ಹೊಚ್ಚ ಹೊಸ ಒಟಿಟಿ ವೇದಿಕೆ ಮೂಲಕ ಮಾದಕ ನಟಿ ರೀಎಂಟ್ರಿ

ಕೊರೊನಾ ಸೋಂಕು ಹೆಚ್ಚಾಗಿ ಚಿತ್ರರಂಗ ಕೂಡಾ ತತ್ತರಿಸುತ್ತಿದೆ. ಲಾಕ್ ಡೌನ್ ಸಂದರ್ಭದಲ್ಲಿ ಹೊಸ ಸಾಧ್ಯತೆಗಳು, ಹೊಸ ಬಗೆ ಚಿತ್ರಗಳನ್ನು ತೆರೆಗೆ ತರುವ ಯತ್ನ ಕೂಡಾ ಜಾರಿಯಲ್ಲಿದೆ. ಈ ನಡುವೆ ಒಟಿಟಿ ಹೊಸ ವೇದಿಕೆಯಾಗಿ ಬೆಳೆಯುತ್ತಿದ್ದು, ಒಂದು ಕಾಲದ ಮಾದಕ ನಟಿ ನಮಿತಾ ಕೂಡಾ ಒಟಿಟಿಗೆ ಮಾರು ಹೋಗಿದ್ದಾರೆ.

ತೆಲುಗು ಚಿತ್ರರಂಗದಲ್ಲಿ ದೊಡ್ಡ ದೊಡ್ಡ ಸಿನಿಮಾಗಳು ತೆರೆಗೆ ಬರಲು ಸಿದ್ಧವಾಗಿದ್ದರೆ, ಕೆಲವರು ಒಟಿಟಿಗಾಗಿಯೇ ಸಿನಿಮಾ ನಿರ್ಮಿಸುತ್ತಿದ್ದಾರೆ. ಮದುವೆ ಬಳಿಕ ಸಿನಿಮಾ ರಂಗದಿಂದ ಹೊರಗುಳಿದಿದ್ದ ನಮಿತಾ ಈಗ ತಮ್ಮದೇ ಆದ ಒಟಿಟಿ ಫ್ಲಾಟ್ ಫಾರ್ಮ್ ಮೂಲಕ ರೀ ಎಂಟ್ರಿ ಕೊಡುತ್ತಿದ್ದಾರೆ.

ನಮಿತಾ ಕನಸಿಗೆ ನೆರವಾಗುತ್ತಿರುವ ಸಾಫ್ಟ್ ವೇರ್ ಇಂಜಿನಿಯರ್ ರವಿವರ್ಮಾ ಎಂಬುವರು ಹೊಸ ಒಟಿಟಿ ವೇದಿಕೆ ವಿನ್ಯಾಸಗೊಳಿಸಿದ್ದಾರೆ. ಹೊಸ ಒಟಿಟಿ ವೇದಿಕೆಗೆ ನಮಿತಾ ಟಾಕೀಸ್ ಎಂದು ಹೆಸರಿಡಲಾಗಿದೆ.

'ನಮಿತಾ ಟಾಕೀಸ್' ಮೂಲಕ ಕಿರುಚಿತ್ರಗಳು ಮತ್ತು ಹೊಸ ನಿರ್ದೇಶಕರನ್ನು ಉತ್ತೇಜಿಸುವ ಉದ್ದೇಶವನ್ನು ನಮಿತಾ ಹೊಂದಿದ್ದಾರೆ. ಚಲನಚಿತ್ರಗಳಲ್ಲದೆ, ವೆಬ್ ಸರಣಿಗಳು ಸಹ ತಮ್ಮ ಒಟಿಟಿ ಪ್ಲಾಟ್‌ಫಾರ್ಮ್‌ನಲ್ಲಿ ಮನರಂಜನೆ ನೀಡಲಿವೆ ಎಂದು ನಮಿತಾ ಹೇಳಿದ್ದಾರೆ.

Recommended Video