ಅಮೆಜಾನ್ ಪ್ರೈಂನಲ್ಲಿ ಅತಿ ಹೆಚ್ಚು ಜನ ನೋಡಿದ ಕನ್ನಡ ಸಿನಿಮಾ ಇದು

ಫ್ರೆಂಚ್ ಬಿರಿಯಾನಿ ಸಿನಿಮಾವನ್ನು ಹೆಚ್ಚು ಮಂದಿ ನೋಡಿದ್ದಾರೆ

ಪುನೀತ್ ರಾಜ್‌ಕುಮಾರ್ ನಿರ್ಮಿಸಿರುವ, ಪಿಆರ್‌ಕೆ ಪ್ರೊಡಕ್ಷನ್‌ನ 'ಫ್ರೆಂಚ್ ಬಿರಿಯಾನಿ' ಅತಿ ಹೆಚ್ಚು ಮಂದಿಯಿಂದ ನೋಡಲ್ಪಟ್ಟ ಕನ್ನಡ ಸಿನಿಮಾ ಅಂತೆ. ಫ್ರೆಂಚ್ ಬಿರಿಯಾನಿಯಷ್ಟು ಇನ್ನಾವ ಕನ್ನಡ ಸಿನಿಮಾವನ್ನೂ ಸಹ ಅಮೆಜಾನ್‌ನಲ್ಲಿ ನೋಡಿಲ್ಲವಂತೆ.

'ಲಾ' ಸಿನಿಮಾಗಿಂತಲೂ ಹೆಚ್ಚು ಮಂದಿ ನೋಡಿದ್ದಾರೆ'

ಹೀಗೆಂದು ಚಿತ್ರತಂಡ ಸಂದರ್ಶನವೊಂದರಲ್ಲಿ ಮಾಹಿತಿ ಹಂಚಿಕೊಂಡಿದೆ. ಪಿಆರ್‌ಕೆ ಪ್ರೊಡಕ್ಷನ್‌ನ 'ಲಾ' ಸಿನಿಮಾಗಿಂತಲೂ ಹೆಚ್ಚು ಮಂದಿ 'ಫ್ರೆಂಚ್ ಬಿರಿಯಾನಿ' ಸಿನಿಮಾವನ್ನು ನೋಡಿದ್ದಾರಂತೆ. ಕನ್ನಡದ 'ಲವ್ ಮಾಕ್ಟೆಲ್, ದಿಯಾಗಿಂತಲೂ ಹೆಚ್ಚಿನ ಜನ ಫ್ರೆಂಚ್ ಬಿರಿಯಾನಿ ನೋಡಿದ್ದಾರೆ.

ಲವ್ ಮಾಕ್ಟೆಲ್, ದಿಯಾ ಸಿನಿಮಾಗಳು ಹಿಟ್ ಆಗಿದ್ದವು

ಕೊರೊನಾ ಲಾಕ್‌ಡೌನ್ ನಂತರ ಅಮೆಜಾನ್ ಪ್ರೈಂ ನಲ್ಲಿ ಮೊದಲಿಗೆ ಹಿಟ್ ಆದ ಕನ್ನಡ ಸಿನಿಮಾಗಳೆಂದರೆ ಲವ್ ಮಾಕ್ಟೆಲ್ ಮತ್ತು ದಿಯಾ ಸಿನಿಮಾ. ಈ ಎರಡೂ ಸಿನಿಮಾಗಳು ಚಿತ್ರಮಂದಿರಗಳಲ್ಲಿ ಮಾಡಿದ್ದ ಸದ್ದಿಗಿಂತಲೂ ಹೆಚ್ಚು ಸದ್ದು ಒಟಿಟಿಯಲ್ಲಿ ಮಾಡಿದವು.

ಪಿಆರ್‌ಕೆ ಮುಂದಿನ ಸಿನಿಮಾ ಓ2

ಆದರೆ ದಾನಿಶ್ ಸೇಠ್, ರಂಗಾಯಣ ರಘು ನಟನೆಯ ಫ್ರೆಂಚ್ ಬಿರಿಯಾನಿ ಸಿನಿಮಾ ಎಲ್ಲಾ ದಾಖಲೆಗಳನ್ನು ಮುರಿದು, ಒಟಿಟಿಯಲ್ಲಿ ನಂಬರ್ 1 ಕನ್ನಡ ಸಿನಿಮಾ ಆಗಿದೆ. ಪಿಆರ್‌ಕೆ ಪ್ರೊಡಕ್ಷನ್ 'ಓ2' ಎಂಬ ಹೊಸ ಥ್ರಿಲ್ಲರ್ ಸಿನಿಮಾ ನಿರ್ಮಿಸುತ್ತಿದ್ದು, ಅದನ್ನೂ ಸಹ ಒಟಿಟಿಯಲ್ಲಿ ಬಿಡುಗಡೆ ಮಾಡುವ ಸಾಧ್ಯತೆ ಇದೆ.