ತಮಿಳುನಾಡಿನಲ್ಲೊಬ್ಬ 'ಅಣ್ತಮ್ಮ': ಬ್ರದರ್ ಗೆ ವಿಶ್ ಮಾಡಿದ 'ರಾಜಾಹುಲಿ'

ವಿಶಾಲ್ ಮತ್ತು ಯಶ್ ಅಣ್ತಮ್ಮ

ತಮಿಳು ನಟ ವಿಶಾಲ್ ಕರ್ನಾಟಕದಲ್ಲೂ ಹೆಚ್ಚು ಜನಪ್ರಿಯ. ತಮಿಳು ನಿರ್ಮಾಪಕರ ಸಂಘದ ಅಧ್ಯಕ್ಷನಾಗಿರುವ ವಿಶಾಲ್, ಕಾಲಿವುಡ್ ನಲ್ಲಿ ತನ್ನದೇ ಅಭಿನಯದಿಂದ ವಿಶೇಷ ಅಭಿಮಾನಿ ಬಳಗ ಹೊಂದಿರುವ ನಟ. ಈ ನಟ ಮತ್ತು ನಮ್ಮ ಯಶ್ ಇಬ್ಬರು ಅಣ್ತಮ್ಮಸ್ ಎಂಬುದು ಈಗ ಇಂಟ್ರೆಸ್ಟಿಂಗ್.

ಬ್ರದರ್ ಚಿತ್ರಕ್ಕೆ ವಿಶ್ ಮಾಡಿದ ರಾಮಾಚಾರಿ

ತಮಿಳು ನಟ ವಿಶಾಲ್ ಅಭಿನಯಿಸುತ್ತಿರುವ 'ಸಂಡೈಕೋಳಿ-2' ಚಿತ್ರದ ಟ್ರೈಲರ್ ಬಿಡುಗಡೆಯಾಗಿದೆ. ಈ ಟ್ರೈಲರ್ ನ್ನ ತಮ್ಮ ಫೇಸ್ ಬುಕ್ ಪೇಜ್ ನಲ್ಲಿ ಶೇರ್ ಮಾಡಿರುವ ಯಶ್, ''ನನ್ನ ಸಹೋದರನ 25ನೇ ಚಿತ್ರದ ಟ್ರೈಲರ್. ತುಂಬಾ ಇಂಟ್ರೆಸ್ಟಿಂಗ್ ಆಗಿದೆ. ಎಲ್ಲರಿಗೂ ಇಷ್ಟವಾಗುತ್ತೆ. ಅವರಿಗೆ ಸಪೋರ್ಟ್ ಮಾಡಿ'' ಎಂದು ವಿಶ್ ಮಾಡಿದ್ದಾರೆ.

ಕೆಜಿಎಫ್ ಗೆ ಸಾಥ್ ನೀಡಿದ್ದ ವಿಶಾಲ್

ಈ ಹಿಂದೆ ರಾಕಿಂಗ್ ಸ್ಟಾರ್ ಅಭಿನಯಿಸುತ್ತಿರುವ ಬಹುಭಾಷಾ ಮತ್ತು ಬಹುಕೋಟಿ ಚಿತ್ರ 'ಕೆಜಿಎಫ್' ರಿಲೀಸ್ ದಿನಾಂಕವನ್ನ ಬಹಿರಂಗಪಡಿಸಿದ್ದು ಇದೇ ವಿಶಾಲ್. ತೆಲುಗು ಮತ್ತು ತಮಿಳು ಭಾಷೆಯಲ್ಲಿ 'ಕೆಜಿಎಫ್' ಚಿತ್ರದ ಟ್ರೈಲರ್ ಮತ್ತು ಸಿನಿಮಾ ರಿಲೀಸ್ ಡೇಟ್ ಅನೌನ್ಸ್ ಮಾಡಿದ್ದರು.

ಅಕ್ಟೋಬರ್ ಅಣ್ತಮ್ಮಂದಿರಿಗೆ ಖುಷಿ

ಅಕ್ಟೋಬರ್ 14 ರಂದು ಯಶ್ ಅವರ 'ಕೆಜಿಎಫ್' ಸಿನಿಮಾದ ಟ್ರೈಲರ್ ರಿಲೀಸ್ ಆಗುತ್ತಿದೆ. ಸಿನಿಮಾ ನವೆಂಬರ್ 16 ರಂದು ತೆರೆಕಾಣಲಿದೆ. ಇನ್ನು ಅಕ್ಟೋಬರ್ 18 ರಂದು ವಿಶಾಲ್ ಅಭಿನಯದ 'ಸಂಡೈಕೋಳಿ-2' ಸಿನಿಮಾ ರಿಲೀಸ್ ಆಗುತ್ತಿದೆ.