Don't Miss!
- News 11 ಕೋಟಿ ಮಹಿಳೆಯರಿಗೆ ಅಡುಗೆ ಅನಿಲ: ಡಾ. ಕೆ. ಸುಧಾಕರ್
- Sports RCB vs KKR IPL 2024: ಕೆಕೆಆರ್ ವಿರುದ್ಧ ಆರ್ಸಿಬಿ ಹಸಿರು ಜೆರ್ಸಿಯಲ್ಲಿ ಕಣಕ್ಕೆ; ಅಂದೇ ಏಕೆ?
- Lifestyle ಮನೆಯಲ್ಲಿ ಸುಲಭವಾಗಿ ಬೀನ್ಸ್ ಬೆಳೆಯಬಹುದು..! ಹೇಗೆ ನೋಡಿ..!
- Automobiles ಎಲೆಕ್ಟ್ರಿಕ್ ಕಾರು ಖರೀದಿಸಿ ಪರಿಸರ ಪ್ರೇಮ ಮೆರೆದ ನಟಿ: ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ!
- Finance ಬಿಸಿಲ ಬೇಗೆಯಿಂದ ರಕ್ಷಿಸಿಕೊಳ್ಳಲು ಟ್ರಾಫಿಕ್ ಪೊಲೀಸರಿಗೆ ರಿಲಿಫ್: ಬಂತು ಹವಾನಿಯಂತ್ರಿತ ಎಸಿ ಹೆಲ್ಮೆಟ್!
- Technology Samsung: ಸ್ಯಾಮ್ಸಂಗ್ನ ಈ ಸರಣಿ ಫೋನ್ಗಳಲ್ಲಿ ಗ್ರೀನ್ ಲೈನ್ ಸಮಸ್ಯೆ! ವರದಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ದಿ ಮಿರ್ಜಾ ಮಲಿಕ್ ಶೋ'ಗಾಗಿ ಸಾನಿಯಾ - ಶೋಯೆಬ್ ಡಿವೋರ್ಸ್ ವದಂತಿ ಹಬ್ಬಿಸಿದ್ರಾ?
ಕಳೆದೊಂದು ವಾರದಿಂದ ಟೆನಿಸ್ ಆಟಗಾರ್ತಿ ಸಾನಿಯಾ ಮಿರ್ಜಾ ಹಾಗೂ ಪಾಕಿಸ್ತಾನದ ಮಾಜಿ ಕ್ರಿಕೆಟಿಗ ಶೋಯಬ್ ಮಲಿಕ್ ದಂಪತಿ ವಿಚ್ಛೇದನ ಪಡೆದು ದೂರಾಗುತ್ತಿದ್ದಾರೆ ಎನ್ನುವ ಗುಸುಗುಸು ಕೇಳಿ ಬಂದಿತ್ತು. ಕಹಾನಿಯಲ್ಲಿ ಟ್ವಿಸ್ಟ್ ಎನ್ನುವಂತೆ ಇದೀಗ ಇಬ್ಬರು ಸೇರಿ ಉರ್ದು ಓಟಿಟಿ ಫ್ಲಾಟ್ಫಾರ್ಮ್ಗಾಗಿ ಒಂದು ಟಾಕ್ ಶೋ ನಡೆಸಿಕೊಡುವ ಸುದ್ದಿ ಹೊರ ಬಿದ್ದಿದೆ. ಇದನ್ನು ನೋಡಿ ಬಿಟ್ಟಿ ಪಬ್ಲಿಸಿಟಿಗಾಗಿ ಡಿವೋರ್ಸ್ ಸುದ್ದಿ ಹಬ್ಬಿಸಿದ್ರಾ? ಎಂದು ಕೇಳುತ್ತಿದ್ದಾರೆ.
ಇತ್ತೀಚೆಗೆ ಸಾನಿಯಾ ಮಿರ್ಜಾ ಮಾಡಿದ್ದ ಒಂದೆರಡು ಇನ್ಸ್ಟಾ ಪೋಸ್ಟ್ಗಳು ಡಿವೋರ್ಸ್ ಬಗ್ಗೆ ಅನುಮಾನ ಮೂಡುವಂತೆ ಮಾಡಿತ್ತು. ಪಾಕಿಸ್ತಾನದ ಜಿಯೋ ನ್ಯೂಸ್ ಈ ಬಗ್ಗೆ ಸುದ್ದಿ ಪ್ರಕಟಿಸಿತ್ತು. ಹಾಗಾಗಿ ಸಹಜವಾಗಿಯೇ ಈ ಸುದ್ದಿ ನಿಜ ಎನ್ನುವ ಲೆಕ್ಕಾಚಾರ ಶುರುವಾಗಿತ್ತು. ಇನ್ನು ಸಾನಿಯಾ, ಶೋಯೆಬ್ ಕೂಡ ಈ ಬಗ್ಗೆ ಎಲ್ಲೂ ಮಾತನಾಡುವ ಗೋಜಿಗೇ ಹೋಗಿರಲಿಲ್ಲ. ಹಾಗಾಗಿ ಅನುಮಾನದ ಹುತ್ತ ಬೆಳೆದಿತ್ತು. ಆದರೆ ಈಗ ದಿಢೀರನೆ ಉರ್ದು ಫ್ಲಿಕ್ಸ್ 'ದಿ ಮಿರ್ಜಾ ಮಲಿಕ್ ಶೋ' ಎನ್ನುವ ಟಾಕ್ ಶೋ ಘೋಷಣೆ ಮಾಡಿದೆ. ಪೋಸ್ಟರ್ನಲ್ಲಿ ಪತಿಯ ಭುಜದ ಮೇಲೆ ಕೈ ಹಾಕಿ ಸಾನಿಯಾ ಮಿರ್ಜಾ ಪೋಸ್ ಕೊಟ್ಟಿದ್ದಾರೆ.
ಸಾನಿಯಾ- ಶೋಯೆಬ್ ಸಂಸಾರದಲ್ಲಿ ಹುಳಿ ಹಿಂಡಿದ್ದು ಪಾಕಿಸ್ತಾನದ ಆ ನಟಿ?
ಪೋಸ್ಟರ್ನಲ್ಲಿ ಬುರ್ಜ್ ಖಲೀಫಾವನ್ನು ನೋಡಬಹುದು. ಹಾಗಾಗಿ ಈ ಶೋ ಕಂಪ್ಲೀಟ್ ಆಗಿ ದುಬೈನಲ್ಲಿ ಚಿತ್ರೀಕರಣವಾಗುವ ಸುಳಿವು ಸಿಗುತ್ತಿದೆ. ಒಟ್ನಲ್ಲಿ ಈ ಸುದ್ದಿ ಕೇಳಿ ಅಭಿಮಾನಿಗಳು ನಿಟ್ಟುಸಿರು ಬಿಟ್ಟಿದ್ದಾರೆ. 'ನಿಮ್ಮಬ್ಬರನ್ನು ಹೀಗೆ ನೋಡುವುದು ಖುಷಿ ಅನ್ನಿಸ್ತಿದೆ. ಹೀಗೆ ಒಟ್ಟಾಗಿರಿ' ಎಂದು ಒಬ್ಬರು ಕಾಮೆಂಟ್ ಮಾಡಿದ್ದಾರೆ.
'ದಿ ಮಿರ್ಜಾ ಮಲಿಕ್ ಶೋ'
ಸದ್ಯ ಎಲ್ಲಾ ಕಡೆ ಓಟಿಟಿಗಳ ಟ್ರೆಂಡ್ ನಡೀತಿದೆ. ಚಂದಾದಾರರನ್ನು ಉಳಿಸಿಕೊಳ್ಳಲು ಹಾಗೂ ಹೆಚ್ಚಿಸಿಕೊಳ್ಳಲು ಸಿನಿಮಾಗಳ ಜೊತೆಗೆ ಭಿನ್ನ ವಿಭಿನ್ನ ಶೋಗಳನ್ನು ಪ್ರಸಾರ ಮಾಡಲಾಗುತ್ತಿದೆ. ಅದರಲ್ಲಿ ಟಾಕ್ ಶೋಗಳು ಕೂಡ ಇದೆ. 'ದಿ ಮಿರ್ಜಾ ಮಲಿಕ್ ಶೋ' ಕೂಡ ಟಾಕ್ ಶೋ ರೀತಿ ಕಾಣುತ್ತಿದೆ. ಇದರ ಕಾನ್ಸೆಪ್ಟ್ ಏನು ಎನ್ನುವುದು ಮುಂದಿನ ದಿನಗಳಲ್ಲಿ ಗೊತ್ತಾಗಲಿದೆ. ಒಟ್ನಲ್ಲಿ ಸಾನಿಯಾ ಮಿರ್ಜಾ ಹಾಗೂ ಶೋಯೆಬ್ ಮಲಿಕ್ ದಂಪತಿ ಸೇರಿ ಹೋಸ್ಟ್ ಮಾಡುತ್ತಿರುವುದರಿಂದ ಸಹಜವಾಗಿಯೇ ಶೋ ಕುತೂಹಲ ಕೆರಳಿಸಿದೆ.
ಡಿವೋರ್ಸ್ ಸುದ್ದಿಯಲ್ಲಿ ಪಾಕ್ ನಟಿ ಹೆಸರು
ಇನ್ನು ಸಾನಿಯಾ ಮಿರ್ಜಾ ಹಾಗೂ ಶೋಯೆಬ್ ಮಲಿಕ್ ದಾಂಪತ್ಯದಲ್ಲಿ ಬಿರುಕು ಮೂಡಲು ಪಾಕ್ ನಟಿ ಆಯೇಷಾ ಓಮರ್ ಕಾರಣ ಎನ್ನುವ ವಂದತಿ ಹರಿದಾಡಿತ್ತು. ಯಾಕೆಂದರೆ ಈ ಹಿಂದೆ ಶೋಯೆಬ್ ಹಾಗೂ ಆಯೇಷಾ ಒಂದು ಫೋಟೊಶೂಟ್ನಲ್ಲಿ ಒಟ್ಟಿಗೆ ಕಾಣಿಸಿಕೊಂಡಿದ್ದರು. ಹಾಗಾಗಿ ಇಂತಾದೊಂದು ಸುದ್ದಿಗೆ ರೆಕ್ಕೆಪುಕ್ಕ ಬಂದಿತ್ತು. ಆದರೆ ಈಗ ಡಿವೋರ್ಸ್ ಸುದ್ದಿಯೇ ಸುಳ್ಳು ಎನ್ನುವುದು ಗೊತ್ತಾಗುತ್ತಿದೆ. ಆಯೇಷಾ ಸಾಕಷ್ಟು ಉರ್ದು ಸಿನಿಮಾಗಳಲ್ಲಿ ಕಿರುತೆರೆ ಕಾರ್ಯಕ್ರಮಗಳಲ್ಲಿ ಕಾಣಿಸಿಕೊಂಡಿದ್ದಾಳೆ.
ದೇಶದ ಗಡಿ ದಾಟಿದ ಲವ್ ಸ್ಟೋರಿ!
ಹೊಬಾರ್ಟ್ ಓಪನ್ ಸಲುವಾಗಿ ಸಾನಿಯಾ ಮಿರ್ಜಾ ಆಸ್ಟ್ರೇಲಿಯಾ ಪ್ರವಾಸದಲ್ಲಿದ್ದ ಸಂದರ್ಭದಲ್ಲಿ ಇಬ್ಬರ ನಡುವೆ ಲವ್ ಸ್ಟೋರಿ ಶುರುವಾಯಿತಂತೆ. ಅಲ್ಲೇ ರೆಸ್ಟೋರೆಂಟ್ವೊಂದರಲ್ಲಿ ಇಬ್ಬರು ಮೊದಲ ಬಾರಿಗೆ ಭೇಟಿ ಆಗಿದ್ದರು. ಏಪ್ರಿಲ್ 12, 2010ರಲ್ಲಿ ಹೈದರಾಬಾದ್ನ ತಾಜ್ ಕೃಷ್ಣ ಹೋಟೆಲ್ನಲ್ಲಿ ಸಾನಿಯಾ- ಶೋಯೆಬ್ ಮದುವೆ ನೆರವೇರಿತ್ತು. ಪಾಕಿಸ್ತಾನದಲ್ಲಿ ಡಿಸೆಪ್ಷನ್ ಪಾರ್ಟಿ ನಡೆದಿತ್ತು.
ಡಿವೋರ್ಸ್ ಗಾಸಿಪ್ ಹುಟ್ಟಿಕೊಂಡಿದ್ದೇಗೆ?
"ಹೃದಯ ಒಡೆದು ಹೋದ ಬಳಿಕ ಎಲ್ಲಿಗೆ ಹೋಗಬೇಕು? ಅಲ್ಲಾನ ಹುಡುಕಲು ಹೋಗಬೇಕೆ?" ಎಂದು ಸಾನಿಯಾ ಮಿರ್ಜಾ ಇತ್ತೀಚೆಗೆ ಇನ್ಸ್ಟಾ ಸ್ಟೋರಿಯಲ್ಲಿ ಬರೆದುಕೊಂಡಿದ್ದರು. ನಂತರ ಮಗ ಇಝ್ಹಾ ನ್ ಮಿರ್ಜಾ ಮಲಿಕ್ ಜೊತೆಗಿನ ಫೋಟೊ ಶೇರ್ ಮಾಡಿ "ನನ್ನ ಕಠಿಣ ದಿನಗಳನ್ನು ಕಳೆಯುವ ಕ್ಷಣಗಳಿವು" ಎಂದು ಬರೆದುಕೊಂಡಿದ್ದರು. ಈ ಎರಡು ಪೋಸ್ಟ್ಗಳು ಸಾನಿಯಾ ಹಾಗೂ ಶೇಯೆಬ್ ದೂರಾಗುತ್ತಿದ್ದಾರೆ. ಡಿವೋರ್ಸ್ ಪಡೆದುಕೊಳ್ಳುತ್ತಿದ್ದಾರೆ ಎನ್ನುವ ಊಹಾಪೋಹಕ್ಕೆ ಕಾರಣವಾಗಿತ್ತು.
"ಯಾಕಿಷ್ಟು ಸಿನಿಮಾ ಮಾಡುತ್ತೀರಿ? ಅಂತಾರೆ.. ಕೆಲಸ ಸಿಕ್ಕರೆ ಯಾರ್ ಮಾಡಲ್ಲ?" ಅಕ್ಷಯ್ ಬೇಸರ!