ಬಿಗ್‌ ಬಾಸ್‌ ಓಟಿಟಿ: ಮಾಜಿ ಪತ್ನಿಯಿಂದ ಸೋಮಣ್ಣಗೆ ಬಂದಿರೋ ಮೆಸೇಜ್‌ ಏನು ಗೊತ್ತಾ.?

ವೃತ್ತಿ ಜೀವನದ ಆಲೋಚನೆಯಲ್ಲಿ ವೈಯಕ್ತಿಕ ಜೀವನ ಹಾಳಾಯ್ತು

ನನ್ನ ಜೀವನದಲ್ಲಿ ನಡೆದ ಕಹಿ ಘಟನೆಯಿಂದ ನಾನು ಮಾನಸಿಕವಾಗಿ, ದೈಹಿಕವಾಗಿ ತುಂಬಾ ನೊಂದಿದ್ದೆ, ನನ್ನ ಜೀವನವೇ ಸಾಕು ಅಂತಾ ಹಲವು ಬಾರಿ ಅನಿಸಿತ್ತು. ಗಿವ್ ಅಪ್‌ ಮಾಡಿಬಿಡೋಣ ಎನಿಸಿತ್ತು. ಕೆಲವೊಂದು ಬಾರಿ ಜೀವನದಲ್ಲಿ ತಪ್ಪು ಆಗಿ ಬಿಡುತ್ತದೆ. ಕೆಲವೊಮ್ಮೆ ಅದನ್ನು ತಿದ್ದಿಕೊಳ್ಳಲು ಅವಕಾಶ ಸಿಗುತ್ತದೆ. ಆ ಸಮಯದಲ್ಲಿ ನಾನು ವೃತ್ತಿ ಜೀವನ, ಸ್ನೇಹಿತರು, ಬಡವರು, ಕಷ್ಟ ಅಂತೆಲ್ಲಾ ಯೋಜನೆ ಮಾಡಿ, ಖಾಸಗಿ ಜೀವನವನ್ನು ಹಾಳು ಮಾಡಿಕೊಂಡೆ ಅನಿಸುತ್ತದೆ. ಆ ನೋವು ಮನಸ್ಸಿನಲ್ಲಿ ತುಂಬಾ ಕಾಡುತ್ತಿತ್ತು.

ಅವರಿಗೆ ಬಿಗ್‌ ಬಾಸ್‌ ಶೋ ತುಂಬಾ ಇಷ್ಟ

ನನ್ನ ಮಾಜಿ ಪತ್ನಿಗೆ ಬಿಗ್‌ ಬಾಸ್‌ನಂತಹ ರಿಯಾಲಿಟಿ ಶೋ ತುಂಬಾ ಇಷ್ಟ. ಡಾನ್ಸ್, ಬಿಗ್‌ ಬಾಸ್‌ನಂತಹ ಕಾರ್ಯಕ್ರಮವನ್ನು ಅವರು ಇಷ್ಟ ಪಡುತ್ತಿದ್ದರು. ಈ ಹಿಂದೆ ಕೂಡ ನಾನು ಬಿಗ್ ಬಾಸ್‌ ಹೋಗುವ ಬಗ್ಗೆ ಮಾತುಕತೆ ನಡೆಯುತ್ತಿತ್ತು. ಆಗ ನಾನು ಆಕೆಯನ್ನು ಕೇಳಿದ್ದೆ, ನಾನು ಬಿಗ್‌ ಬಾಸ್‌ಗೆ ಹೋದರೆ ಅಂತಾ, ಆಗ ಆಕೆ ನನ್ನನ್ನು ರೇಗಿಸುತ್ತಿದ್ದರು. ಒಂದು ಟೈಮ್‌ ಅಲ್ಲಿ ನನ್ನ ಮಾಜಿ ಪತ್ನಿ ಹಾಗೂ ನಾನು ಬಿಗ್‌ ಬಾಸ್‌ಗೆ ಹೋಗುವ ಬಗ್ಗೆ ತುಂಬಾ ಚರ್ಚೆ ಮಾಡಿದ್ದೇವು ಎಂದರು.

ಚೆನ್ನಾಗಿ ಆಡಬೇಕು ಅಂತಾ ಶಕ್ತಿ ತುಂಬಿದ್ದೇ ಆ ಒಂದು ಮೆಸೇಜ್‌

ಈ ಬಾರಿ ನಾನು ಬಿಗ್‌ಬಾಸ್‌ಗೆ ಸೆಲೆಕ್ಟ್ ಆದಾಗ ನನ್ನ ಆತ್ಮೀಯರಿಗೆ ಹೇಳಿದ್ದೆ, ಆಕೆಗೂ ಕೂಡ ಹೇಳಬೇಕೆಂದುಕೊಳ್ಳುತ್ತಿದೆ. ಅವರಿಗೆ ಹೇಳದೇ ಹೋಗಿದ್ದರೆ ಈ ವಿಚಾರ ನನ್ನನ್ನು ಇನ್ನಷ್ಟು ಚುಚ್ಚುತಿತ್ತು.

ಹೋಗುವ ಹಿಂದಿನ ದಿನ ಆಕೆಗೆ ಕರೆ ಮಾಡಿ ಬಿಗ್‌ ಬಾಸ್‌ಗೆ ಹೋಗುವ ವಿಷಯ ಹೇಳಿದೆ. ಅವರು ಕೂಡ ಖುಷಿಯಾದ್ರು, ನೀವು ತುಂಬಾ ಚೆನ್ನಾಗಿ ಆಡ್ತೀರ ಅನ್ನೋ ನಂಬಿಕೆ ನನಗಿದೆ ಎಂದಿದ್ದರು. ಅವರು ಕಾಲ್‌ ರಿಸೀವ್ ಮಾಡಲ್ಲ ಎಂದುಕೊಂಡು ಮೆಸೇಜ್‌ ಕೂಡ ಮಾಡಿದ್ದೆ, ಅವರು ಅದಕ್ಕೆ ರಿಪ್ಲೇ ಕೂಡ ಮಾಡಿದ್ದರು. ಬಿಗ್‌ ಬಾಸ್‌ನಲ್ಲಿ ನಾನು ಇನ್ನೂ ಚೆನ್ನಾಗಿ ಆಡಬೇಕು ಅಂತಾ ಶಕ್ತಿ ತುಂಬಿದ್ದೇ ಆ ಒಂದು ಮೆಸೇಜ್‌. ಬಿಗ್‌ ಬಾಸ್‌ ಮನೆಯಲ್ಲಿ ಚೆನ್ನಾಗಿ ಆಡಿ. ದೇವರ ಆಶೀರ್ವಾದ ಇದೆ ಎಂದು ಕಳುಹಿಸಿದ್ದರು. ಅದನ್ನು ನೋಡಿ ನನಗೆ ಖುಷಿ ಆಯ್ತು. ಅದರಿಂದಲೇ ಫೈನಲ್‌ವರೆಗೂ ಚೆನ್ನಾಗಿ ಆಡಿದ್ದೇನೆ ಎಂದರು.

ಅವರಾಗಿಯೇ ನನಗೆ ಕರೆ ಮಾಡಲಿ

ಇನ್ನು ಬಿಗ್‌ ಬಾಸ್‌ ಮನೆಯಿಂದ ಹೊರಬಂದ ಮೇಲೆ ಅವರಿಗೆ ಮೆಸೇಜ್‌ ಮಾಡಿಲ್ಲ, ಮಾತನಾಡಿಲ್ಲ. ಇನ್ನು ಅವರಿಗೆ ಮೆಸೇಜ್‌ ಮಾಡಲೊ ಅಥವಾ ಕಾಲ್‌ ಮಾಡಲೋ ಎನ್ನುವ ಸಣ್ಣ ಅಳುಕಿದೆ. ಯಾಕಂದರೆ ಬಿಗ್‌ ಬಾಸ್‌ ಮನೆಯೊಳಗಡೆ ನಾನು ನನ್ನ ಭಾವನೆಗಳನ್ನು ಹಂಚಿಕೊಂಡಿದ್ದೆ. ನನ್ನ ಜೀವನ ಹೀಗಾಗಿದೆ ಎಂದು ಹೇಳಿಕೊಂಡಿರುವುದು ಅವರಿಗೆ ಬೇಜಾರಾಗಿರಬಹುದಾ, ಅಥವಾ ನಾನು ಆಡಿರೋ ರೀತಿ ಅವರಿಗೆ ಇಷ್ಟವಾಗಿದೆಯೋ ಇಲ್ಲವೋ ಎನ್ನುವಂತಹ ಅಳುಕಿದೆ. ಅವರ ಕರೆ ಬರಲಿ ಅಂತಾ ಆಶಿಸುತ್ತೇನೆ, ಆದರೆ ಬರಲ್ಲ ಅದು ನನಗೆ ಗೊತ್ತು. ನಾನೇ ಕರೆ ಮಾಡಿ ಅವರೊಂದಿಗೆ ಮಾತನಾಡುತ್ತೇನೆ ಎಂದರು.