Don't Miss!
- News 5 ವರ್ಷಗಳಲ್ಲಿ ಕರ್ನಾಟಕ ಸಂಸದರ ಸಾಧನೆ ಏನು? ಅಧ್ಯಯನ ಹೇಳೋದೇನು?
- Sports ಟಿ20 ವಿಶ್ವಕಪ್ಗೆ ಭಾರತ ತಂಡದಲ್ಲಿ ಕೆಎಲ್ ರಾಹುಲ್ಗೆ ಸ್ಥಾನ?; ರಾಬಿನ್ ಉತ್ತಪ್ಪ ಹೇಳಿದ್ದೇನು?
- Technology ಆನ್ಲೈನ್ ಶಾಪಿಂಗ್ ಮಾಡಲು ಇಲ್ಲಿವೇ ನೋಡಿ ಬೆಸ್ಟ್ ವೆಬ್ಸೈಟ್ಗಳು!
- Automobiles Hyundai: ಹಳೆಯ ಹ್ಯುಂಡೈ ಕ್ರೆಟಾವನ್ನು ಮರೆತುಬಿಡಿ... ಹೊಸ ಕ್ರೆಟಾ ಈಗ ಮತ್ತಷ್ಟು ಪ್ರೀಮಿಯಂ SUV
- Finance ಸಂಸ್ಥೆಯ ಎಲ್ಲ 30,000 ಉದ್ಯೋಗಿಗಳಿಗೆ ವರ್ಕ್ ಫಮ್ ಹೋಂ ನೀಡಿದ ಟೆಕ್ ಕಂಪೆನಿ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ದಾಖಲೆ ಬೆಲೆಗೆ 'ಕೆ.ಜಿ.ಎಫ್' ತೆಲುಗು, ತಮಿಳು ರೈಟ್ಸ್ ಮಾರಾಟ
Recommended Video
ಗಾಂಧಿನಗರದಲ್ಲಿ ಈ ವರ್ಷ ಬಹುನಿರೀಕ್ಷೆ ಹುಟ್ಟು ಹಾಕಿರುವ ಚಿತ್ರ 'ಕೆ.ಜಿ.ಎಫ್'. ಡಿಸೆಂಬರ್ 21 ರಂದು 'ಕೆ.ಜಿ.ಎಫ್' ಚಿತ್ರ ರಾಜ್ಯಾದ್ಯಂತ ಮಾತ್ರ ಅಲ್ಲ, ರಾಷ್ಟ್ರಾದ್ಯಂತ ಬಿಡುಗಡೆ ಆಗಲಿದೆ. ಇದೇ ವಾರ 'ಕೆ.ಜಿ.ಎಫ್' ಚಿತ್ರದ ಟ್ರೈಲರ್ ರಿಲೀಸ್ ಆಗಲಿದೆ.
ಎಲ್ಲರ ಕಣ್ಣು 'ಕೆ.ಜಿ.ಎಫ್' ಮೇಲೆ ಇರುವಾಗಲೇ, ಚಿತ್ರ ದಾಖಲೆ ಮೇಲೆ ದಾಖಲೆ ಬರೆಯುತ್ತಿದೆ. ನಿಮಗೆಲ್ಲ ಗೊತ್ತಿರುವ ಹಾಗೆ, 'ಕೆ.ಜಿ.ಎಫ್' ಚಿತ್ರ ಐದು ಭಾಷೆಗಳಲ್ಲಿ ಬಿಡುಗಡೆ ಆಗಲಿದೆ.
ಪ್ರಶಾಂತ್ ನೀಲ್ ನಿರ್ದೇಶನದ ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಕನ್ನಡ, ತೆಲುಗು, ತಮಿಳು, ಹಿಂದಿ ಹಾಗೂ ಮಲಯಾಳಂ ಭಾಷೆಗಳಲ್ಲಿ 'ಕೆ.ಜಿ.ಎಫ್' ರಾರಾಜಿಸಲಿದೆ. ಸದ್ಯ 'ಕೆ.ಜಿ.ಎಫ್' ಅಂಗಳದಿಂದ ಬ್ರೇಕ್ ಆಗಿರುವ ಲೇಟೆಸ್ಟ್ ಸುದ್ದಿ ಪ್ರಕಾರ, ತಮಿಳು ಹಾಗೂ ತೆಲುಗು ರೈಟ್ಸ್ ದಾಖಲೆ ಬೆಲೆಗೆ ಮಾರಾಟ ಆಗಿದೆ. ಮುಂದೆ ಓದಿರಿ...
ತಮಿಳು ಹಕ್ಕು ಖರೀದಿ ಮಾಡಿದವರು ಯಾರು ಗೊತ್ತೇ.?
'ಕೆ.ಜಿ.ಎಫ್' ಚಿತ್ರದ ತಮಿಳು ಹಕ್ಕುಗಳ ವಿತರಣೆಯನ್ನು ಖರೀದಿ ಮಾಡಿರುವವರು ಬೇರೆ ಯಾರೂ ಅಲ್ಲ.. ತಮಿಳಿನ ಖ್ಯಾತ ನಟ ವಿಶಾಲ್ ಒಡೆತನದ 'ವಿಶಾಲ್ ಫಿಲ್ಮ್ ಫ್ಯಾಕ್ಟರಿ' ಸಂಸ್ಥೆ. ಮೂಲಗಳ ಪ್ರಕಾರ, ದಾಖಲೆ ಬೆಲೆ ನೀಡಿ 'ವಿಶಾಲ್ ಫಿಲ್ಮ್ ಫ್ಯಾಕ್ಟರಿ' ಕೆ.ಜಿ.ಎಫ್ ತಮಿಳು ಹಕ್ಕುಗಳನ್ನು ಖರೀದಿ ಮಾಡಿದೆ.
ಕನ್ನಡ ನಿರ್ದೇಶಕರ ಹೃದಯ ಬಡಿತ ಹೆಚ್ಚಿಸಿದ 'ಕೆ ಜಿ ಎಫ್'
ತೆಲುಗು ಹಕ್ಕು ಖರೀದಿ ಮಾಡಿರುವವರು ಯಾರು.?
'ಕೆ.ಜಿ.ಎಫ್' ಚಿತ್ರದ ತೆಲುಗು ಹಕ್ಕುಗಳ ವಿತರಣೆಯನ್ನು 'ವಾರಾಹಿ ಚಲನ ಚಿತ್ರಂ'ಸಂಸ್ಥೆ ಖರೀದಿ ಮಾಡಿದೆ. ತೆಲುಗಿನಲ್ಲಿ 'ಈಗ', 'ಲೆಜೆಂಡ್' ಸೇರಿದಂತೆ ಹಲವಾರು ಚಿತ್ರಕ್ಕೆ ಬಂಡವಾಳ ಹಾಕಿದ್ದು ಇದೇ 'ವಾರಾಹಿ ಚಲನ ಚಿತ್ರಂ' ಸಂಸ್ಥೆ ಅನ್ನೋದು ನಿಮಗೆ ಗೊತ್ತಿರಲಿ.
''ಕೆ ಜಿ ಎಫ್' ನನ್ನ ಜೀವನದ ಉತ್ತಮ ನಿರ್ಧಾರ'' ಎಂದ ಶ್ರೀನಿಧಿ ಶೆಟ್ಟಿ
ಫರ್ಹಾನ್ ಅಖ್ತರ್ ಕೈಯಲ್ಲಿ ಹಿಂದಿ ರೈಟ್ಸ್
ಇನ್ನೂ 'ಕೆ.ಜಿ.ಎಫ್' ಚಿತ್ರದ ಹಿಂದಿ ಹಕ್ಕುಗಳ ವಿತರಣೆಯನ್ನು ಫರ್ಹಾನ್ ಅಖ್ತರ್ ಹಾಗೂ ರಿತೇಶ್ ಸಿದ್ವಾನಿ ಒಡೆತನದ ಎಕ್ಸೆಲ್ ಎಂಟರ್ ಟೈನ್ಮೆಂಟ್ ಪಡೆದುಕೊಂಡಿದೆ.
'ಕೆ ಜಿ ಎಫ್' ತಂಡದಿಂದ ಅಭಿಮಾನಿಗಳಿಗೆ ಸಿಕ್ಕಿತು ಸಿಹಿ ಸುದ್ದಿ
ಗುಟ್ಟು ಬಿಟ್ಟುಕೊಟ್ಟಿಲ್ಲ.!
ಮೂಲಗಳ ಪ್ರಕಾರ, 'ಕೆ.ಜಿ.ಎಫ್' ಚಿತ್ರದ ತಮಿಳು, ತೆಲುಗು ಹಾಗೂ ಹಿಂದಿ ಹಕ್ಕುಗಳು ದಾಖಲೆ ಬೆಲೆಗೆ ಸೇಲ್ ಆಗಿದೆ. ಆದ್ರೆ, ಆ 'ದಾಖಲೆ' ಬೆಲೆ ಎಷ್ಟು ಎಂಬ ಗುಟ್ಟು ಮಾತ್ರ ಇನ್ನೂ ರಟ್ಟಾಗಿಲ್ಲ.
'KGF' ನಲ್ಲಿ ಯಶ್ ಬಳಸಿರುವ ಈ ಬೈಕ್ ಹಿಂದಿದೆ ಒಂದು ಕುತೂಹಲಕಾರಿ ವಿಷಯ!
ಡಿಸೆಂಬರ್ 21 ರಂದು ಬಿಡುಗಡೆ
70-80 ರ ದಶಕದ ಪೀರಿಯಡ್ ಡ್ರಾಮಾ ಹೊಂದಿರುವ 'ಕೆ.ಜಿ.ಎಫ್' ಚಿತ್ರದಲ್ಲಿ ಯಶ್ ಜೊತೆಗೆ ಶ್ರೀನಿಧಿ ಶೆಟ್ಟಿ, ಅಚ್ಯುತ್ ಕುಮಾರ್, ವಸಿಷ್ಠ.ಎನ್.ಸಿಂಹ, ರಮ್ಯಾ ಕೃಷ್ಣನ್, ಬಿ.ಸುರೇಶ ಸೇರಿದಂತೆ ದೊಡ್ಡ ತಾರಾಬಳಗ ಇದೆ. ಪ್ರಶಾಂತ್ ನೀಲ್ ನಿರ್ದೇಶನದ ಈ ಚಿತ್ರಕ್ಕೆ ಹೊಂಬಾಳೆ ಫಿಲ್ಮ್ಸ್ ಅಡಿಯಲ್ಲಿ ವಿಜಯ್ ಕಿರಗಂದೂರು ನಿರ್ಮಾಣ ಮಾಡಿದ್ದಾರೆ.