Don't Miss!
- Automobiles Triber: 7 ಜನ ಹೋಗಬಹುದಾದ ರೆನಾಲ್ಟ್ ಟ್ರೈಬರ್ ಖರೀದಿಸಬೇಕೇ.. ಆನ್-ರೋಡ್ ಬೆಲೆ ಎಷ್ಟು, EMI ಏನು?
- Lifestyle ಹೋಟೆಲ್ ರುಚಿಯ ಪನೀರ್ ಪೆಪ್ಪರ್ ಫ್ರೈ ಮನೆಯಲ್ಲೇ ಮಾಡಿ..! 10 ನಿಮಿಷದಲ್ಲಿ ರೆಡಿ..!
- News Petrol Price: ಇಂದಿನ ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆ ವಿವರ ತಿಳಿಯಿರಿ
- Finance ಎಂಡಿಎಚ್ ಮತ್ತು ಎವರೆಸ್ಟ್ ಸೇರಿದಂತೆ ಎಲ್ಲಾ ಬ್ರಾಂಡ್ ಮಸಾಲೆಗಳ ಮಾದರಿಗಳ ಪರೀಕ್ಷೆಗೆ ಮುಂದಾದ FSSAI
- Sports CSK vs LSG IPL 2024: ಐಪಿಎಲ್ನಲ್ಲಿ ಈ ದಾಖಲೆ ಮಾಡಿದ ಮೊದಲ ಸಿಎಸ್ಕೆ ನಾಯಕ ರುತುರಾಜ್ ಗಾಯಕ್ವಾಡ್
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಒಟಿಟಿಲಾದ್ರೂ ದಾಖಲೆ ಮಾಡುತ್ತಾ ದಳಪತಿ ವಿಜಯ್ ಸಿನಿಮಾ 'ಬೀಸ್ಟ್'?
ದಳಪತಿ ವಿಜಯ್ ಹಾಗೂ ಪೂಜಾ ಹೆಗಡೆ ಅಭಿನಯದ 'ಬೀಸ್ಟ್' ಸಿನಿಮಾ ಹೇಳಿಕೊಳ್ಳುವಷ್ಟು ಬಾಕ್ಸಾಫೀಸ್ನಲ್ಲಿ ದಾಖಲೆ ಮಾಡಲಿಲ್ಲ. 'ಕೆಜಿಎಫ್ 2' ಸಿನಿಮಾಗೆ 'ಬೀಸ್ಟ್' ಟಕ್ಕರ್ ಕೊಡುತ್ತೆ ಎನ್ನುತ್ತಲೇ ಏಪ್ರಿಲ್ 13 ರಂದು ವಿಶ್ವದಾದ್ಯಂತ ಭರ್ಜರಿಯಾಗಿ ರಿಲೀಸ್ ಆಗಿತ್ತು. ಆದರೆ ರಿಲೀಸ್ ಆದ ಒಂದು ದಿನ ಬಿಟ್ಟರೆ ಉಳಿದ ದಿನಗಳಲ್ಲಿ 'ಬೀಸ್ಟ್' ಸಿನಿಮಾ ಯಾವುದೇ ಗಳಿಕೆ ಇಲ್ಲದೆ ನೆಲಕಚ್ಚಿತ್ತು. ಒಂದು ದಿನ ತಡವಾಗಿ ವಿಶ್ವದಾದ್ಯಂತ ಯಶ್ ಸಿನಿಮಾ 'ಕೆಜಿಎಫ್ 2' ಚಿತ್ರ ರಿಲೀಸ್ ಆಗಿ ಒಂದೇ ದಿನದಲ್ಲಿ ಎಲ್ಲಾ ರೆಕಾರ್ಡ್ನ್ನು ಸಹ ಬ್ರೇಕ್ ಮಾಡಿತ್ತು. ಹೀಗಾಗಿ 'ಬೀಸ್ಟ್' ಸಿನಿಮಾಗೆ ಹೆಚ್ಚು ಜನರು ಬಾರದೆ ಕಲೆಕ್ಷನ್ ಕೂಡ ಆಗದೇ ಚಿತ್ರತಂಡಕ್ಕೆ ಭಾರೀ ಪೆಟ್ಟು ಬಿದ್ದಿತ್ತು.
'ಕೆಜಿಎಫ್' ಈಗಲೂ ಸಹ ಹಲವು ರಾಜ್ಯಗಳಲ್ಲಿ ಅದೇ ವೇಗದಲ್ಲಿ ಸಿನಿಮಾ ಓಡುತ್ತಿದೆ. ಹೀಗಾಗಿ ಆ ಸಮಯದಲ್ಲಿ ರಿಲೀಸ್ ಆದ 'ಬೀಸ್ಟ್' ಸಿನಿಮಾ ಸೇರಿದಂತೆ ಬಾಲಿವುಡ್ನ ಹಲವು ಚಿತ್ರಗಳು ಕಲೆಕ್ಷನ್ ಇಲ್ಲದೆ ನಷ್ಟ ಅನುಭವಿಸುವಂತಾಯಿತು.
ತಮಿಳುನಾಡಿನಲ್ಲಿ ದಾಖಲೆ ಗಳಿಕೆ ಕಂಡ ಮೊದಲ ಕನ್ನಡ ಸಿನಿಮಾ 'ಕೆಜಿಎಫ್ 2': ಕಲೆಕ್ಷನ್ ಎಷ್ಟು ಗೊತ್ತಾ?
ಸದ್ಯಕ್ಕೀಗ 'ಬೀಸ್ಟ್' ಸಿನಿಮಾ ರಿಲೀಸ್ ಆದ ಒಂದೇ ತಿಂಗಳಲ್ಲೇ ಒಟಿಟಿ ಫ್ಲಾಟ್ ಫಾರ್ಮ್ಗೆ ಬರಲಿದೆ. ಮೇ 11 ರಿಂದ 'ಬೀಸ್ಟ್' ಸಿನಿಮಾ ಸನ್ನೆಟ್ ಹಾಗೂ ನೆಟ್ಫ್ಲಿಕ್ಸ್ ಇಂಡಿಯಾದಲ್ಲಿ ಸಿಗಲಿದೆ ಎಂದು ಚಿತ್ರತಂಡ ಹೇಳಿದೆ. ಕನ್ನಡ, ತೆಲುಗು, ಮಲಯಾಳಂ ಹಾಗೂ ಹಿಂದಿಯಲ್ಲಿ 'ಬೀಸ್ಟ್' ಸಿನಿಮಾ ಡಬ್ ಆಗಿದ್ದು, ಒಟಿಟಿ ಪ್ಲಾಟ್ ಫಾರ್ಮ್ನಲ್ಲಿ ಸಿಗಲಿದೆ.
'ಕೆಜಿಎಫ್' ಸಿನಿಮಾದಿಂದ ಕೇವಲ ಬಾಲಿವುಡ್ ಮೂವಿಗಳು ಮಾತ್ರ ನಷ್ಟ ಅನುಭವಿಸುತ್ತಿಲ್ಲ. ಟಾಲಿವುಡ್, ಕಾಲಿವುಡ್ ಚಿತ್ರರಂಗದ ಮೇಲೆ ಭಾರೀ ಹೊಡೆತ ಕೊಟ್ಟಿದೆ. ತೆಲುಗು, ತಮಿಳಿನಲ್ಲಿ ರಿಲೀಸ್ ಆದ 'ಬೀಸ್ಟ್' ,' ಆಚಾರ್ಯ' ಸಿನಿಮಾಗಳು 'ಕೆಜಿಎಫ್' ಅಬ್ಬರಕ್ಕೆ ಸುಸ್ತಾಗಿ ಹೋಗಿದ್ದು, ಚಿರಂಜೀವಿ ಹಾಗೂ ರಾಮ್ಚರಣ್ ಅಭಿನಯದ 'ಆಚಾರ್ಯ' ಸಿನಿಮಾ ಕೂಡ ಈಗ ಒಟಿಟಿಯಲ್ಲಿ ಬಿಡುಗಡೆಯಾಗಲು ಸಿದ್ದವಾಗಿದೆ.
ತಮಿಳಿನಲ್ಲಿ ಭಾರೀ ನಿರೀಕ್ಷೆ ಹುಟ್ಟಿಸಿದ್ದ ಸಿನಿಮಾ 'ಬೀಸ್ಟ್' ಒಂದೇ ದಿನದಲ್ಲೇ ಕೆಜಿಎಫ್ ಅಬ್ಬರಕ್ಕೆ ಮಕಾಡೆ ಮಲಗಿತ್ತು. ಕಲೆಕ್ಷನ್ ಇಲ್ಲದೆ ಮೂಲೆ ಗುಂಪಾಗಿತ್ತು. ಸದ್ಯ ಈಗ ಒಟಿಟಿಯಲ್ಲಿ ಸಿನಿಮಾ ರಿಲೀಸ್ ಆಗ್ತಿದ್ದು, ಒಟಿಟಿಯಲ್ಲಾದರೂ ಸಿನಿಮಾ ಓಡುತ್ತಾ ಅಂತ ನೋಡಬೇಕಿದೆ.