ಮುಖಪುಟ

ಸಿನಿ ಸಮಾಚಾರ

ರಾಕಿಂಗ್ ಸ್ಟಾರ್ ಯಶ್ ಮುದ್ದು ಮಗನಿಗೆ 'ಜಾನಿ ಜಾನಿ ಎಸ್ ಪಪ್ಪಾ' ಹೇಳಿಕೊಡುತ್ತಿರುವ ವಿಡಿಯೋ ವೈರಲ್ ಆಗಿದೆ. ಮೊನ್ನೆ ಮೊನ್ನೆಯಷ್ಟೆ ಕೆಜಿಎಫ್-2 ಚಿತ್ರೀಕರಣದಲ್ಲಿ ಭಾಗಿಯಾಗಿದ್ದ ಯಶ್ ಈಗ ಮಗನಿಗೆ ಪಾಠ ಹೇಳಿಕೊಡುತ್ತಿದ್ದಾರೆ. ಈ ವಿಡಿಯೋವನ್ನು ನಟಿ ರಾಧಿಕಾ ಪಂಡಿತ್ ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡಿದ್ದಾರೆ.

Recommended Video

ಯಶ್ ಮಗನಿಗೆ 'ಜಾನಿ ಜಾನಿ ಎಸ್ ಪಪ್ಪಾ' ಹೇಳಿಕೊಡುತ್ತಿದ್ದರೆ ಮಗ ಕೂಡ ಅಪ್ಪನ ಜೊತೆ ಹಾಡುತ್ತಿದ್ದಾರೆ. ಜೊತೆಗೆ ಯಥರ್ವ್ ಆಕ್ಷನ್ ಕೂಡ ಮಾಡುತ್ತಿದ್ದಾರೆ. ಈ ಕ್ಯೂಟ್ ವಿಡಿಯೋ ಈಗ ವೈರಲ್ ಆಗಿದ್ದು ಅಭಿಮಾನಿಗಳಿಂದ ಭಾರಿ ಮೆಚ್ಚಿಗೆ ವ್ಯಕ್ತವಾಗುತ್ತಿದೆ. ರಾಧಿಕಾ ಪಂಡಿತ್ ಲಾಕ್ ಡೌನ್ ಡೈರಿಸ್ ಎಂದು ಈ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ.

ಮುದ್ದು ಮಗನಿಗೆ 11 ತಿಂಗಳು ತುಂಬಿದ ಖುಷಿಯಲ್ಲಿ ಯಶ್ ದಂಪತಿ

ಇತ್ತೀಚಿಗೆ ನಟ ಯಶ್ ಮತ್ತು ರಾಧಿಕಾ ಪಂಡಿತ್ ಅವರ ಎಂಗೇಜ್ ಮೆಂಟ್ ಫೋಟೋ ನೋಡಿದ ಯಥರ್ವ್, ಆ ಫೋಟೋ ಬಳಿ ಹೋಗಿ ಅಪ್ಪ-ಅಮ್ಮನ್ನು ಗುರುತಿಸುತ್ತಿರುವ ವಿಡಿಯೋವನ್ನು ಹಂಚಿಕೊಂಡಿದ್ದರು. ಯಥರ್ವ್ ನಿಗೆ ಅಕ್ಕ ಐರಾ ಸಾಥ್ ನೀಡಿದ್ದಾಳೆ. ತೊದಲು ಮಾತಿನಲ್ಲಿ ಅಪ್ಪ-ಅಮ್ಮ ಎನ್ನುವ ಪ್ರಯತ್ನ ಮಾಡುತ್ತಿರುವ ಯಥರ್ವನಿಗೆ ಸಹೋದರಿ ಐರಾ ಹೇಳಿಕೊಡುತ್ತಿರುವ ವಿಡಿಯೋ ಸಹ ವೈರಲ್ ಆಗಿದೆ.

View this post on Instagram

Lockdown diaries : One Johnny and Another (a rather impatient one) 😁 #radhikapandit #nimmaRP

A post shared by Radhika Pandit (@iamradhikapandit) on Oct 9, 2020 at 11:15pm PDT

ಯಶ್-ರಾಧಿಕಾ ಮುದ್ದು ಮಗನಿಗೆ 11ತಿಂಗಳು ತುಂಬಿದೆ. ಒಂದು ವರ್ಷಕ್ಕೆ ಇನ್ನು ಕೆಲವೇ ದಿನಗಳು ಬಾಕಿ ಇದೆ. ಮಗನಿಗೆ ವರ್ಷ ತುಂಬಿದ ಸಂಭ್ರಮವನ್ನು ಆಚರಿಸಲು ಯಶ್ ದಂಪತಿ ತಯಾರಾಗಿದ್ದಾರೆ. ಅಂದ್ಹಾಗ ಯಶ್ ಕೆಜಿಎಫ್-2 ಸಿನಿಮಾದ ಚಿತ್ರೀಕರಣದಲ್ಲಿ ಭಾಗಿಯಾಗಿದ್ದಾರೆ. ಈಗಾಗಲೇ ಉಡುಪಿಯಲ್ಲಿ ಚಿತ್ರೀಕರಣ ಮಾಡುತ್ತಿರುವ ಸಿನಿಮಾತಂಡ ಮುಂದಿನ ಹಂತದ ಚಿತ್ರೀಕರಣವನ್ನು ಬೆಂಗಳೂರು ಮತ್ತು ಹೈದರಾಬಾದ್ ನಲ್ಲಿ ಮಾಡಲು ಸಜ್ಜಾಗಿದೆ.