ಮುಖಪುಟ

OTT News and Updates in Kannada

ಒಟಿಟಿ ಪ್ಲಾಟ್‌ಫಾರ್ಮ್‌ ಗಳಲ್ಲಿ ಬಿಡುಗಡೆ ಆಗುವ ಸಿನಿಮಾಗಳನ್ನು ಪ್ರಶಸ್ತಿಗಳಿಗೆ ಪರಿಗಣಿಸಿ ಎಂಬ ಒತ್ತಾಯ ಜೋರಾಗಿಯೇ ಕೇಳಿಬರುತ್ತಿದೆ.

ಬಾಲಿವುಡ್ ನಟಿ ಭೂಮಿ ಪಡ್ನೇಕರ್ ಸಹ ಇದಕ್ಕೆ ದನಿ ಗೂಡಿಸಿದ್ದು, ಒಟಿಟಿ ಪ್ಲಾಟ್‌ಫಾರ್ಮ್‌ಗಳಲ್ಲಿ ಬಿಡುಗಡೆ ಆಗುವ ಸಿನಿಮಾಗಳನ್ನು ಪ್ರಶಸ್ತಿಗೆ ಪರಿಗಣಿಸಲು ಇದು ಸಕಾಲ. ಹೀಗೆ ಪ್ರಶಸ್ತಿಗೆ ಪರಿಗಣಿಸುವುದು ಪ್ರಗತಿಶೀಲ ನಡೆ ಎನಿಸಿಕೊಳ್ಳುತ್ತದೆ ಎಂದಿದ್ದಾರೆ.

ವಿಜಯ್ ಸಿನಿಮಾ ಒಟಿಟಿಯಲ್ಲಿ ಬಿಡುಗಡೆ ಬಗ್ಗೆ ನಿರ್ಮಾಪಕರಿಂದ ಸ್ಪಷ್ಟನೆ

ಭೂಮಿ ಪಡ್ನೇಕರ್ ನಟನೆಯ ಜಾಲಿ ಕಿಟ್ಟಿ ಔರ್ ಚಮಕ್ತೆ ಸಿತಾರೆ ಸಿನಿಮಾ ಈಗಾಗಲೇ ಒಟಿಟಿಯಲ್ಲಿ ಬಿಡುಗಡೆಯಾಗಿದೆ. ಈಗ ದುರ್ಗಾಮತಿ ಸಿನಿಮಾ ಸಹ ಒಟಿಟಿಯಲ್ಲಿ ಬಿಡುಗಡೆ ಆಗಲು ರೆಡಿಯಾಗಿದೆ.

ಒಟಿಟಿಯಲ್ಲಿ ಬಿಡುಗಡೆ ಆಗುವ ಸಿನಿಮಾಗಳು ಒಳ್ಳೆಯ ಗುಣಮಟ್ಟದ್ದಾಗಿರುತ್ತವೆ, ಹೀರೋಯಿಸಂ ಹೊರತಾಗಿ ಕತೆ-ಚಿತ್ರಕತೆಯನ್ನು ಆಧರಿಸಿದ ಸಿನಿಮಾಗಳು ಅವಾಗಿರುತ್ತವೆ ಹಾಗಾಗಿ ಒಟಿಟಿಯಲ್ಲಿ ಬಿಡುಗಡೆ ಆಗುವ ಸಿನಿಮಾಗಳನ್ನು ಪ್ರಶಸ್ತಿಗೆ ಪರಿಗಣಿಸುವುದು ಹೆಚ್ಚು ಸೂಕ್ತ ಎಂದಿದ್ದಾರೆ ಭೂಮಿ.

ವಿದೇಶಗಳಲ್ಲಿ ಈಗಾಗಲೇ ಒಟಿಟಿ ಸಿನಿಮಾಗಳನ್ನು ಪ್ರಶಸ್ತಿಗೆ ಪರಿಗಣಿಸಲು ಆರಂಭಿಸಿದ್ದಾರೆ. ಭಾರತಕ್ಕೂ ಇದು ಸಕಾಲ, ವೆಬ್ ಸರಣಿ ಮಾಡುವ ನಟ-ನಟಿಯರ, ತಂತ್ರಜ್ಞರ ಶ್ರಮವನ್ನು ಗುರುತಿಸಬೇಕಿದೆ ಎಂದಿದ್ದಾರೆ ಭೂಮಿ.

ದೇವಾಲಯದಲ್ಲಿ ಚುಂಬನ ದೃಶ್ಯ: ನೆಟ್‌ಫ್ಲಿಕ್ಸ್‌ ಬೆಂಬಲಕ್ಕೆ ನಿಂತ ನಟಿ

ಭೂಮಿ ಪಡ್ನೇಕರ್ ಅವರ ದದುರ್ಗಾಮತಿ ಸಿನಿಮಾವು ಡಿಸೆಂಬರ್ 11 ರಂದು ಅಮೆಜಾನ್ ಪ್ರೈಂ ವಿಡಿಯೋದಲ್ಲಿ ಬಿಡುಗಡೆ ಆಗಲಿದೆ. ಕೊರೊನಾ ಪ್ರಾರಂಭವಾಗುವ ಮುನ್ನಾ ಸಿನಿಮಾದ ಚಿತ್ರೀಕರಣ ಪ್ರಾರಂಭವಾಗಿತ್ತು, ಕೊರೊನಾ ಲಾಕ್‌ಡೌನ್ ಕಾರಣದಿಂದ ನಿಂತಿದ್ದ ಸಿನಿಮಾ ಈಗ ಪೂರ್ಣಗೊಂಡು ನೇರವಾಗಿ ಒಟಿಟಿ ಯಲ್ಲಿ ಬಿಡುಗಡೆ ಆಗುತ್ತಿದೆ.