ಮೇ.3ಕ್ಕೆ 'ಕೆ.ಜಿ.ಎಫ್' ಚಿತ್ರತಂಡದಿಂದ ಬ್ರೇಕಿಂಗ್ ನ್ಯೂಸ್! ಏನದು.?

ಮೇ 3 ರಂದು ಫಸ್ಟ್ ಲುಕ್ ಬಿಡುಗಡೆ

ಇದೇ ಬುಧವಾರ ಅಂದ್ರೆ, ಮೇ 3ಕ್ಕೆ ಯಶ್ ಅಭಿನಯದ 'ಕೆ.ಜಿ.ಎಫ್' ಸಿನಿಮಾದ ಫಸ್ಟ್ ಲುಕ್ ರಿಲೀಸ್ ಆಗಲಿದೆ. ಈ ಮೂಲಕ ಯಶ್ ರವರು ಸಿನಿಮಾದಲ್ಲಿ ಹೇಗೆ ಕಾಣ್ಬಹುದು ಎನ್ನುವ ಕುತೂಹಲಕ್ಕೆ ಬ್ರೇಕ್ ಬೀಳಲಿದೆ.[ಯಶ್ 'ಕೆ.ಜಿ.ಎಫ್' ಚಿತ್ರದ ಲೇಟೆಸ್ಟ್ ಸುದ್ದಿ ಕೇಳಿದ್ರಾ?]

ಟೀಸರ್ ಬಂದ್ರೂ ಬರಬಹುದು!

ಮೇ 3ರ ಸಂಜೆ 6 ಗಂಟೆಗೆ 'ಕೆ.ಜಿ.ಎಫ್' ಚಿತ್ರತಂಡ ಸಿನಿಮಾದ ಫಸ್ಟ್ ಲುಕ್ ರಿಲೀಸ್ ಮಾಡಲಿದೆ. ಇನ್ನೊಂದು ವಿಷ್ಯ ಏನಪ್ಪಾ ಅಂದ್ರೆ, ಅಂದೇ ಸಿನಿಮಾದ ಫಸ್ಟ್ ಲುಕ್ ಪೋಸ್ಟರ್ ಜೊತೆಗೆ ಟೀಸರ್ ಸಹ ರಿಲೀಸ್ ಆಗುವ ಸಾಧ್ಯತೆ ಇದೆ.

1970ರ ಕಥೆ ಹೊಂದಿದೆ

'ಕೆ.ಜಿ.ಎಫ್' ಸಿನಿಮಾದ ಕಥೆ 1970ರ ಕಾಲಘಟ್ಟದಲ್ಲಿ ನಡೆದಿರುವ ಘಟನೆ ಎನ್ನಲಾಗಿದೆ. ಇದೇ ಕಾರಣಕ್ಕೆ ಸಿನಿಮಾದ ಚಿತ್ರೀಕರಣ ತಡವಾಗುತ್ತಿದೆ. ಅಲ್ಲದೇ, ಈ ಸಿನಿಮಾ ದೊಡ್ಡ ಬಜೆಟ್ ನಲ್ಲಿ ರೆಡಿಯಾಗುತ್ತಿದೆ.[ಮೇ 3ರಂದು ರಾಕಿಂಗ್ ಸ್ಟಾರ್ ಅಭಿಮಾನಿಗಳಿಗೆ ಸಿಹಿ ಸುದ್ದಿ]

'ಕೆ.ಜಿ.ಎಫ್' ಕ್ವೀನ್

'ಕೆ.ಜಿ.ಎಫ್' ಸಿನಿಮಾಗೆ ಈಗಾಗಲೇ ನಾಯಕಿಯ ಆಯ್ಕೆಯಾಗಿದೆ. ಮಾಡೆಲ್ ಶ್ರೀನಿಧಿ ಶೆಟ್ಟಿ ರಾಕಿಂಗ್ ಸ್ಟಾರ್ ಗೆ ಜೋಡಿಯಾಗಿದ್ದಾರೆ.

ಭರ್ಜರಿ ಶೂಟಿಂಗ್

ಸಿನಿಮಾದ ಶೂಟಿಂಗ್ ಮಾರ್ಚ್ 15ಕ್ಕೆ ಶುರುವಾಗಿದ್ದು, ದೊಡ್ಡ ದೊಡ್ಡ ಸೆಟ್ ನಲ್ಲಿ ಚಿತ್ರೀಕರಿಸಲಾಗುತ್ತಿದೆ. ಭುವನ್ ಗೌಡ ಕ್ಯಾಮರಾ ಹಿಡಿದಿದ್ರೆ, ರವಿ ಬಸ್ರೂರ್ ಸಂಗೀತ ನಿರ್ದೇಶನ ಮಾಡಿದ್ದಾರೆ.

ಹೈ ಎಕ್ಸ್ ಪೆಕ್ಟೇಷನ್

'ಉಗ್ರಂ' ಸಿನಿಮಾದ ನಂತರ ಪ್ರಶಾಂತ್ ನೀಲ್ ಈ ಚಿತ್ರವನ್ನ ನಿರ್ದೇಶನ ಮಾಡುತ್ತಿದ್ದು, ಸಿನಿಮಾದ ಮೇಲೆ ದೊಡ್ಡ ನಿರೀಕ್ಷೆ ಇದೆ. ಅಂದುಕೊಂಡಂತೆ ಆದ್ರೆ, 'ಕೆ.ಜಿ.ಎಫ್' ಸಿನಿಮಾ ಡಿಸೆಂಬರ್ ಗೆ ತೆರೆಗೆ ಬರಲಿದೆ.