Bigg Boss Kannada OTT: ಡವ್ ರಾಣಿ ಎಂದಿದ್ದಕ್ಕೆ ಸೋನು ಗೌಡ, ಸ್ಪೂರ್ತಿ ನಡುವೆ ಜಗಳ!

ಸೋನು ಗೌಡ, ಸ್ಪೂರ್ತಿ ಗೌಡ ಜಗಳ!

ಬಿಗ್ ಬಾಸ್ ಮನೆಯಲ್ಲಿ ಮೊದಲೆರಡು ದಿನ ಎಲ್ಲವೂ ಚೆನ್ನಾಗೇ ಇತ್ತು. ಆದರೆ ಮೂರೇ ದಿನಕ್ಕೆ ಕಾಲಿಡುತ್ತಿದ್ದ ಹಾಗೆ ಜಗಳ, ಅಸಮಾಧಾನ ಶುರುವಾಗಿ ಬಿಟ್ಟಿದೆ. ಚೆನ್ನಾಗೇ ಇದ್ದ ಸೋನು ಗೌಡ ಮತ್ತು ಸ್ಪೂರ್ತಿ ಗೌಡ ನಡುವೆ ಜಗಳ ಶುರುವಾಗಿದೆ. ಇಬ್ಬರು ಮುನಿಸಿಕೊಂಡಿದ್ದಾರೆ. ಇದಕ್ಕೆ ಸ್ಪೂರ್ತಿ ಗೌಡ ಇದ್ದಕ್ಕಿದ್ದ ಹಾಗೆ ಕೋಪ ಮಾಡಿಕೊಂಡಿದ್ದೇ ಕಾರಣವಾಗಿದೆ.

ಸ್ಪೂರ್ತಿಗೆ ಡವ್ ರಾಣಿ ಎಂದ ಸೋನು!

ಸ್ಪೂರ್ತಿ ಗೌಡ ಮೇಕಪ್ ಮಾಡಿಕೊಳ್ಳುತ್ತಿರುವನ್ನು ಕಂಡ ಸೋನು ಗೌಡ, ಮೇಕಪ್ ಬಗ್ಗೆ ಒಂದಷ್ಟು ಪ್ರಸ್ನೆ ಮಾಡುತ್ತಾರೆ. ಆದ ಮೇಕಪ್ ವಿಚಾರ ಮಾತನಾಡುತ್ತಾ, ಮೇಕಪ್ ಗೊತ್ತಿಲ್ಲ ಎಂದ ಸ್ಪೂರ್ತಿ ಗೌಡಗೆ, ಸೋನು ಗೌಡ "ಡವ್ ರಾಣಿ ಎಲ್ಲಾ ಗೊತ್ತಿದ್ದು, ಏನು ಗೊತ್ತಿಲ್ಲದ ಹಾಗೆಡವ್ ಮಾಡ್ತಿಯಾ ಎನ್ನುತ್ತಾರೆ. "ಇದೇ ಮಾತುಗಳು ಇವರ ಜಗಳಕ್ಕೆ ಕಾರಣವಾಗಿವೆ. ಡವ್ ರಾಣಿ ಎನ್ನುವ ಪದ ಬಳಸಿದ್ದಕ್ಕೆ ಸ್ಪೂರ್ತಿ ಗೌಡ ಸಿಟ್ಟಾಗುತ್ತಾರೆ.

ಮೊದಲ ನಕ್ಕು ನಂತರ ಕೋಪಗೊಂಡ ಸ್ಪೂರ್ತಿ!

ಇನ್ನು ಸೋನು ಗೌಡ ಮೊದಲು ಸ್ಪೂರ್ತಿ ಗೌಡಗೆ ಡವ್ ರಾಣಿ ಎನ್ನುವ ಪದ ಬಳಸಿದಾಗ, ಸ್ಪೂರ್ತಿ ಗೌಡ ಕೂಡ ನಗುತ್ತಾರೆ. ಚೆನ್ನಾಗೇ ಸೋನು ಗೌಡ ಜೊತೆಗೆ ಮಾತನಾಡುತ್ತಾರೆ. ಆದರೆ ಕೆಲ ಸಮಯದ ಬಳಿಕ ಸೋನು ಗೌಡ ಮೇಲೆ ಸ್ಪೂರ್ತಿ ಗೌಡ ಕಿಡಿ ಕಾರುತ್ತಾರೆ. ಡವ್ ರಾಣಿ ಎನ್ನುವ ಪದ ಬಳಕೆ ಮಾಡಿವುದು ಇಷ್ಟ ಆಗಲಿಲ್ಲ. ಆ ರೀತಿ ಮಾತನಾಬೇಡ ಎನ್ನುತ್ತಾ ಜಗಳ ಶುರು ಮಾಡುತ್ತಾರೆ. ಮಾತಿನಲ್ಲೇ ಒಬ್ಬರಿಗೊಬ್ಬರು ಚಾಟಿ ಬೀಸಿಕೊಂಡಿದ್ದಾರೆ

ಮುನಿಸಿಕೊಂಡ ಸ್ಪೂರ್ತಿ, ಸೋನು!

ಮೂರನೇ ದಿನಕ್ಕೆ ಬಿಗ್ ಬಾಸ್ ಮನೆಯಲ್ಲಿ ಮೊದಲ ಜಗಳ ಶುರುವಾಹಿದೆ. ಇಬ್ಬರೂ ಮುನಿಸಿಕೊಂಡಿದ್ದಾರೆ. ಒಬ್ಬರನ್ನೊಬ್ಬರು ಮಾತನಾಡಿಸುತ್ತಿಲ್ಲ. ಮನೆಮಂದಿ ಎಲ್ಲಾ ಇವರ ಜಗಳ ಬಿಡಿಸಿ, ಸಮಾಧಾನ ಮಾಡಿದ್ದು, ಇಬ್ಬರನ್ನೂ ಒಂದು ಮಾಡುವ ಪ್ರಯತ್ನ ಮಾಡುತ್ತಿದ್ದಾರೆ. ಆದರೆ ಇಬ್ಬರೂ ಒಬ್ಬರಿಗೊಬ್ಬರು ಮಾತನಾಡದೇ, ಮುನಿಸಿಕೊಂಡಿದ್ದಾರೆ.