ದಾಖಲೆ ಬರೆದ 'ಕೆಜಿಎಫ್ 2' ಸಿನಿಮಾ ಫೈನಲ್ ಬಾಕ್ಸಾಫೀಸ್‌ ಕಲೆಕ್ಷನ್ ರಿಪೋರ್ಟ್ ಎಷ್ಟು?

ಫಸ್ಟ್ ಡೇ ಕಲೆಕ್ಷನ್ ₹100 ಕೋಟಿ

'ಕೆಜಿಎಫ್ 2' ಏಪ್ರಿಲ್ 14ರಂದು ವಿಶ್ವದಾದ್ಯಂತ ಅದ್ಧೂರಿಯಾಗಿ ಬಿಡುಗಡೆಯಾಗಿತ್ತು. ಸಿನಿಮಾ ರಿಲೀಸ್ ಆದ ಮೊದಲ ದಿನದಿಂದಲೇ 'ಕೆಜಿಎಫ್ 2' ಅಬ್ಬರಿಸಲು ಆರಂಭಿಸಿತ್ತು. ಐದೂ ಭಾಷೆಗಳಲ್ಲೂ ಈ ಸಿನಿಮಾ ಕಲೆಕ್ಷನ್ ಅದ್ಭುತವಾಗಿತ್ತು. ಮೊದಲ ದಿನವೇ 100 ಕೋಟಿ ರೂ.ಗೂ ಅಧಿಕ ಗಳಿಸಿದ ಮೂರನೇ ಸಿನಿಮಾ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿತ್ತು. RRR ಸಿನಿಮಾ ಮೊದಲ ದಿನ ಗಳಿಸಿದ 90 ಕೋಟಿ ರೂ. ಗಳಿಸಿತ್ತು. ಆ ದಾಖಲೆಯನ್ನು ಮುರಿದಿತ್ತು. ಅಂತಯೇ 'ಬಾಹುಬಲಿ 2' ಮೊದಲ ದಿನದ ಗಳಿಕೆಯನ್ನು ಹಿಂದಿಕ್ಕಲು ಸೋತಿದೆ.

'ವಿಕ್ರಂ' ಮುಂದೆ 'ಕೆಜಿಎಫ್ 2' ಬಚ್ಚಾ: ಮತ್ತೆ ಖ್ಯಾತೆ ತೆಗೆದ ಕಮಾಲ್!

'ಕೆಜಿಎಫ್ 2' ಭಾರತದ ಕಲೆಕ್ಷನ್ ಎಷ್ಟು?

'ಕೆಜಿಎಫ್ 2' ರಾಜಮೌಳಿ ನಿರ್ದೇಶಿಸಿದ RRR ಸಿನಿಮಾದ ದಾಖಲೆಯನ್ನು ಉಡೀಸ್ ಮಾಡಿದೆ. 'ಕೆಜಿಎಫ್ 2' ಎಲ್ಲಾ ಭಾಷೆಯಲ್ಲೂ, ಎಲ್ಲಾ ಪ್ರದೇಶಗಳಲ್ಲಿಯೂ ಉತ್ತಮ ಗಳಿಕೆ ಕಂಡಿದೆ. ಭಾರತದ ಮೂಲೆ ಮೂಲೆಯಲ್ಲಿ 'ಕೆಜಿಎಫ್ 2' ಸಿನಿಮಾವನ್ನು ನೋಡಿದ್ದಾರೆ. ಇದನ್ನು ಆಧಾರವಾಗಿಟ್ಟುಕೊಂಡು ಫಿಂಕ್‌ವಿಲ್ ವೆಬ್‌ಸೈಟ್ 'ಕೆಜಿಎಫ್ 2' ಫೈನಲ್ ಬಾಕ್ಸಾಫೀಸ್ ಕಲೆಕ್ಷನ್ ಅನ್ನು ಪಟ್ಟಿ ಮಾಡಿದೆ.

ಕರ್ನಾಟಕ ₹171.50 ಕೋಟಿ
ಆಂಧ್ರ/ ತೆಲಂಗಾಣ ₹150 ಕೋಟಿ
ತಮಿಳುನಾಡು ₹109.70 ಕೋಟಿ
ಕೇರಳ ₹66.10 ಕೋಟಿ
ಉತ್ತರ ಭಾರತ ₹494.30 ಕೋಟಿ

ಒಟ್ಟು ₹991.60 ಕೋಟಿ

'ಕೆಜಿಎಫ್ 2' ವರ್ಲ್ಡ್‌ವೈಡ್ ಕಲೆಕ್ಷನ್ ಎಷ್ಟು?

ಅತೀ ಹೆಚ್ಚು ದೇಶಗಳಲ್ಲಿ ಬಿಡುಗಡೆಯಾದ ಕನ್ನಡದ ಮೊದಲ ಸಿನಿಮಾ 'ಕೆಜಿಎಫ್ 2' ಹಾಗೇ ವಿದೇಶದ ಬಾಕ್ಸಾಫೀಸ್‌ನಲ್ಲಿ 200 ಕೋಟಿ ಕ್ಲಬ್ ಸೇರಿದ ಮೊದಲ ಸಿನಿಮಾ ಕೂಡ ಹೌದು. 'ಕೆಜಿಎಫ್ 2' ಎಲ್ಲೆಲ್ಲಿ ಬಿಡುಗಡೆಯಾಗಿದೆಯೋ ಅಲ್ಲೆಲ್ಲಾ ಉತ್ತಮ ಕಲೆಕ್ಷನ್ ಮಾಡಿದೆ. ಅದರ ಡಿಟೈಲ್ಸ್ ಇಲ್ಲಿದೆ.

ಉತ್ತರ ಅಮೆರಿಕಾ $7.45 million
ಮಧ್ಯ ಪ್ರಾಚ್ಯ $8.13 million
ಆಸ್ಟೇಲಿಯಾ $2.53 million
ನ್ಯೂಜಿಲ್ಯಾಂಡ್ $0.43 million
ಮಲೇಷ್ಯಾ $2.45 million
ಸಿಂಗಾಪುರ $0.90 million
ನೇಪಾಳ $1.05 million
ಏಪ್ಯಾ $0.65 million
ಯುಕೆ- $1.46 million
ಯುರೋಪ್ $1.50 million
ಉಳಿದ ರಾಷ್ಟ್ರ $0.50 million

ಓವರ್‌ಸೀಸ್ $27.05 million / ₹206.60 ಕೋಟಿ

ಸಾಗರದ ಕೆಳದಿ ಅರಸರ ಕಲ್ಯಾಣಿಯನ್ನು ಜೀರ್ಣೋದ್ಧಾರ ಮಾಡಿದ ಯಶ್ 'ಯಶೋಮಾರ್ಗ'

5 ಕೋಟಿ ಮಂದಿ ವೀಕ್ಷಣೆ

'ಕೆಜಿಎಫ್ 2' ಸಿನಿಮಾ ವಿಶ್ವದಾದ್ಯಂತ ₹1250 ಕೋಟಿಗೂ ಅಧಿಕ ಗಳಿಸಿದೆ ಎಂದು ವರದಿಯಾಗಿತ್ತು. ಪಿಂಕ್ ವಿಲ್ಲಾ ಕೂಡ ಈ ಮೊತ್ತದ ಆಜುಬಾಜುವಿನಲ್ಲಿಯೇ ವರದಿ ಮಾಡಿದೆ. 'ಕೆಜಿಎಫ್ 2' ಫೈನಲ್ ಬಾಕ್ಸಾಫೀಸ್‌ ಕಲೆಕ್ಷನ್ ₹1198.20 ಕೋಟಿ ಎಂದು ಹೇಳಿದೆ. ಈ ಸಿನಿಮಾವನ್ನು ಇದೂವರೆಗೂ ಭಾರತದಾದ್ಯಂತ ಸುಮಾರು 5 ಕೋಟಿ ಮಂದಿ ವೀಕ್ಷಿಸಿದ್ದಾರೆ ಎಂದು ಹೇಳಲಾಗಿತ್ತು. ಈಗ ಅದು 5.25 ಕೋಟಿ ಆಗಿರಬಹುದು ಎನ್ನಲಾಗಿದೆ.