Don't Miss!
- Sports DC vs GT IPL 2024: ಅಕ್ಷರ್, ರಿಷಭ್ ಶೈನಿಂಗ್; ಗುಜರಾತ್ ವಿರುದ್ಧ ಡೆಲ್ಲಿ ಜಯಭೇರಿ
- News ದ್ವೇಷ ಉತ್ತೇಜಿಸುವ ಪೋಸ್ಟ್: ಕರ್ನಾಟಕ ಬಿಜೆಪಿ ವಿರುದ್ಧ ದೂರು ದಾಖಲಿಸಿದ ಚುನಾವಣಾ ಆಯೋಗ
- Technology ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್!
- Lifestyle 613 ದಿನ ಕೊರೊನಾ ವಿರುದ್ಧ ಹೋರಾಡಿ ವೃತಪಟ್ಟ ವ್ಯಕ್ತಿ..!
- Automobiles ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
2017ರಲ್ಲಿ ಹವಾ ಸೃಷ್ಟಿಸಿದ ಕನ್ನಡ ಚಿತ್ರರಂಗದ ಸ್ಟಾರ್ ನಟರು
ಈ ವರ್ಷ ಕನ್ನಡದಲ್ಲಿ 200ಕ್ಕೂ ಹೆಚ್ಚು ಸಿನಿಮಾಗಳು ಬಿಡುಗಡೆಯಾಗಿದೆ. ಆದರೆ ಈ ಪೈಕಿ ಸೂಪರ್ ಹಿಟ್ ಆದ ಸಿನಿಮಾಗಳು ಕೆಲವೇ ಕೆಲವು. ಒಂದು ಕಡೆ ಹೊಸಬರ ಹೊಸ ಪ್ರಯೋಗ ಕ್ಲಿಕ್ ಆಗಿವೆ. ಇತ್ತ ಸ್ಟಾರ್ ನಟರ ಕೆಲ ಸಿನಿಮಾಗಳು ಬಾಕ್ಸ್ ಆಫೀಸ್ ನಲ್ಲಿ ಹಿಟ್ ಆಗಿದೆ.
ಪ್ರಮುಖವಾಗಿ ಈ ವರ್ಷ ರಿಲೀಸ್ ಆದ ಕನ್ನಡದ ಸ್ಟಾರ್ ನಟರು ಸಿನಿಮಾಗಳು ಕನ್ನಡ ಚಿತ್ರರಂಗದ ಮಾರುಕಟ್ಟೆ ಮತ್ತಷ್ಟು ಹೆಚ್ಚಾಗಲು ಸಹಾಯ ಮಾಡಿದೆ. ಶಿವರಾಜ್ ಕುಮಾರ್, ಪುನೀತ್ ರಾಜ್ ಕುಮಾರ್, ಸುದೀಪ್, ದರ್ಶನ್, ಶ್ರೀ ಮುರಳಿ, ಧ್ರುವ ಸರ್ಜಾ ಈ ವರ್ಷ ದೊಡ್ಡ ಯಶಸ್ಸು ಕಂಡ ಕನ್ನಡದ ನಟರಾಗಿದ್ದಾರೆ. ಈ ವರ್ಷದ ಸ್ಟಾರ್ ಸಿನಿಮಾಗಳ ಸಂಪೂರ್ಣ ವಿವರ ಮುಂದಿದೆ ಓದಿ...
ರಮೇಶ್ ಅರವಿಂದ್ (ಪುಷ್ಪಕ ವಿಮಾನ)
ನಟ ರಮೇಶ್ ಅರವಿಂದ್ 'ಪುಷ್ಪಕ ವಿಮಾನ' ಸಿನಿಮಾದಲ್ಲಿ ವಿಭಿನ್ನ ಪಾತ್ರ ಮಾಡುವ ಮೂಲಕ ತಮ್ಮ ನಟನ ಚಾತುರ್ಯವನ್ನು ಮತ್ತೊಮ್ಮೆ ತೋರಿಸಿದರು. ಈ ವರ್ಷ ರಿಲೀಸ್ ಆದ ಮೊದಲ ಸಿನಿಮಾ ಇದಾಗಿದ್ದು, ತಂದೆ ಮತ್ತು ಮಗಳ ಸಂಬಂಧವನ್ನು ಚಿತ್ರದಲ್ಲಿ ಹೇಳಲಾಗಿತ್ತು.
ಶಿವರಾಜ್ ಕುಮಾರ್ (4 ಸಿನಿಮಾಗಳು)
ನಟ ಶಿವಣ್ಣ ಪ್ರತಿ ವರ್ಷದಂತೆ ಈ ವರ್ಷವೂ ಬಿಡುವು ತೆರೆಗೆದುಕೊಂಡಿಲ್ಲ. 3 ತಿಂಗಳಿಗೆ ಒಂದು ಸಿನಿಮಾದಂತೆ ವರ್ಷಕ್ಕೆ 4 ಸಿನಿಮಾ ಮಾಡಿದ್ದಾರೆ. 'ಶ್ರೀ ಕಂಠ', 'ಸನ್ ಆಫ್ ಬಂಗಾರದ ಮನುಷ್ಯ', 'ಮಾಸ್ ಲೀಡರ್', 'ಮಫ್ತಿ' ಹೀಗೆ ಪ್ರತಿ ಸಿನಿಮಾದಲ್ಲಿಯೂ ವಿಭಿನ್ನ ಪಾತ್ರಗಳನ್ನು ಶಿವಣ್ಣ ಪ್ರಯತ್ನ ಮಾಡಿದ್ದಾರೆ.
ಪುನೀತ್ ರಾಜ್ ಕುಮಾರ್ (ರಾಜಕುಮಾರ)
ಪವರ್ ಸ್ಟಾರ್ ಪುನೀತ್ ಈ ವರ್ಷ ಹೊಸ ಇತಿಹಾಸ ಬರೆದಿದ್ದಾರೆ. 'ರಾಜಕುಮಾರ' ಚಿತ್ರ ಅತಿ ಹೆಚ್ಚು ಹಣ ಗಳಿಸಿದ ಕನ್ನಡ ಸಿನಿಮಾವಾಗಿದೆ. ಈ ದೊಡ್ಡ ಗೆಲುವಿನ ಬಳಿಕ ಅಪ್ಪು 'ಅಂಜನಿಪುತ್ರ' ಸಿನಿಮಾ ಮಾಡುತ್ತಿದ್ದಾರೆ. ಈ ಚಿತ್ರ ಡಿಸೆಂಬರ್ 21ಕ್ಕೆ ರಿಲೀಸ್ ಆಗಲಿದೆ.
ದರ್ಶನ್ (ಚಕ್ರವರ್ತಿ, ತಾರಕ್)
ಡಿ ಬಾಸ್ ದರ್ಶನ್ ಈ ವರ್ಷ ಮಾಡಿದ್ದು ಎರಡು ಚಿತ್ರಗಳನ್ನು. ಅದರಲ್ಲಿ 'ಚಕ್ರವರ್ತಿ' ಸಿನಿಮಾಗೆ ಹೇಳಿಕೊಳ್ಳುವ ಯಶಸ್ಸು ಸಿಗಲಿಲ್ಲ. ಆದರೆ 'ತಾರಕ್' ಒಂದು ಒಳ್ಳೆಯ ಫ್ಯಾಮಿಲಿ ಸಿನಿಮಾ ಅಂತ ಕರೆಸಿಕೊಂಡಿದೆ.
ಉಪೇಂದ್ರ (ಉಪೇಂದ್ರ ಮತ್ತೆ ಬಾ)
ಪ್ರಜಾಕೀಯದ ಕೆಲಸದಲ್ಲಿ ಬಿಜಿ ಇದ್ದ ರಿಯಲ್ ಸ್ಟಾರ್ ಉಪೇಂದ್ರ ಈ ವರ್ಷ ಮಾಡಿದ್ದು 'ಉಪೇಂದ್ರ ಮತ್ತೆ ಬಾ' ಸಿನಿಮಾವನ್ನು ಮಾತ್ರ.
ಸುದೀಪ್ (ಹೆಬ್ಬುಲಿ)
ಕಿಚ್ಚ ಸುದೀಪ್ ಈ ವರ್ಷ 'ಹೆಬ್ಬುಲಿ' ಅವತಾರ ಎತ್ತಿದರು. ಚಿತ್ರದಲ್ಲಿ ಸುದೀಪ್ ಆರ್ಮಿ ಆಫೀಸರ್ ಪಾತ್ರ ಮಾಡಿದ್ದು, ರವಿಚಂದ್ರನ್ ತಮ್ಮನಾಗಿ ಸುದೀಪ್ ಅಭಿನಯಿಸಿದ್ದರು.
ಶ್ರೀ ಮುರಳಿ (ಮಫ್ತಿ)
'ರಥಾವರ' ಬಳಿಕ 'ಮಫ್ತಿ' ಚಿತ್ರದ ಮೂಲಕ ಮುರಳಿ ಮರಳಿದರು. ಈ ಸಿನಿಮಾ ಕೂಡ ನೋಡುಗರಿಗೆ ಹೊಸ ಥ್ರಿಲ್ ನೀಡಿದ್ದು, ಶ್ರೀ ಮುರಳಿ ಹ್ಯಾಟ್ರಿಕ್ ಗೆಲುವು ಸಾಧಿಸಿದರು.
ಅರ್ಜುನ್ ಸರ್ಜಾ (ವಿಸ್ಮಯ)
ಅರ್ಜುನ್ ಸರ್ಜಾ ಈ ವರ್ಷ 'ವಿಸ್ಮಯ' ಸಿನಿಮಾ ಮಾಡಿದರು. ಇದು ಅವರ 150ನೇ ಸಿನಿಮಾವಾಗಿತ್ತು.
ಶರಣ್ (ಸತ್ಯ ಹರಿಶ್ಚಂದ್ರ)
ಕಾಮಿಡಿ ಕಿಂಗ್ ಶರಣ್ 'ಸತ್ಯ ಹರಿಶ್ಚಂದ್ರ'ನಾಗಿ ಜನರ ಮುಂದೆ ಬಂದರು. ಆದರೆ ಮತ್ತೆ ಈ ಚಿತ್ರದಲ್ಲಿಯೂ ಶರಣ್ ಸೋಲು ಕಂಡರು.
ಗಣೇಶ್ (ಪಟಾಕಿ, ಮುಗುಳುನಗೆ)
'ಪಟಾಕಿ', 'ಮುಗುಳುನಗೆ' ಎರಡು ಸಿನಿಮಾಗಳಲ್ಲಿ ಗಣೇಶ್ ಈ ವರ್ಷ ನಟಿಸಿದರು ಆದರೆ ಈ ಎರಡು ಚಿತ್ರಗಳು ಸಹ ದೊಡ್ಡ ಮಟ್ಟದ ಹಿಟ್ ಆಗಲಿಲ್ಲ. ಇನ್ನು ಗಣೇಶ್ ಅವರ 'ಚಮಕ್' ಸಿನಿಮಾ ಕೂಡ ಇದೇ ತಿಂಗಳು ರಿಲೀಸ್ ಆಗಲಿದೆ.
ಮಿತ್ರ (ರಾಗ)
ಹಾಸ್ಯ ನಟ ಮಿತ್ರ 'ರಾಗ' ಚಿತ್ರದಲ್ಲಿ ಲೀಡ್ ರೋಲ್ ನಲ್ಲಿ ಕಾಣಿಸಿಕೊಂಡಿದ್ದರು. ಈ ಚಿತ್ರದಲ್ಲಿ ಕುರುಡನಾಗಿ ನಟಿಸಿದ್ದ ಅವರ ಅಭಿನಯ ಎಲ್ಲರ ಮೆಚ್ಚುಗೆ ಪಡೆಯಿತು.
ಜಗ್ಗೇಶ್ (ಮೇಲುಕೋಟೆ ಮಂಜ)
'ಮೇಲುಕೋಟೆ ಮಂಜ' ಚಿತ್ರಕ್ಕೆ ಜಗ್ಗೇಶ್ ನಾಯಕ ಕಂ ನಿರ್ದೇಶಕ ಆಗಿದ್ದರು. ಈ ಚಿತ್ರದ ಜೊತೆಗೆ ಈ ವರ್ಷ 'ಮುಗುಳುನಗೆ' ಚಿತ್ರದ ಒಂದು ಹಾಡಿನಲ್ಲಿ ಜಗ್ಗೇಶ್ ನಟಿಸಿದ್ದರು.
ಧ್ರುವ ಸರ್ಜಾ (ಭರ್ಜರಿ)
ಧ್ರುವ ಸರ್ಜಾ 'ಭರ್ಜರಿ' ಸಿನಿಮಾದ ಮೂಲಕ ಹ್ಯಾಟ್ರಿಕ್ ಆಕ್ಷನ್ ಪ್ರಿನ್ಸ್ ಪಟ್ಟ ಪಡೆದರು. 'ಭರ್ಜರಿ' ಈ ವರ್ಷದ ಸೂಪರ್ ಹಿಟ್ ಸಿನಿಮಾಗಳಲ್ಲಿ ಪ್ರಮುಖವಾಗಿದೆ.
ಸಂಚಾರಿ ವಿಜಯ್ (ರಿಕ್ತ)
ರಾಷ್ಟ್ರ ಪ್ರಶಸ್ತಿ ವಿಜೇತ ನಟ ಸಂಚಾರಿ ವಿಜಯ್ 'ರಿಕ್ತ' ಎಂಬ ಹಾರರ್ ಸಿನಿಮಾದಲ್ಲಿ ಈ ವರ್ಷ ನಟಿಸಿದರು.
ಧನಂಜಯ್ (ಮೂರು ಸಿನಿಮಾ)
ಧನಂಜಯ್ ಈ ವರ್ಷ 'ಅಲ್ಲಮ', 'ಎರಡನೇ ಸಲ' ಮತ್ತು 'ಹ್ಯಾಪಿ ನ್ಯೂ ಹಿಯರ್' ಈ ಮೂರು ಸಿನಿಮಾ ಮಾಡಿದರು. ಇವುಗಳಲ್ಲಿ ಎರಡು ಸಾಧಾರಣ ಸಿನಿಮಾ ಆದರೆ 'ಹ್ಯಾಪಿ ನ್ಯೂ ಹಿಯರ್' ಫ್ಲಾಪ್ ಚಿತ್ರವಾಯಿತು.
ನೇರ ಚಿತ್ರಗಳ ಮುಂದೆ ಮಕಾಡೆ ಮಲಗಿದ 'ರೀಮೇಕ್' ಚಿತ್ರಗಳು
ದುನಿಯಾ ವಿಜಯ್ (ಮಾಸ್ತಿಗುಡಿ)
ನಟ ದುನಿಯಾ ವಿಜಯ್ 2017 ರಲ್ಲಿ 'ಮಾಸ್ತಿಗುಡಿ' ಸಿನಿಮಾ ಮಾಡಿದರು. ಆದರೆ ಈ ವರ್ಷ ಮತ್ತು ಈ ಸಿನಿಮಾ ಅವರ ಪಾಲಿಗೆ ಕರಾಳ ನೆನಪಾಗಿ ಉಳಿಯಿತು.
ಈ ವರ್ಷ ಸ್ಯಾಂಡಲ್ ವುಡ್ ಗೆ ಬಂದ ಬೆಳದಿಂಗಳ ಬಾಲೆಯರಿವರು
ಅಜಯ್ ರಾವ್ (ಧೈರ್ಯಂ)
'ಧೈರ್ಯಂ' ಸಿನಿಮಾದ ಮೂಲಕ ಕೃಷ್ಣ ಅಜಯ್ ರಾವ್ ಆಕ್ಷನ್ ಹೀರೋ ಆದರು. ಫ್ಯಾಮಿಲಿ ಜೊತೆಗೆ ಮಾಸ್ ಅಂಶಗಳು ಈ ಚಿತ್ರದಲ್ಲಿ ಇತ್ತು. ಆದರೆ ಸಿನಿಮಾದ ಪಲಿತಾಂಶ ಆ ಕಡೆ ಹಿಟ್... ಈ ಕಡೆ ಫ್ಲಾಪ್ ಎರಡು ಅಲ್ಲದೆ ಇರುವ ಹಾಗೆ ಆಯ್ತು.
ಈ ವರ್ಷ ಎಂಟ್ರಿ ಕೊಟ್ಟ ನವನಟರಲ್ಲಿ ನಿಮ್ಮ ನೆಚ್ಚಿನ ಹೀರೋ ಯಾರು?
ಸತೀಶ್ ನೀನಾಸಂ (ಬ್ಯೂಟಿಫುಲ್ ಮನಸುಗಳು, ಟೈಗರ್ ಗಲ್ಲಿ)
ಸತೀಶ್ 'ಬ್ಯೂಟಿಫುಲ್ ಮನಸುಗಳು' ಮತ್ತು 'ಟೈಗರ್ ಗಲ್ಲಿ' ಚಿತ್ರದ ಮೂಲಕ ಈ ವರ್ಷ ಅಖಾಡಕ್ಕೆ ಇಳಿದಿದ್ದರು. 'ಬ್ಯೂಟಿಫುಲ್ ಮನಸುಗಳು' ತುಂಬ ಒಳ್ಳೆಯ ಸಿನಿಮಾ ಅಂತ ಕರೆಸಿಕೊಂಡರೆ, 'ಟೈಗರ್ ಗಲ್ಲಿ' ಅಷ್ಟೇ ಕೆಟ್ಟ ಸಿನಿಮಾ ಅಂತ ಕರೆಸಿಕೊಂಡಿತು.
ಚೊಚ್ಚಲ ನಿರ್ದೇಶನದಲ್ಲಿ ಜೈಕಾರ ಹಾಕಿಸಿಕೊಂಡ ಡೈರೆಕ್ಟರ್ಸ್
ವಿಜಯ ರಾಘವೇಂದ್ರ (ಏಳು ಬೀಳು)
ಸದ್ಯ ಕಿರುತೆರೆಯಲ್ಲಿ ಬಿಜಿ ಇರುವ ನಟ ವಿಜಯ ರಾಘವೇಂದ್ರ ಈ ವರ್ಷ ಬರೋಬ್ಬರಿ 7 ಸಿನಿಮಾದಲ್ಲಿ ನಟಿಸಿದ್ದಾರೆ. ಆದರೆ ಇವುಗಳ ಪೈಕಿ 'ಚೌಕ' ಚಿತ್ರ ಬಿಟ್ಟರೆ ಯಾವ ಸಿನಿಮಾಗಳು ಚಿತ್ರಮಂದಿರದಲ್ಲಿ ಹೆಚ್ಚು ಕಾಲ ನಿಲ್ಲಲಿಲ್ಲ.