ಮತ್ತೆ ಬಂದ 'ಗುಮ್ಮ'; ಬಿಗ್‌ಬಾಸ್ ಓಟಿಟಿಯಲ್ಲಿ ಸುದೀಪ್ ಎಂಟ್ರಿ ಹೇಗಿರುತ್ತೆ?

ಕಿಚ್ಚ ಸುದೀಪ್ ಬೆಂಕಿ ಎಂಟ್ರಿ

ಡ್ಯಾನ್ಸರ್‌ಗಳ ಡ್ಯಾನ್ಸ್ ಪರ್ಫಾರ್ಮನ್ಸ್‌ ನಡುವೆಯೇ ಸುದೀಪ್ ಮೇಲಿನಿಂದ ವೇದಿಕೆಗೆ ಇಳಿದು ಬರುತ್ತಾರೆ. ಚಕ್ರವರ್ತಿಯ ಕಿರೀಟದ ಮಾದರಿಯ ಕ್ರಾಫ್ಟ್‌ ಮೇಲೆ ನಿಂತು ಎಲೆಕ್ಟ್ರಿಕ್ ಕ್ರಾಕರ್ಸ್‌ ನಡುವೆ ಕಿಚ್ಚನ ಎಂಟ್ರಿಯೇ ಸೂಪರ್. ಹಿನ್ನೆಲೆಯಲ್ಲಿ 'ಗುಮ್ಮ ಮತ್ತೆ ಬಂದ' ಅನ್ನುವ ವಾಯ್ಸ್ ಮಜವಾಗಿದೆ. ತಮ್ಮ ನೆಚ್ಚಿನ ಕಪ್ಪು ಬಣ್ಣದ ಪ್ಯಾಂಟ್ ಮತ್ತು ಜಾಕೆಟ್‌ನಲ್ಲಿ ಕಿಚ್ಚ ಮಿರಿ ಮಿರಿ ಮಿಂಚಿದ್ದಾರೆ. 'ಇದು ಬಿಗ್‌ ಬಾಸ್ ಒಟಿಟಿ, ಕನ್ನಡದ ಅತಿದೊಡ್ಡ ಒಟಿಟಿ ಶೋಗೆ ಸ್ವಾಗತ ಸುಸ್ವಾಗತ' ಅಂತ ತಮ್ಮ ಬೇಸ್‌ ವಾಯ್ಸ್‌ನಲ್ಲಿ ಸ್ವಾಗತ ಕೋರಿದ್ದಾರೆ.

ಕಲರ್‌ಫುಲ್ ಪರ್ಫಾರ್ಮನ್ಸ್‌ಗಳು

ಬಿಗ್‌ಬಾಸ್‌ ಕನ್ನಡ ಒಟಿಟಿ ಮೊದಲ ಸೀಸನ್ ಗ್ರ್ಯಾಂಡ್‌ ಓಪನಿಂಗ್‌ಗೆ ಡ್ಯಾನ್ಸ್ ಮತ್ತು ಸಿಂಗಿಂಗ್‌ ಪರ್ಫಾರ್ಮನ್ಸ್‌ಗಳು ಮತ್ತಷ್ಟು ರಂಗು ತುಂಬಲಿವೆ. ಸಂಗೀತ ನಿರ್ದೇಶಕ ವಾಸುಕಿ ವೈಭವ್ ಹಾಡು ಹಾಡಿ ರಂಗೇರಿಸಿದರೆ, ಮಾನ್ವಿತಾ ಹರೀಶ್‌ ಸೇರಿದಂತೆ ಈ ಹಿಂದಿನ ಬಿಗ್‌ಬಾಸ್‌ ಸ್ಪರ್ಧಿಗಳು ಡ್ಯಾನ್ಸ್‌ ಮಾಡಿ ರಂಜಿಸಲಿದ್ದಾರೆ.

6 ವಾರಗಳ ಕಾಲ ಬಿಗ್‌ಬಾಸ್ ಓಟಿಟಿ

ಇಂದು (ಆಗಸ್ಟ್ 6) ಸಂಜೆ 7 ಗಂಟೆಯಿಂದ ಮುಂದಿನ 6 ವಾರಗಳ ಕಾಲ ವೀಕ್ಷಕರು 24 ಗಂಟೆಗಳ ಕಾಲ ವೂಟ್‌ನಲ್ಲಿ ಬಿಗ್‌ಬಾಸ್‌ ಶೋ ನೋಡಬಹುದು. ಪ್ರತಿ ವಾರದ ಕೊನೆಯಲ್ಲಿ ವಾರದ ಕಥೆಯನ್ನು ಕಿಚ್ಚನ ಜೊತೆ ವೀಕ್ಷಿಸಬಹುದು. ಟಿವಿ ಬಿಗ್‌ಬಾಸ್‌ಗಿಂತ ಒಂದಷ್ಟು ಬದಲಾವಣೆಯನ್ನು ಬಿಗ್‌ಬಾಸ್ ಓಟಿಟಿಯಲ್ಲಿ ನೋಡಬಹುದು.

ಮನೆಯ ಒಳಕ್ಕೆ ಆರ್ಯವರ್ಧನ್, ಸೋನು

ಬಿಗ್‌ಬಾಸ್‌ ಒಟಿಟಿ ಮೊದಲ ಸೀಸನ್‌ನಲ್ಲಿ ಯಾರೆಲ್ಲಾ ಸ್ಪರ್ಧಿಗಳಾಗಿ ಹೋಗುತ್ತಾರೆ ಅನ್ನುವ ಕುತೂಹಲ ವೀಕ್ಷಕರಲ್ಲಿದೆ. ಈಗಾಗಲೇ ಸಂಖ್ಯಾಶಾಸ್ತ್ರಜ್ಞ ಆರ್ಯವರ್ಧನ್ ಗುರೂಜಿ, ಸೋಶಿಯಲ್ ಮೀಡಿಯಾ ಸ್ಟಾರ್ ಸೋನು ಶ್ರೀನಿವಾಸ್ ಗೌಡ, ರೂಪೇಶ್ ಶೆಟ್ಟಿ ಮನೆ ಒಳಗೆ ಹೋಗಿದ್ದಾರೆ. ಕಳೆದ ಬಾರಿ ಬಿಗ್‌ಬಾಸ್‌ಗೆ ಹೋಗಲ್ಲ ಅಂದಿದ್ದ ಆರ್ಯವರ್ಧನ್ ಗುರೂಜಿ, ಈ ಬಾರಿ ಮೊದಲ ಸ್ಪರ್ಧಿಯಾಗಿ ಹೋಗಿದ್ದಾರೆ. ಇನ್ನು ಪಾಸಿಟಿವ್ ಹಾಗೂ ನೆಗೆಟಿವ್ ಎರಡೂ ಕಾರಣಕ್ಕೆ ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ಟ್ರೋಲ್‌ ಆಗಿ ಸುದ್ದಿಯಾದ ಸೋನು ಶ್ರೀನಿವಾಸ್ ಗೌಡ ಕೂಡ ಮನೆ ಒಳಗೆ ಹೋಗಿದ್ದಾರಂತೆ.