ಥಿಯೇಟರ್‌ ಬಿಡುಗಡೆಯಿಂದ ಹಿಂದೆ ಸರಿದ ವೆಂಕಟೇಶ್ ದೃಶ್ಯಂ-2

ಅಧಿಕೃತವಾಗಿ ಪ್ರಕಟವಾಗಿಲ್ಲ

ಅಮೇಜಾನ್ ಜೊತೆ ಅಂತಿಮ ಹಂತದ ಮಾತುಕತೆ ಮಾಡುತ್ತಿರುವ ದೃಶ್ಯಂ 2 ಸಿನಿಮಾ ಉತ್ತಮ ಬೆಲೆಗೆ ಬೇಡಿಕೆಯಿಟ್ಟಿದೆ. ಅದಕ್ಕೆ ತಕ್ಕಂತೆ ಅಮೇಜಾನ್ ಸಹ ಪ್ರತಿಕ್ರಿಯಿಸುವ ಸಾಧ್ಯತೆ ಹೆಚ್ಚಿರುವ ಕಾರಣ ಒಟಿಟಿ ಬಿಡುಗಡೆ ಪಕ್ಕಾ ಎನ್ನಲಾಗಿದೆ. ಆದರೆ, ಈವರೆಗೂ ದೃಶ್ಯಂ 2 ಚಿತ್ರ ರಿಲೀಸ್ ಕುರಿತು ಅಧಿಕೃತ ಪ್ರಕಟಣೆ ಸಿಕ್ಕಿಲ್ಲ.

ವೆಂಕಟೇಶ್-ಮೀನಾ ಜೋಡಿ

ಅಂದ್ಹಾಗೆ, 2013ರಲ್ಲಿ ದೃಶ್ಯಂ ಸಿನಿಮಾ ಮೂಲ ಭಾಷೆ ಮಲಯಾಳಂನಲ್ಲಿ ಬಿಡುಗಡೆಯಾಗಿತ್ತು. ನಂತರ ಅದೇ ಸಿನಿಮಾ ತೆಲುಗು, ತಮಿಳು, ಕನ್ನಡ ಹಾಗೂ ಹಿಂದಿಯಲ್ಲಿ ರಿಮೇಕ್ ಆಗಿತ್ತು. ಈಗ ದೃಶ್ಯಂ 2 ಸಿನಿಮಾನೂ ಹಿಟ್ ಆಗಿದೆ. ಈ ಚಿತ್ರವನ್ನು ಸಹ ತೆಲುಗು, ತಮಿಳು, ಕನ್ನಡ ಹಾಗೂ ಹಿಂದಿಯಲ್ಲಿ ತಯಾರಾಗುವಂತೆ ಮಾಡುತ್ತಿದ್ದಾರೆ. ತೆಲುಗಿನಲ್ಲಿ ವೆಂಕಟೇಶ್, ಮೀನಾ, ಕೃತಿಕಾ, ಎಸ್ತರ್ ಅನಿಲ್, ಸಂಪತ್ ರಾಜ್, ನಾದಿಯಾ, ನರೇಶ್ ಮತ್ತು ಪೂರ್ಣ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಮೂಲ ಚಿತ್ರ ನಿರ್ದೇಶಿಸಿದ್ದ ಜಿತು ಜೋಸೆಫ್ ಅವರೇ ಈ ಚಿತ್ರಕ್ಕೂ ಆಕ್ಷನ್ ಕಟ್ ಹೇಳಿದ್ದಾರೆ.

ಚಿತ್ರೀಕರಣ ಮುಗಿಸಿದ 'ದೃಶ್ಯ 2': ರಾಜೇಂದ್ರ ಪೊನ್ನಪ್ಪ ಹೇಳಿದ್ದೇನು?

ಕನ್ನಡದಲ್ಲಿ ರವಿಚಂದ್ರನ್ ದೃಶ್ಯಂ 2

ಮೋಹನ್ ಲಾಲ್ ನಟಿಸಿರುವ ದೃಶ್ಯಂ 2 ಸಿನಿಮಾವನ್ನು ಕನ್ನಡದಲ್ಲಿ ಕ್ರೇಜಿಸ್ಟಾರ್ ರವಿಚಂದ್ರನ್ ಮಾಡ್ತಿದ್ದಾರೆ. ಈ ಹಿಂದೆ 2014ರಲ್ಲಿ ದೃಶ್ಯಂ ಸಿನಿಮಾವನ್ನು ರವಿಚಂದ್ರನ್ ಅವರೇ ಮಾಡಿ ಯಶಸ್ಸು ಕಂಡಿದ್ದರು. ಪಿ ವಾಸು ನಿರ್ದೇಶಿಸಿದ್ದರು. ಈಗ ಅದೇ ಕಾಂಬಿನೇಷನ್‌ನಲ್ಲಿ ಸಿಕ್ವೆಲ್ ಚಿತ್ರ ತಯಾರಾಗಿದೆ. ಅದಾಗಲೇ ಮುಂದುವರಿದ ಭಾಗದ ಚಿತ್ರೀಕರಣ ಪೂರ್ಣವಾಗಿ ಮುಗಿದಿದೆ. ಚಿತ್ರಮಂದಿರಗಳು 100% ತೆರೆಯಲಿ, ಆಮೇಲೆ ರಿಲೀಸ್ ದಿನಾಂಕ ಪ್ರಕಟಿಸುವ ಯೋಜನೆ ಇತ್ತು. ರವಿಚಂದ್ರನ್ ಜೊತೆಯಲ್ಲಿ ನವ್ಯ ನಾಯರ್, ಅಚ್ಯುತ್ ರಾವ್, ಶಿವಾಜಿ ಪ್ರಭು ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ.

'ರಾಣಾ ನಾಯ್ಡು' ವೆಬ್‌ ಸಿರೀಸ್‌ನಲ್ಲಿ ವೆಂಕಿ

ವೆಂಕಟೇಶ್ ಮತ್ತು ರಾಣಾ ದಗ್ಗುಬಾಟಿ ನೆಟ್‌ಫ್ಲಿಕ್ಸ್ ಪ್ರಸ್ತುತಪಡಿಸುವ 'ರಾಣಾ ನಾಯ್ಡು' ಎನ್ನುವ ವೆಬ್ ಸಿರೀಸ್‌ನಲ್ಲಿ ನಟಿಸುತ್ತಿದ್ದಾರೆ. ಇದು ಅಮೆರಿಕದ ಜನಪ್ರಿಯ ವೆಬ್ ಸಿರೀಸ್ 'ರೇ ಡೊನೊವನ್'ನ ರಿಮೇಕ್ ಆಗಿದೆ. ಇದು ಲಾಸ್ ಏಂಜಲೀಸ್‌ನ ಶ್ರೀಮಂತ ಮತ್ತು ಪ್ರಭಾವಶಾಲಿ ಕುಟುಂಬಗಳ ಸಮಸ್ಯೆಗಳನ್ನು ಪರಿಹರಿಸುವ ವ್ಯಕ್ತಿಯ ಕಥೆಯನ್ನು ಒಳಗೊಂಡಿದೆ. ರೇ ಡೊನೊವನ್ ಪಾತ್ರ ಭಾರತದಲ್ಲಿ ರಾಣಾ ನಾಯ್ಡು ಆಗಿದೆ.