Bigg Boss Kannada OTT: ಬಿಗ್‌ಬಾಸ್ ಮನೆಯಲ್ಲಿದ್ದ ಲೋಕೇಶ್ ಅಚಾನಕ್ ಮಾಯ! ಎಲ್ಲಿ ಹೋದ್ರು?

ಲೋಕೇಶ್ ಕಾಲಿಗೆ ಗಾಯವಾಗಿತ್ತು

ನಿನ್ನೆ ಟಾಸ್ಕ್ ಒಂದನ್ನು ಮಾಡುವ ಸಂದರ್ಭದಲ್ಲಿ ಲೋಕೇಶ್‌ಗೆ ಏಟಾಗಿತ್ತು. ಅದೇ ಕಾರಣಕ್ಕೆ ಲೋಕೇಶ್ ಬಿಗ್‌ಬಾಸ್ ಮನೆ ಬಿಟ್ಟು ಹೊರಗೆ ಚಿಕಿತ್ಸೆಗೆ ಹೋಗಿರಲಿಕ್ಕೆ ಸಾಕು. ಟಾಸ್ಕ್ ಮಾಡುವ ವೇಳೆ ಅದೇನು ಅಷ್ಟು ದೊಡ್ಡ ಪೆಟ್ಟಲ್ಲ ಎನ್ನುವಂತಿತ್ತು. ಆದರೆ ಈಗ ಬಿಗ್‌ಬಾಸ್ ಮನೆಯಿಂದಲೇ ಹೊರಗೆ ಹೋಗಿದ್ದಾರೆಂದರೆ ಗಾಯ ಗಂಭೀರವಾಗಿ ಆಗಿರಬೇಕು ಎನಿಸುತ್ತದೆ.

ಕಾಲು ಊದಿಕೊಂಡಿತ್ತು ಎಂದ ಸೋನು ಗೌಡ

ಈ ಬಗ್ಗೆ ಸೋನು ಗೌಡ ಮನೆಯ ಸದಸ್ಯರೊಬ್ಬರ ಬಳಿ ಮಾತನಾಡುತ್ತಾ, ಅವರಿಗೆ ಕಾಲೆಲ್ಲ ಊದಿಕೊಂಡು ಬಿಟ್ಟಿತ್ತು. ನಾವು ಗುರೂಜಿಗೆ ಹೇಳಿದ್ದೆವು ಕಾಲು ಅಗಲ ತೆಗೆಯಿರಿ ಎಂದು ಆದರೆ ಅವರ ಕೈಲಿ ಆಗಲಿಲ್ಲ. ಆದರೆ ಅವರು ಅಷ್ಟು ಕಷ್ಟದ ಸಮಯದಲ್ಲಿಯೇ ತೂರಿಕೊಂಡು ಬಂದರು. ಹಾಗಾಗಿ ಅವರಿಗೆ ಗಾಯವಾಗಿದೆ. ಕಾಲು, ಮೊಣಕಾಲು ಎಲ್ಲ ಊತ ಬಂದಿತ್ತು ಎಂದರು. ಅವರು ಲೋಕೇಶ್ ಅವರ ಬಗ್ಗೆಯೇ ಹೇಳಿದ್ದಿರಬೇಕು.

ಕುಟುಂಬದವರನ್ನು ಮಿಸ್ ಮಾಡಿಕೊಳ್ಳುತ್ತಿದ್ದೇನೆ ಎಂದ ಲೋಕೇಶ್

ತಾವು ತಮ್ಮ ಕುಟುಂಬದವರನ್ನು ಬಹಳ ಮಿಸ್ ಮಾಡಿಕೊಳ್ಳುತ್ತಿರುವದಾಗಿ ಲೋಕೇಶ್ ಕಣ್ಣೀರು ಸಹ ಹಾಕಿದ್ದರು. ಆ ಕಾರಣಕ್ಕೇನಾದರೂ ಲೋಕೇಶ್ ಮನೆಯಿಂದ ಹೊರಗೆ ಹೋದರಾ? ತಿಳಿಯಬೇಕಿದೆ. ಒಟ್ಟಾರೆ ಆಗಸ್ಟ್ 12 ರಂದು ಬೆಳಿಗ್ಗೆಯಿಂದ ಸಂಜೆವರೆಗೆ ಅಂತೂ ಲೋಕೇಶ್ ಬಿಗ್‌ಬಾಸ್ ಮನೆಯಲ್ಲಿ ಕಾಣಿಸಲಿಲ್ಲ. ಸಂಜೆ ಬಳಿಕ ಏನಾದರೂ ಮನೆಗೆ ಮರಳುತ್ತಾರಾ ಕಾದು ನೋಡಬೇಕಿದೆ. ಅಥವಾ ನಾಳೆ ಅಂದರೆ ಶನಿವಾರ ಹಾಗೂ ಭಾನುವಾರ ವಾರ ಸುದೀಪ್ ಅವರೊಂದಿಗೆ ಮಾತುಕತೆ ಇರುತ್ತದೆ ಅದಕ್ಕಾದರೂ ಲೋಕೇಶ್ ಮರಳಿ ಬರುತ್ತಾರಾ ನೋಡಬೇಕಿದೆ.

Recommended Video

Gaalipata 2 | Yograj Bhat | 'ಗಾಳಿಪಟ 2' ನೋಡಲು ಟಿಪ್‌ಟಾಪ್ ಆಗಿ ಬಂದ ಭಟ್ರು | Filmibeat Kannada

ಕಷ್ಟದ ಜೀವನ ಕಳೆದು ಬಂದಿರುವ ಲೋಕೇಶ್

ಲೋಕೇಶ್ ಬಿಗ್‌ಬಾಸ್ ಮನೆಯ ಪ್ರಮುಖ ಸದಸ್ಯ. ಮನೆಯ ಸದಸ್ಯರು ತುಸು ಮಂಕಾದಾಗೆಲ್ಲ ಅವರು ತಮ್ಮ ಚಟುವಟಿಕೆಗಳಿಂದ ಎಲ್ಲರನ್ನೂ ರಂಜಿಸುತ್ತಾ ನಗಿಸುತ್ತಾ ಎಲ್ಲರೊಟ್ಟಿಗೂ ಸಂತೋಶವಾಗಿ ಸಮಾನ ಭಾವದಿಂದ ಇರುತ್ತಾರೆ. ಬಹಳ ಕಷ್ಟದ ಜೀವನ ಕಲೆದು ಈ ಹಂತಕ್ಕೆ ಬಂದಿರುವ ಲೋಕೇಶ್ ಬಿಗ್‌ಬಾಸ್ ಗೆಲ್ಲುವ ನಂಬಿಕೆಯಲ್ಲಿದ್ದಾರೆ. ಭಿಕ್ಷೆ ಬೇಡಿಕೊಂಡು, ಲಾಲ್‌ಬಾಗ್, ಕಬ್ಬನ್ ಪಾರ್ಕ್‌ಗಳಲ್ಲಿ ಪ್ರೇಮಿಗಳಿಗೆ ಹೆದರಿಸಿ ಹಣ ವಸೂಲಿ ಮಾಡಿಕೊಂಡು ಇದ್ದಿದ್ದ ಲೋಕೇಶ್ ಅನ್ನು ಡಾನ್ ಬಾಸ್ಕೊದವರು ಕರೆದುಕೊಂಡು ಹೋಗಿ ನೆಲೆ ಒದಗಿಸಿ ಅವರಿಗೆ ಕೆಲವು ನಾಟಕ, ಚಿತ್ರಕತೆಗಳನ್ನು ಕಲಿಸಿದ್ದಾರೆ. ಅದರ ಆಧಾರದ ಮೇಲೆಯೇ ಲೋಕೇಶ್ ಜೀವನ ರೂಪಿಸಿಕೊಂಡಿದ್ದಾರೆ.