'ಪ್ರಭಾಸ್-ರಾಣಾರಂತೆ ನೀವು ಆಗ್ತೀರಾ' ಎಂದಿದ್ದಕ್ಕೆ ಯಶ್ ಏನಂದ್ರು.?

ಕೆಜಿಎಫ್ ಹಿಟ್ ಆದ್ರೆ.....

ಸದ್ಯ 'ಕೆಜಿಎಫ್' ಸಿನಿಮಾ ಟ್ರೈಲರ್ ಮಾಡ್ತಿರುವ ಹವಾ ನೋಡಿ ಯಶ್ ಭವಿಷ್ಯದ ಬಗ್ಗೆ ಚರ್ಚೆಯಾಗ್ತಿದೆ. ಕೆಜಿಎಫ್ ಸಿನಿಮಾ ಏನಾದರೂ ಚಿತ್ರಜಗತ್ತಿನಲ್ಲಿ ದೊಡ್ಡ ಯಶಸ್ಸು ಕಂಡ್ರೆ, ರಾಕಿಂಗ್ ಸ್ಟಾರ್ ಗೆ ಪರಭಾಷೆಯಲ್ಲಿ ಆಫರ್ ಗಳು ಹುಡುಕಿಕೊಂಡು ಬರೋದು ಖಚಿತವೆನ್ನಲಾಗುತ್ತಿದೆ. ಸ್ಯಾಂಡಲ್ ವುಡ್ ಸ್ಟಾರ್ ಆಗಿದ್ದ ಯಶ್ 'ನ್ಯಾಷನಲ್ ಸ್ಟಾರ್' ಆಗೋದು ಪಕ್ಕಾ ಎನ್ನುತ್ತಿದ್ದಾರೆ.

ಯಶ್ ಅವರ ಆಸೆಯೂ ಇದೆ.!

ಇನ್ನು ಸ್ವತಃ ರಾಕಿಂಗ್ ಸ್ಟಾರ್ ಯಶ್ ಗೂ ಈ ಆಸೆ ಇದೆ. ಕೆಜಿಎಫ್ ಸಿನಿಮಾದ ಮೂಲಕ ಇಡೀ ಭಾರತವನ್ನ ತಲುಪಬೇಕು ಎಂಬ ಉದ್ದೇಶ ಹೊಂದಿದ್ದಾರೆ. ಇದನ್ನ ಹಲವು ಸಲ ಯಶ್ ಹೇಳಿಕೊಂಡಿದ್ದಾರೆ. ಹಾಗೆಯೇ, ಕೆಜಿಎಫ್ ಟ್ರೈಲರ್ ಬಿಡುಗಡೆ ಕಾರ್ಯಕ್ರಮದಲ್ಲಿ ಬಾಲಿವುಡ್ ಪತ್ರಕರ್ತರೊಬ್ಬರು ಈ ಪ್ರಶ್ನೆಯನ್ನ ಕೇಳಿದ್ದರು. ಅದಕ್ಕೆ ಯಶ್ ಉತ್ತರ ಕೂಡ ಹಾಗೆ ಇತ್ತು.

ಹಿಂದಿ ಪತ್ರಕರ್ತ ಕೇಳಿದ ಪ್ರಶ್ನೆ ಏನು.?

'ಬಾಹುಬಲಿ ಪೋಸ್ಟರ್ ರಿಲೀಸ್ ಅದ್ಮೇಲೆ ಪ್ರಭಾಸ್ ಮತ್ತು ರಾಣಾ ದೇಶದಲ್ಲೆಡೆ ಏಕಾಏಕಿ ಸ್ಟಾರ್ ಆಗಿಬಿಟ್ಟರು. ಬಹುಶಃ ನೀವು ಕೂಡ ಅದೇ ರೀತಿ ಪ್ರಭಾವ ಮಾಡ್ತೀರಾ' ಎಂದು ಪ್ರಶ್ನಿಸಿದ್ದರು. ಅದಕ್ಕೆ ಉತ್ತರಿಸಿದ ಯಶ್ ''ಹೌದು, ಖಂಡಿತಾ...ಅದು ನಮ್ಮ ಉದ್ದೇಶ'' ಎಂದು ರಾಕಿಂಗ್ ಸಮರ್ಥಿಸಿಕೊಂಡರು.

ನನಗೆ ನಂಬಿಕೆ ಇದೆ

''ನನ್ನ ಸಿನಿಮಾಗಳು ಹಿಂದಿಗೆ ಡಬ್ ಆಗಿದೆ. ಮಿಲಿಯನ್ ಗಿಂತಲೂ ಹೆಚ್ಚು ವೀವ್ಸ್ ಬಂದಿದೆ. ನೇರವಾಗಿ ಯಾವುದು ಬಿಡುಗಡೆಯಾಗಿಲ್ಲ ಅಂದ್ರೂ ನನ್ನನ್ನ ಜನ ಗುರುತಿಸ್ತಾರೆ. ಇದು ನನಗೆ ವಿಶ್ವಾಸ ಹೆಚ್ಚಿಸಿದೆ. ನಮ್ಮ ಸಾಮರ್ಥ್ಯ ಏನು ಎಂದು ತೋರಿಸುವುದು ಮುಖ್ಯ. ನಂತರ ನಮ್ಮ ಹಣೆಬರಹವನ್ನ ಆ ದೇವರು ನಿರ್ಧರಿಸುತ್ತಾನೆ. ನೋಡೋಣ, ಎಲ್ಲಿಗೆ ಕರೆದುಕೊಂಡು ಹೋಗಿ ಬಿಡ್ತಾನೆ'' ಎಂದು ಪ್ರತಿಕ್ರಿಯಿಸಿದರು.

ಕನ್ನಡ ಚಿತ್ರರಂಗವನ್ನ ಇನ್ನೊಂದು ಹಂತಕ್ಕೆ....

ಯಶ್ ಮೊದಲಿನಿಂದಲೂ ಹೇಳುತ್ತಿರುವುದು ಇದೇ. ಕನ್ನಡ ಚಿತ್ರರಂಗವನ್ನ ಇನ್ನೊಂದು ಹಂತಕ್ಕೆ ಕರೆದುಕೊಂಡು ಹೋಗ್ತೀನಿ ಅಂತ. ಬಹುಶಃ ಈಗ ಅದೇ ಹಾದಿಯಲ್ಲಿದ್ದಾರೆ. ಈಗಾಗಲೇ ಅರ್ಧ ದಾರಿ ತಲುಪಿದ್ದಾರೆ. ಡಿಸೆಂಬರ್ 21 ಕ್ಕೆ ಗುರಿ ಮುಟ್ಟಲಿದ್ದಾರೆ. ಆದ್ರೆ, ಅಲ್ಲಿ ಚಿನ್ನ ಸಿಗುತ್ತಾ ಇಲ್ವಾ ಎಂಬುದು ಕಾದುನೋಡಬೇಕಿದೆ.