಷದಲ್ಲಿ ಲಕ್ಷಾಂತರ ಲೈಕ್‌ಗಳು

ಚಿತ್ರವನ್ನು ಪೋಸ್ಟ್ ಮಾಡಿದ ಕೆಲವೇ ನಿಮಿಷಗಳಲ್ಲಿ ಲಕ್ಷಾಂತರ ಮಂದಿ ಲೈಕ್ ಮಾಡಿದ್ದಾರೆ. ಸಾವಿರಾರು ಜನ ಕಮೆಂಟ್ ಮಾಡಿದ್ದಾರೆ. ಚಿತ್ರ ಭಾರಿ ವೈರಲ್ ಆಗಿದೆ.