Bigg Boss Kannada OTT : ನಾವೇನು ನಿನ್ನ ಗುಲಾಮರಲ್ಲ ಎಂದು ಸೋನು ವಿರುದ್ಧ ರೊಚ್ಚಿಗೆದ್ದ ಸಾನ್ಯಾ

ಸೋನು-ಸಾನ್ಯಾ ದೂರಾದೂರ

ಮೊದಲಿನಿಂದಲೂ ಬಿಗ್ ಬಾಸ್ ಮನೆಯಲ್ಲಿ ಸೋನು ಮತ್ತು ಸಾನ್ಯಾ ಫ್ರೆಂಡ್ಶಿಪ್ ಏನು ಮೆಂಟೈನ್ ಮಾಡಿಲ್ಲ. ಎದುರು ಸಿಕ್ಕಾಗ ಹಾಯ್ ಹೇಳಬೇಕಾ ಎನಿಸಿದರೆ ಹೇಳುತ್ತಾರೆ. ಅನಿವಾರ್ಯತೆ ಬಿದ್ದಾಗ ಮಾತನಾಡುತ್ತಾರೆ. ಆದ್ರೆ ಇತ್ತೀಚೆಗೆ ಸಾನ್ಯಾಗೆ ಸೋನು ಕಂಡರೆ ಅಷ್ಟಕ್ಕೆ ಅಷ್ಟೇ. ಅದರಲ್ಲೂ ವಾರದ ಕತೆ ಕಿಚ್ಚ ಸುದೀಪನ ಜೊತೆ ನಡೆದ ಮಾತುಕತೆಯಿಂದಾಗಿ ಇನ್ನಷ್ಟು ನೊಂದು ಬೆಂದಿದ್ದಾರೆ. ಈಗ ಬಿಗ್ ಬಾಸ್ ಸದಸ್ಯರ ಬಗ್ಗೆ ಹೇಳಿ ಎಂದಾಗಲೂ ಸಾನ್ಯಾ, ಸೋನು ಬಗ್ಗೆ ಗರಂ ಆಗಿಯೇ ಉತ್ತರಿಸಿದ್ದಾರೆ.

ಸೋನು ಗುಲಾಮರಂತೆ ನೋಡುತ್ತಾಳಾ?

ಸೋನು ಸ್ವಲ್ಪ ಒರಟಿ. ಯಾರಿಗೂ ಮರ್ಯಾದೆ ಕೊಡದಂತೆ ಮಾತನಾಡುತ್ತಾಳೆ. ಅವಳ ಮಾತಿನಿಂದಲೇ ಎಲ್ಲರೂ ಅವಳಿಂದ ದೂರ ಇರುತ್ತಿದ್ದರು. ಕಳೆದ ಬಾರಿ ಸುದೀಪ್ ಕೂಡ ಈ ವಿಚಾರವನ್ನು ಪ್ರಸ್ತಾಪವನ್ನು ಮಾಡಿದ್ದರು. ಈ ವಾರ ಕೊಂಚ ಬದಲಾಗಿದ್ದಾಳೆ ಸೋನು. ಆದರೆ ಸಾನ್ಯಾಗೆ ಅದು ಕಂಡಿಲ್ಲ. ಮಾತು ಕೂಡ ಅಷ್ಟಾಗಿ ಬದಲಾವಣೆಯಾಗಿಲ್ಲ. ಹೀಗಾಗಿ ನಾವೇನು ನಿಮ್ಮ ಗುಲಾಮರಲ್ಲ ಅಂತ ಸಾನ್ಯಾ ಜೋರಾಗಿ ಹೇಳಿದ್ದಾರೆ.

ಸಾನ್ಯಾ ಬಗ್ಗೆ ಸೋನು ಹೇಳಿದ್ದೇನು?

ಅವಳು ಅವಳದ್ದೇ ಒಂದು ಲೋಕದಲ್ಲಿ ಇರುತ್ತಾಳೆ. ನಾವೂ ಏನೇ ಹೇಳಿದರೂ ಕೇಳುವ ಶಕ್ತಿ ಇಲ್ಲ. ನಿನ್ನ ಲೋಕದಲ್ಲಿ ನೀನೇ ರಾಣಿ ಅದೇನು ತಪ್ಪಲ್ಲ. ಆದರೆ ನಾವೇನು ನಿನ್ನ ಗುಲಾಮರಲ್ಲ. ನಾವೂ ಕೂಡ ನಮ್ಮ ಲೋಕದಲ್ಲಿಯೇ ಇದ್ದೀವಿ. ಯಾರು ಕೀಳಲ್ಲ ಮೇಲಲ್ಲ. ಎಲ್ಲರಿಗೂ ಗೌರವ ಕೊಡುವುದನ್ನು ಮೊದಲು ಕಲಿ ಎಂದ ಸಾನ್ಯಾ, ಸೋನು ಬಗ್ಗೆ ಹೇಳಿದ್ದಾಳೆ.

ಕಮೆಂಟ್‌ನಲ್ಲಿ ಸಾನ್ಯಾಳಿಗೆ ಕ್ಲಾಸ್

ಇನ್ನು ಬಿಗ್ ಬಾಸ್ ಅನ್ನು ಸಾಕಷ್ಟು ಜನ ನೋಡುತ್ತಿದ್ದಾರೆ. ಏನಾಗುತ್ತಿದೆ ಎಂಬುದನ್ನು ತಿಳಿಯುತ್ತಿದ್ದಾರೆ. ಇವತ್ತು ಬಿಗ್ ಬಾಸ್ ಹಾಕಿದ್ದ ಪ್ರೊಮೋದಲ್ಲಿ ಸಾನ್ಯಾ ವಿರುದ್ಧವಾಗಿಯೇ ಕಮೆಂಟ್ ಗಳು ಬಂದಿವೆ. ಸೋನುಗೆ ಹೇಳುವುದಕ್ಕೂ ಮುನ್ನ ಮೊದಲು ನೀನು ಬದಲಾಗು ಎಂದು ಒಬ್ಬರು ಕಮೆಂಟ್ ಹಾಕಿದ್ದಾರೆ. ಇನ್ನೊಬ್ಬರು ಮೊದಲು ನೀನು ರೂಪೇಶ್ ನನ್ನು ಬಿಟ್ಟು ಬಾ ಎಂದಿದ್ದಾರೆ. ಇನ್ನು ಒಂದು ಹೆಜ್ಜೆ ಮುಂದೆ ಹೋಗಿ ಜಶ್ವಂತ್ ವಿಚಾರವನ್ನು ತಂದಿದ್ದಾರೆ. ಅದರಲ್ಲಿ ಬೆಸ್ಟ್ ಫ್ರೆಂಡ್ ಎಂದುಕೊಂಡವಳಿಗೆ ನೀನು ಮೋಸ ಮಾಡಿದ್ದೀಯಾ. ಜಶ್ವಂತ್‌ನನ್ನು ಮೊದಲು ಬಿಡು, ಅವನಿಂದ ದೂರ ಇರು ಎಂದೆಲ್ಲಾ ಕಮೆಂಟ್ ಹಾಕಿದ್ದಾರೆ.