Somanna Machimada: 16ನೇ ಸ್ಪರ್ಧಿಯಾಗಿ ಬಿಗ್‌ಬಾಸ್‌ಗೆ ಎಂಟ್ರಿ ಕೊಟ್ಟ ಪತ್ರಕರ್ತ ಸೋಮಣ್ಣ ಮಾಚೀಮಡ

ಟಿವಿ9ನಲ್ಲಿ ವರದಿಗಾರರಾಗಿ ಸೇವೆ

ಮೈಸೂರಿನಿಂದ ಬೆಂಗಳೂರಿಗೆ ಬರುವ ಸೋಮಣ್ಣ ಮಾಚೀಮಾಡ ಮೊದಲಿಗೆ ಟಿವಿ9 ಕನ್ನಡ ಸುದ್ದಿ ವಾಹಿನಿಯಲ್ಲಿ ಮೆಟ್ರೋ ವಿಭಾಗದ ವರದಿಗಾರರಾಗಿ ಕೆಲಸಕ್ಕೆ ಸೇರಿದ್ದರು. ಬಳೀಕ ಮೆಟ್ರೋ ವಿಭಾಗದ ಮುಖ್ಯಸ್ಥರೂ ಆಗಿದ್ದರು. ತಮ್ಮ ವಿಭಿನ್ನ ರೀತಿಯ ವರದಿಗಾರಿಕೆಯಿಂದ ಚಾಪು ಮೂಡಿಸುತ್ತಾರೆ.

ಸಮಯ ವಾಹಿನಿಯಲ್ಲಿ ನಿರೂಪಕರಾಗಿ ಸೇವೆ

ಟಿವಿ9ನಿಂದ ಸಮಯ ವಾಹಿನಿಗೆ ಮೆಟ್ರೋ ವಿಭಾಗದ ಮುಖ್ಯಸ್ಥರಾಗಿ ಹೋಗಿದ್ದ ಸೋಮಣ್ಣ ಅಲ್ಲಿ ನಿರೂಪಕರಾಗಿಯೂ ಗುರ್ತಿಸಿಕೊಳ್ಳುತ್ತಾರೆ. ನಿಧಾನವಾಗಿ ಸಂದರ್ಶನಗಳನ್ನು ಮಾಡಲು ಪ್ರಾರಂಭಿಸಿದ್ದರು. ಸಮಯ ಸುದ್ದಿ ವಾಹಿನಿ ನಂತರ ನ್ಯೂಸ್‌ 18 (ಈಟಿವಿ ಕನ್ನಡ ನ್ಯೂಸ್)ಗೆ ಮೆಟ್ರೋ ವಿಭಾಗದ ಮುಖ್ಯಸ್ಥರಾಗಿ ನಿರೂಪಕರಾಗಿ ಸೇರಿಕೊಂಡಿದ್ದರು.

ಸೋಮಣ್ಣ ಏಕಾಂಗಿ ಜೀವನ

ಅಲ್ಲಿ ಒಂದಷ್ಟು ದಿನ ಕೆಲಸ ಮಾಡಿ ಬಳಿಕ ನ್ಯೂಸ್‌ ಫಸ್ಟ್‌ ವಾಹಿನಿಗೆ ನಿರೂಪಕರಾಗಿ ಸೇರುತ್ತಾರೆ. ಸಿನಿಮಾ ವಿಭಾಗದ ಮುಖ್ಯಸ್ಥರಾಗಿಯೂ ಕೆಲಸ ಮಾಡುತ್ತಿದ್ದಾರೆ. ಇವರು ಮೂಲತಃ ಕೊಡಗಿನವರು. ತಂದೆ ನಿವೃತ್ತ ಸೈನ್ಯಾಧಿಕಾರಿ. ಅಕ್ಕ - ಭಾವ ಮೈಸೂರಿನಲ್ಲಿ ಹೋಟೆಲ್ ನಡೆಸುತ್ತಿದ್ದಾರೆ. ತಮ್ಮ ನಿರರ್ಗಳ ಮಾತುಗಳಿಂದ ಸೋಮಣ್ಣ ಮಾಚೀಮಾಡ ನಿರೂಪಕರಾಗಿ ಯಶಸ್ವಿಯಾಗಿದ್ದಾರೆ. ಕನ್ನಡದ ಬಹುತೇಕ ಎಲ್ಲಾ ಸೂಪರ್‌ ಸ್ಟಾರ್‌ಗಳ ಸಂದರ್ಶನ ಮಾಡಿದ್ದಾರೆ. 2012ರಲ್ಲಿ ಮದುವೆಯಾಗಿದ್ದ ಸೋಮಣ್ಣ ಮದುವೆ 2020ರಲ್ಲಿ ಮುರಿದು ಬಿದ್ದಿದೆ.

ಸೋಮಣ್ಣ ಮಚೀಮಡ ಬೇಸರ

ಸಾಕಷ್ಣು ರಾಜಕಾರಣಿಗಳನ್ನು, ಸಿನಿಮಾ ಕಲಾವಿದರನ್ನು ಸಂದರ್ಶನ ಮಾಡಿ ಸೋಮಣ್ಣ ಮಾಚೀಮಡ ಖ್ಯಾತಿ ಗಳಿಸಿದ್ದಾರೆ. ಫೇಸ್‌ಬುಕ್‌ನಲ್ಲಿ 114k ಹಾಗೂ ಇನ್​ಸ್ಟಾಗ್ರಾಂನಲ್ಲಿ 27kಗೂ ಹೆಚ್ಚು ಫಾಲೋವರ್ಸ್ ಇದ್ದಾರೆ. ಮದುವೆ ಮುರಿದು ಹೋದ ವಿಚಾರಕ್ಕೆ ವೇದಿಕೆಯಲ್ಲಿ ಬಹಳ ಬೇಸರ ವ್ಯಕ್ತಪಡಿಸಿದ್ದರು. ತಮಗೆ ಸಿಕ್ಕಾಪಟ್ಟೆ ಕೋಪ ಬರುತ್ತೆ ಎಂದ ಸೋಮಣ್ಣ, ಅದನ್ನೆಲ್ಲಾ ಮೀರಿ ಬಿಗ್‌ಬಾಸ್‌ ಶೋನಲ್ಲಿ ಗೆಲ್ಲುವ ಹುಮ್ಮಸ್ಸಿನಿಂದ ಮನೆ ಪ್ರವೇಶಿಸಿದ್ದಾರೆ.