Bigg Boss Kannada OTT: ಬಿಗ್ ಬಾಸ್ ಮನೆಯ ಮೊದಲ ಕ್ಯಾಪ್ಟನ್ ಅರ್ಜುನ್ ರಮೇಶ್!

ಕ್ಯಾಪ್ಟೆನ್ಸಿ ಆಯ್ಕೆ ಪ್ರಕ್ರಿಯೆ!

ಬಿಗ್ ಬಾಸ್ ಮನೆಯಲ್ಲಿ ಕ್ಯಾಪ್ಟನ್ ಆಯ್ಕೆ ನಡೆಯುವುದೇ ಒಂದು ಸ್ವಾರಸ್ಯಕರ ಸಂಗತಿ. ಕ್ಯಾಪ್ಟೆನ್ಸಿ ಸಿಗಬೇಕು ಎಂದರೆ ಮನೆಯಲ್ಲಿ ಎಲ್ಲರ ಮನ ಗೆಲ್ಲುವುದು ಮುಖ್ಯ ಆಗುತ್ತದೆ. ಮೊದಲ ವಾರದ ಕ್ಯಾಪ್ಟನ್ ಆಯ್ಕೆ ಪ್ರಕ್ರಿಯೆ ನಡೆದಿದೆ. ಬಿಗ್ ಬಾಸ್ ಕೊಟ್ಟ ಟಾಸ್ಕ್ ಗಳಲ್ಲಿ ಗೆದ್ದ ತಂಡದವರಿಗೆ ಮಾತ್ರವೇ ಕ್ಯಾಪ್ಟನ್‌ ಸ್ಪರ್ಧೆಯಲ್ಲಿ ಭಾಗಿಯಾಗಲು ಅವಕಾಶ ಸಿಕ್ಕಿದೆ. ಈ ಪೈಕಿ ಗೆದ್ದ ತಂಡದ ಸದ್ಯರಲ್ಲಿ ಹೆಚ್ಚು ಓಟ್ ಪಡೆದವರಿಗೆ ಮಾತ್ರವೇ ಸ್ಪರ್ಧೆಯಲ್ಲಿ ಭಾಗಿಯಾಗಿ ಕ್ಯಾಪ್ಟನ್ ಆಗುವ ಅವಕಾಶ ಸಿಗಲಿದೆ.

ಕ್ಯಾಪ್ಟನ್ ರೇಸ್‌ನಲ್ಲಿ ಚೈತ್ರಾ, ಅರ್ಜುನ್!

ಬಿಗ್ ಬಾಸ್ ಮನೆಯಲ್ಲಿ ಹೆಚ್ಚು ಜನ ಕ್ಯಾಪ್ಟನ್‌ಗಾಗಿ ಓಟ್ ಮಾಡಿದ್ದು, ಅರ್ಜುನ್ ಮತ್ತು ಚೈತ್ರಾ ಹಳ್ಳಿಕೇರಿ ಅವರಿಗೆ. ಈ ಇಬ್ಬರಿಗೆ ಹೆಚ್ಚಿನ ವೋಟ್ ಬಂದಿವೆ. ಇಬ್ಬರಿಗೂ ಮನೆ ಮಂದಿ ಕಡೆಯಿಂದ ಸಮನಾದ ಓಟುಗಳು ಬಂದಿವೆ. ತಲಾ 11 ಓಟ್ ಪಡೆದ ಕಾರಣ ಟೈ ಆಗಿದೆ. ಇವರನ್ನು ಬಿಟ್ಟರೆ ನಂದಿನಿ ಮತ್ತು ಸೋಮಣ್ಣ ಇಬ್ಬರಿಗೂ ತಲಾ 7 ಓಟುಗಳು ಬಂದಿವೆ. ಹಾಗೆ ಸಾನಿಯಾ ಮತ್ತು ಉದಯ್‌ಗೆ ಕಡಿಮೆ ಓಟ್ ಬಂದಿವೆ. ಸ್ಪೂರ್ತಿ ಗೌಡಗೆ ಯಾವುದೇ ಓಟ್‌ ಕೂಡ ಬಂದಿಲ್ಲ.

ಟಾಸ್ಕ್ ಗೆದ್ದ ಅರ್ಜುನ್ ರಮೇಶ್?

ಹೆಚ್ಚು ಓಟ್ ಪಡೆದ ನಾಲ್ಕು ಮಂದಿಗೆ ಕ್ಯಾಪ್ಟೆನ್ಸಿ ಟಾಸ್ಕ್ ನೀಡಲಾಯಿತು. ಈ ಟಾಸ್ಕ್‌ನಲ್ಲಿ ನಂದಿನಿ, ಸೋಮಣ್ಣ, ಚೈತ್ರಾ, ಅರ್ಜುನ್ ಭಾಗಿಯಾಗಿದ್ದಾರೆ. ವೃತ್ತದಲ್ಲಿ ನಂಬರ್‌ಗಳನ್ನು ಇಟ್ಟು. ಆ ನಂಬರ್‌ಗಳಲ್ಲಿ ಹೆಚ್ಚು ನಂಬರ್ ಸಂಗ್ರಹಿಸುವ ಸ್ಪರ್ಧಿ ಮನೆಯ ಕ್ಯಾಪ್ಟನ್ ಆಗುತ್ತಾರೆ ಎನ್ನುವ ಟಾಸ್ಟ್ ಇತ್ತು. ಇದರಲ್ಲಿ ಎಲ್ಲರೂ ಸ್ಪೋರ್ಟಿವ್ ಆಗಿ ಆಟವಾಡಿದ್ದಾರೆ. ದೈಹಿಕವಾಗಿ ತೊಂದರೆ ಆದರೂ ಆಟವಾಡಿ ಪಟ್ಟು ಬಿಡದೇ ಎಲ್ಲರೂ ಟಾಸ್ಕ್ ಆಡಿದ್ದಾರೆ. ಈ ಆಟ ಅರ್ಧಕ್ಕೆ ನಿಂತರೂ ಮನೆಯ ಕ್ಯಾಪ್ಟನ್ ಆಗಿ ಅರ್ಜುನ್ ಆಯ್ಕೆಯಾಗಿದ್ದಾರೆ.

ಬಿಗ್ ಬಾಸ್ ಮನೆಯ ಕ್ಯಾಪ್ಟನ್ ಅರ್ಜುನ್!

ಬಿಗ್ ಬಾಸ್ ಮನೆಗೆ ಬರುವ ಸ್ಪರ್ಧಿಗಳಲ್ಲಿ ಮನೆಯ ಕ್ಯಾಪ್ಟನ್ ಯಾರಾಗುತ್ತಾರೆ ಎನ್ನು ಕುತೂಹಲ ಒಂದು ಕಡೆ ಆದರೆ, ಕ್ಯಾಪ್ಟೆನ್ ಆಗುವ ಆಸೆ ಮನೆಯ ಎಲ್ಲರಿಗೂ ಇದ್ದೇ ಇರುತ್ತದೆ. ಮನೆಯಲ್ಲಿ ಎಲ್ಲರೂ ಕ್ಯಾಪ್ಟನ್ ಆಗುವ ತವಕದಲ್ಲಿ ಇರುತ್ತಾರೆ. ಆಟದ ಬರದಲ್ಲಿ ಕೈಗೆ ಪೆಟ್ಟು ಮಾಡಿಕೊಂಡಿದ್ದಾರೆ ಅರ್ಜುನ್‌. ಹಾಗಾಗಿ ಅರ್ಧಕ್ಕೆ ಈ ಆಟವನ್ನು ನಿಲ್ಲಿಸಲಾಗಿತ್ತು. ಹಾಗಾಗಿ ಮನೆಯ ಕ್ಯಾಪ್ಟೆನ್ ಯಾರಾಗುತ್ತಾರೆ ಎನ್ನುವ ಕುತೂಹಲ ಇತ್ತು. ಅದಕ್ಕೆ ಬಿಗ್ ಬಾಸ್ ಉತ್ತರ ಕೊಟ್ಟದ್ದು. ಆಟದಲ್ಲಿ ಹೆಚ್ಚು ನಂಬರ್ ಕಲೆಕ್ಟ್ ಮಾಡಿದ ಅರ್ಜುನ್ ರಮೇಶ್ ಮನೆಯ ಕ್ಯಾಪ್ಟನ್ ಆಗಿ ಆಯ್ಕೆಯಾಗಿದ್ದಾರೆ.