ಕೊನೆಗೂ 'ಯಬಸ್' ಪದದ ಅರ್ಥ ಹೇಳಿ ಬಿಟ್ರು ಭಟ್ರು

ಉತ್ತರ ಕರ್ನಾಟಕದ ಪದ

''ಪಂಚತಂತ್ರ' ಸಿನಿಮಾದ ಹಾಡು ಬರೆಯುವಾಗ, ಹಾಡುವಾಗ ಈ ಪದ ಈ ಮಟ್ಟಕ್ಕೆ ಹಿಟ್ ಆಗುತ್ತದೆ ಅಂತ ತಿಳಿದಿರಲಿಲ್ಲ. ಈ ಹಾಡನ್ನು, ಈ ಪದವನ್ನು ಕೇಳಿದ ಪ್ರತಿ ಕಿವಿಗೆ ಧನ್ಯವಾದ. 'ಯಬಸ್' ಇದು ಉತ್ತರ ಕರ್ನಾಟಕದ ಪದವಾಗಿದೆ. ಅಲ್ಲಿಯರಿಗೆ ಇದರ ಅರ್ಥ ಗೊತಿರಬಹುದು 'ಯಬಸ್' ಎಂದರೆ 'ಎಬ್ಬಿಸ್ಸು', 'ನುಗ್ಗು' ಎನ್ನುವ ಅರ್ಥ ಬರುತ್ತದೆ.'' - ಯೋಗರಾಜ್ ಭಟ್, ನಿರ್ದೇಶಕ

ಶಾಲೆಯಲ್ಲಿ ಬಳಸುತ್ತಿದ್ದ ಪದ

'ಯಬಸ್' ಎನ್ನುವುದು ಕಿಕ್ ಸ್ಟಾರ್ಟ್, ಲೆಟ್ಸ್ ಡು ಸಮ್ ಥಿಂಕ್, ಎದ್ದೇಳಿಸು, ಸುಮ್ಮನೆ ಕೂರುವುದು ಬೇಡ...ಏನಾದರೂ ಮಾಡೋಣ ಎನ್ನುವ ಅರ್ಥ ಇರುವ ಪದ. ನನ್ನ ಶಾಲೆ ದಿನಗಳಲ್ಲಿ ಕ್ರಿಕೆಟ್, ವಾಲಿಬಾಲ್ ಆಡುವಾಗ ಈ ಪದ ಬಳಸುತ್ತಿದ್ದೆವು. ಆಟದಲ್ಲಿ ಜೋಶ್ ತುಂಬಲು ಈ ಪದ ಹೇಳುತ್ತಿದ್ದೇವು. ಆ ಪದದ ಮೂಲ ಯಾರು, ಆ ಪದ ಹೇಗೆ ಹುಟ್ಟಿದೆ ಎನ್ನುವುದು ತಿಳಿದಿಲ್ಲ.'' - ಯೋಗರಾಜ್ ಭಟ್, ನಿರ್ದೇಶಕ

ಕೆ ಮಂಜು ಸ್ಟೈಲ್

ನಿರ್ಮಾಪಕ ಕೆ ಮಂಜು ಅವರು ನನಗೆ ಒಳ್ಳೆಯ ಗೆಳೆಯರು. ಅವರು ಮಾತನಾಡುವಾಗ ಅವರದ್ದೇ ಸ್ಟೈಲ್ ಇರುತ್ತದೆ. ಅವರನ್ನು ಮೊನ್ನೆ ಕೂಡ ಮೀಟ್ ಆಗಿದ್ದೆ. ಅವರು ಮೂಗಿನಲ್ಲೇ ಮಾತನಾಡುತ್ತಾರೆ. 'ಯಸ್ ಬಾಸ್' ಎನ್ನುವುದಕ್ಕೆ 'ಯಬಸ್'...'ಯಬಸ್' ಎನ್ನುತ್ತಿದ್ದರು. ಅವರ ಪ್ರಕಾರ 'ಯಬಸ್' ಎಂದರೆ, 'ಯಸ್ ಬಾಸ್'.

ಧಾರವಾಡ ಪದಗಳ ಮಾಂತ್ರಿಕ ಶಕ್ತಿ

ಶೂಟಿಂಗ್ ನಲ್ಲಿ ಕೂಡ 'ಯಬಸ್' ಅಂದರೆ ಎಲ್ಲರೂ ಕೂಗುತ್ತಿದ್ದರು. ಈ ಪದವನ್ನು ಯುದ್ಧಕ್ಕೆ ಹೊರಟರು ಬಳಸಬಹುದೆನೋ. ಧಾರವಾಡ ಪದಗಳ ಮಾಂತ್ರಿಕ ಶಕ್ತಿ ಇದು. ಇಂತಹ ಪದಗಳು ಸ್ವಲ್ಪ ಸೊಟ್ಟಗೆ ಇದ್ದರೂ, ಅವು ಎಲ್ಲರಲ್ಲಿ ಹುರುಪು ತುಂಬುತ್ತದೆ. ಇಷ್ಟೆಲ್ಲ ಅರ್ಥ ಇರುವ ಈ ಪದ ಜನರಿಗೂ ಮಜಾ ನೀಡಿದೆ ಎನ್ನುವುದು ತಮ್ಮ ತಂಡಕ್ಕೆ ಸಾರ್ಥಕ ಅನಿಸಿದೆ.