ಹಿಂಸಾಚಾರಕ್ಕೆ ಪ್ರಚೋದನೆ ಆರೋಪ: ಅನುಷ್ಕಾ ಶರ್ಮಾಗೆ ಕೋರ್ಟ್ ನೋಟಿಸ್

ಸಂಘರ್ಷಕ್ಕೆ ಪ್ರಚೋದನೆ

'ಪಾತಾಳ್ ಲೋಕ್' ವೆಬ್ ಸೀರೀಸ್‌ನ ಮೂರನೇ ಕಂತು 'ಎ ಹಿಸ್ಟರಿ ಆಫ್ ವಯಲೆನ್ಸ್' ಪಂಜಾಬ್‌ನ ಹಳ್ಳಿಯೊಂದರ ಕಥೆ ಹೊಂದಿದೆ. ಇದರಲ್ಲಿ ಪ್ರತಿವಾದಿಗಳು ಉದ್ದೇಶಪೂರ್ವಕವಾಗಿ ಮತ್ತು ಹಗೆತನದಿಂದ ಕೋಮು ಸೌಹಾರ್ದತೆ ಕದಡುವ ಸಲುವಾಗಿ ಹಾಗೂ ಜಾತಿ ಆಧಾರಿತ ಸಂಘರ್ಷಗಳು ನಡೆಯಬೇಕು ಎಂಬ ಉದ್ದೇಶದಿಂದ ಎರಡು ಸಮುದಾಯಗಳನ್ನು ಕೆಟ್ಟ ರೀತಿಯಲ್ಲಿ ಚಿತ್ರಿಸಿದ್ದಾರೆ ಎಂದು ಅರ್ಜಿದಾರರ ಪರ ವಕೀಲ ಗುರ್ದೀಪಿಂದರ್ ಸಿಂಗ್ ಧಿಲ್ಲೋನ್ ಆರೋಪಿಸಿದ್ದಾರೆ.

ಅನುಷ್ಕಾ ಶರ್ಮಾಗೆ ಡೈವೋರ್ಸ್ ಕೊಡಿ: ವಿರಾಟ್ ಕೊಹ್ಲಿಗೆ ಬಿಜೆಪಿ ಶಾಸಕನ ಸಲಹೆ!

ವೆಬ್ ಸೀರೀಸ್ ನಿಷೇಧಿಸಿ

ಕೋಮು ಸೌಹಾರ್ದಕ್ಕೆ ಧಕ್ಕೆ ತರುತ್ತಿರುವುದರಿಂದ ಈ ವೆಬ್ ಸೀರೀಸ್ಅನ್ನು ನಿಷೇಧಿಸಬೇಕು ಎಂದು ಅಕಾಲಿದಳದ ಮಾಜಿ ಶಾಸಕ ಹಾಗೂ ದೆಹಲಿ ಸಿಖ್ ಗುರುದ್ವಾರ ಪ್ರಬಂಧಕ ಸಮಿತಿ ಅಧ್ಯಕ್ಷ ಮಂಜಿಂದರ್ ಸಿಂಗ್ ಸಿರ್ಸಾ ಟ್ವೀಟ್ ಮಾಡಿದ್ದರು.

ಅತ್ಯಾಚಾರಿಗಳಂತೆ ಚಿತ್ರಿಸಲಾಗಿದೆ

ವೆಬ್ ಸೀರೀಸ್‌ನಲ್ಲಿನ ಅತ್ಯಾಚಾರ ದೃಶ್ಯಗಳ ಕುರಿತು ಹರಿಹಾಯ್ದಿರುವ ಅವರು, 'ಸಿಖ್ಖರು ಮಹಿಳೆಯರ ರಕ್ಷಕರು. ಇಡೀ ಜಗತ್ತು ಸಿಖ್ಖರನ್ನು ಅವರ ಸೇವೆ ಮತ್ತು ಮಾನವೀಯತೆಯಿಂದ ಗುರುತಿಸುತ್ತಿದೆ. ಆದರೆ ಸಿಖ್ಖರನ್ನು ಅತ್ಯಾಚಾರಿಗಳು ಎಂದು ತೋರಿಸುತ್ತಿರುವ ಅನುಷ್ಕಾ ಶರ್ಮಾ ಮತ್ತು ಪ್ರೈಮ್ ವಿಡಿಯೋಸ್‌ಗೆ ನಾಚಿಕೆಯಾಗಬೇಕು' ಎಂದು ಹೇಳಿದ್ದಾರೆ.

ಅನುಷ್ಕಾ ಶರ್ಮಾ ನಿರ್ಮಾಣದ ವೆಬ್ ಸೀರೀಸ್ ವಿರುದ್ಧ ನ್ಯಾಯಾಲಯಕ್ಕೆ ಅರ್ಜಿ

ಹಲವು ವಿವಾದಗಳಲ್ಲಿ ವೆಬ್ ಸೀರೀಸ್

ಅನುಷ್ಕಾ ಶರ್ಮಾ ನಿರ್ಮಾಣದ ಈ ವೆಬ್ ಸೀರೀಸ್ ಆರಂಭವಾದ ಸಂದರ್ಭದಿಂದಲೂ ಅನೇಕ ವಿವಾದಗಳಲ್ಲಿ ಸಿಲುಕಿದೆ. ದೇವರ ಚಿತ್ರದ ಎದುರು ಗೋಮಾಂಸ ಭಕ್ಷಿಸುವುದು, ಹಿಂದೂ ಫೋಬಿಯಾಕ್ಕೆ ಪ್ರಚೋದನೆ ನೀಡುವುದು, ದಲಿತರ ಹತ್ಯೆ ಮತ್ತು ಜನಾಂಗೀಯ ದ್ವೇಷದಂತಹ ಸೂಕ್ಷ್ಮ ಸಂಗತಿಗಳನ್ನು ವೈಭವೀಕರಿಸಿರುವುದು ಆಕ್ರೋಶಕ್ಕೆ ಕಾರಣವಾಗಿದೆ.