ಅಮಿತಾಬ್ ಗೆ ಆಕ್ಷನ್ ಕಟ್ ಯೋಗರಾಜ್ ಭಟ್

ಸದ್ಯಕ್ಕೆ ಕಥೆ ಹೆಣೆಯುವ ಕಾಯದಲ್ಲಿ ಭಟ್ಟರು ಬಿಜಿ. ತಾವು ಹೆಣೆಯುತ್ತಿರುವ ಹೊಸ ಕಥೆಯಲ್ಲಿ ವಯಸ್ಸಾದ ಪಾತ್ರವೊಂದು ಇದೆಯಂತೆ. ಈ ಪಾತ್ರವನ್ನು ಬಿಗ್ ಬಿ ಅಮಿತಾಬ್ ಬಚ್ಚನ್ ಪೋಷಿಸಿದರೆ ಸೂಪರ್ ಎಂಬ ಆಲೋಚನೆ ಅವರಿಗೆ ಬಂದಿದೆ. ಕೂಡಲೆ ಬಚ್ಚನ್ ಜೊತೆ ಮಾತುಕತೆಯೂ ಆಗಿದೆ.

ಕಥೆ ಕೇಳಿರುವ ಅಮಿತಾಬ್ ಇನ್ನೂ ಏನನ್ನೂ ಹೇಳಿಲ್ಲ. ಆದರೆ ತಮ್ಮ ಪಾತ್ರದ ಬಗ್ಗೆ ಮಾತ್ರ ಇಂಪ್ರೆಸ್ ಆಗಿದ್ದಾರಂತೆ. ಅವರು ಓಕೆ ಎಂದರೆ ಅಮಿತಾಬ್ ಗೆ ಆಕ್ಷನ್ ಕಟ್ ಹೇಳುವುದೊಂದು ಬಾಕಿ ಇರುತ್ತದೆ. ಆಗಸ್ಟ್ ನಲ್ಲಿ ಚಿತ್ರೀಕರಣವಂತೆ. ಕನ್ನಡ ಹಾಗೂ ಹಿಂದಿ ಎರಡೂ ಭಾಷೆಗಳಲ್ಲಿ ಚಿತ್ರ ಏಕಕಾಲಕ್ಕೆ ತೆರೆಕಾಣಲಿದೆಯಂತೆ.

ಎಂದಿನಂತೆ ಇದು ಹದಿಹರೆಯದ ಪ್ರೇಮ ಕಥೆ. ಕಾಲೇಜಿನ ಯುವಕ, ಯುವತಿಯನ್ನು ಗಮನದಲ್ಲಿಟ್ಟುಕೊಂಡು ಹೆಣೆದ ಕಥೆ ಇದು ಎನ್ನುತ್ತಾರೆ ಭಟ್. ಕಲಾವಿದರ ಆಯ್ಕೆ ನಡೆಯುತ್ತಿದೆ. ಉಳಿದ ವಿವರಗಳು ಸದ್ಯಕ್ಕೆ ಅಲಭ್ಯ. (ಏಜೆನ್ಸೀಸ್)