'ಆಂಧ್ರ vs ತೆಲಂಗಾಣ' ತೆಲುಗು ಚಿತ್ರಕ್ಕೆ ಭಟ್ರು ನಿರ್ದೇಶನ

ಬಾಲಿವುಡ್-ಟಾಲಿವುಡ್ ನಲ್ಲಿ ಪಂಚತಂತ್ರ

ಸ್ಯಾಂಡಲ್ ವುಡ್ನಲ್ಲಿ ಸದ್ದು ಮಾಡುತ್ತಿರುವ ಪಂಚತಂತ್ರ ಬಾಲಿವುಡ್ ಮತ್ತು ಟಾಲಿವುಡ್ ಪ್ರೇಕ್ಷಕರನ್ನು ರಂಜಿಸಲು ತಯಾರಾಗುತ್ತಿದೆ. ಯುವಕರು ಮತ್ತು ಮುದುಕರ ಪ್ರತಿನಿಧಿಯಾಗಿ ಕಾಣಿಸಿಕೊಂಡಿರುವ ವಿಹಾನ್ ಗೌಡ ಮತ್ತು ರಂಗಾಯಣ ರಘು ಪಾತ್ರಗಳು ತೆಲುಗು ಮತ್ತು ಬಾಲಿವುಡ್ ಚಿತ್ರರಂಗಕ್ಕೂ ಎಂಟ್ರಿ ಕೊಟ್ಟಿದೆ.

'ಅಂಧ್ರ vs ತೆಲಂಗಾಣ' ಟೈಟಲ್ ಫಿಕ್ಸ್

ಪಂಚತಂತ್ರ ತೆಲುಗು ಮತ್ತು ಬಾಲಿವುಡ್ ಗೆ ರೀಮೇಕ್ ಆಗುತ್ತಿದೆ ಅನ್ನುವುದು ಒಂದು ವಿಶೇಷ ಆದ್ರೆ, ಇನ್ನೊಂದು ತೆಲುಗು ರೀಮೇಕ್ ನ ಟೈಟಲ್ ಗಮನ ಸೆಳೆಯುತ್ತಿದೆ. ಅಂಧ್ರ vs ತೆಲಂಗಾಣ ಅಂತ ಟೈಟಲ್ ಇಡುವ ಮೂಲಕ ಕುತೂಹಲ ಹೆಚ್ಚಿಸಿದ್ದಾರೆ. ಚಿತ್ರದಲ್ಲಿ ಯುವಕರು ಮತ್ತು ಮುದುಕರ ನಡುವಿನ ಜಿದ್ದಾಜಿದ್ದಿ ಇದೆ. ತೆಲುಗಿನಲ್ಲಿ ಈ ಎರಡು ಜನರೇಶನ್ ತೆಲಂಗಾಣ ಮತ್ತು ಆಂಧ್ರ ಆಗಿ ಎರಡು ಗುಂಪುಗಳಾಗಿ ಕಾಣಿಸಿಕೊಳ್ಳಲಿದ್ದಾರಂತೆ.

ತೆಲುಗು-ಹಿಂದಿಯಲ್ಲಿ ಭಟ್ರು ನಿರ್ದೇಶನ

ಎರಡೂ ಭಾಷೆಯಲ್ಲೂ ರೀಮೇಕ್ ಆಗುತ್ತಿರುವ ಪಂಚತಂತ್ರ ಚಿತ್ರಕ್ಕೆ ಯೋಗರಾಜ್ ಭಟ್ ಅವರೇ ನಿರ್ದೇಶನ ಮಾಡುತ್ತಿರುವುದು ವಿಶೇಷ. ಈ ಮೂಲಕ ಭಟ್ರು ಮೊದಲ ಬಾರಿಗೆ ತೆಲುಗು ಮತ್ತು ಬಾಲಿವುಡ್ ಗೂ ಎಂಟ್ರಿ ಕೊಡುತ್ತಿದ್ದಾರೆ. ಕನ್ನಡ ಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ಸಿಗುತ್ತಿದ್ದಂತೆ ಭಟ್ರು ಈಗ ಬಾಲಿವುಡ್ ಮತ್ತು ಟಾಲಿವುಡ್ ನತ್ತ ಹೊರಡಲು ಮುಖ ಮಾಡಿದ್ದಾರೆ.

ಚಿತ್ರದಲ್ಲಿರಲಿದೆ ದೊಡ್ಡ ತಾರಬಳಗ

ಎರಡು ಭಾಷೆಯಲ್ಲಿ ತಯಾರಾಗುತ್ತಿರುವ ಪಂಚತಂತ್ರ ಚಿತ್ರದಲ್ಲಿ ದೊಡ್ಡ ತಾರಬಳಗ ಇರಲಿದ್ಯಂತೆ. ಯಾರೆಲ್ಲ ಕಲಾವಿದರು ಇರ್ತಾರೆ ಎನ್ನುವುದನ್ನ ಮಾತ್ರ ಭಟ್ರು ಬಹಿರಂಗ ಪಡಿಸಲಿಲ್ಲ. ಜೊತೆಗೆ ದೊಡ್ಡ ಮೊತ್ತಕ್ಕೆ ಸೇಲ್ ಆಗಿರುವ ರೀಮೇಕ್ ರೈಟ್ಸ್ ಬಗ್ಗೆಯೂ ಗುಟ್ಟು ಬಿಟ್ಟುಕೊಡದ ಭಟ್ರು ಈ ಬಗ್ಗೆ ಹೆಚ್ಚಿನ ಮಾಹಿತಿಯನ್ನು ಮುಂದಿನ ತಿಂಗಳು ಮೊದಲ ವಾರದಲ್ಲಿ ಬಹಿರಂಗಪಡಿಸುತ್ತಾರಂತೆ.