Don't Miss!
- News ಬೆಂಗಳೂರು ಗ್ರಾಮಾಂತರ ಕ್ಷೇತ್ರವನ್ನೇ ಗುರಿಯಾಗಿಸಿ ಐಟಿ ದಾಳಿ : ಡಿ ಕೆ ಶಿವಕುಮಾರ್ ಏನಂದ್ರು?
- Technology Poco: ವಿಶೇಷ ಟ್ಯಾಬ್ಲೆಟ್ ಲಾಂಚ್ ಮಾಡಲು ಸಿದ್ಧವಾಗ್ತಿದೆ ಪೊಕೊ! ಸಖತ್ ಸ್ಟೈಲಿಶ್..
- Lifestyle ರುಚಿ ರುಚಿಯ ಸ್ಪೆಷಲ್ ಅಂಬೂರ್ ಬಿರಿಯಾನಿ ಮಾಡಿ ನೋಡಿ..! ಇಲ್ಲಿದೆ ರೆಸಿಪಿ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Automobiles ಪ್ರಸಿದ್ಧ ಪುಣ್ಯಕ್ಷೇತ್ರ ಶೃಂಗೇರಿ ಶಾರದಾಂಬಾ ದರ್ಶನಕ್ಕೆ ತೆರಳಬೇಕೇ.. ಹಾಗಾದರೆ ಈ ಸ್ಟೋರಿ ನೋಡಿ
- Sports IPL 2024: ಎಸ್ಆರ್ಹೆಚ್ ಸಂಘಟಿತ ಆಟಕ್ಕೆ ಬ್ರೇಕ್ ಹಾಕಲು ಆರ್ಸಿಬಿ ಏನು ಮಾಡಬೇಕು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ವೆಬ್ ಸರಣಿ ಆಗುತ್ತಿದೆ ದೇಶದ ಎಕಾನಮಿ ಅಲುಗಿಸಿದ್ದ ಸ್ಕ್ಯಾಮ್: ತೆಲಗಿ ಪಾತ್ರಕ್ಕೆ ನಟ ಆಯ್ಕೆ
ದೇಶದ ಎಕಾನಮಿಯನ್ನೇ ಅಲುಗಿಸಿದ್ದ ಚಾಪಾ ಕಾಗದ ಹಗರಣ ವೆಬ್ ಸರಣಿ ರೂಪದಲ್ಲಿ ತೆರೆಗೆ ಬರುತ್ತಿದೆ. ಕರ್ನಾಟಕವೇ ಮೂಲವಾಗಿದ್ದ ಈ ಹಗರಣದ ಸೂತ್ರಧಾರಿ ಅಬ್ದುಲ್ ಕರೀಂ ತೆಲಗಿ ಪಾತ್ರಕ್ಕೆ ನಟನ ಆಯ್ಕೆಯೂ ಆಗಿದೆ.
ಲಕ್ಷ ಕೋಟಿಗೂ ದೊಡ್ಡ ಛಾಪಾ ಕಾಗದ ಹಗರಣದ ರೂವಾರಿ ಅಬ್ದುಲ್ ಕರೀಂ ತೆಲಗಿ ಕುರಿತಂತೆ ವೆಬ್ ಸರಣಿ ನಿರ್ಮಾಣವಾಗುತ್ತಿತ್ತು, ತೆಲಗಿ ಪಾತ್ರಕ್ಕೆ ಗಗನ್ ದೇವ್ ರಾಯರ್ ಅನ್ನು ಆಯ್ಕೆ ಮಾಡಲಾಗಿದೆ.
ಮತ್ತೆ ಬರುತ್ತಿದೆ 'ಸ್ಕ್ಯಾಮ್': ಈ ಬಾರಿ ತೆಲಗಿ ಕರ್ಮಕಾಂಡ
ಈ ಹಿಂದೆ 'ಸ್ಕ್ಯಾಮ್ 1992' ವೆಬ್ ಸರಣಿ ನಿರ್ದೇಶಿಸಿ ದೊಡ್ಡ ಖ್ಯಾತಿ ಗಳಿಸಿದ್ದ ಹನ್ಸಲ್ ಮೆಹ್ತಾ ಮತ್ತು ತಂಡವೇ ಈಗ 'ಸ್ಕ್ಯಾಮ್ 2003' ಹೆಸರಿನಲ್ಲಿ ಕರೀಂ ತೆಲಗಿಯ ಜೀವನ, ಛಾಪಾ ಕಾಗದ ಹಗರಣವನ್ನು ತೆರೆಗೆ ತರುತ್ತಿದೆ.
ಈ ಕುರಿತ ಸಣ್ಣ ಟೀಸರ್ ಒಂದನ್ನು ಬಿಡುಗಡೆ ಮಾಡಲಾಗಿದ್ದು, ಟೀಸರ್ನಲ್ಲಿ ತೆಲಗಿ ಪಾತ್ರದಲ್ಲಿ ನಟಿಸಲಿರುವ ಗಗನ್ ದೇವ್ ರಾಯರ್ ಅನ್ನು ಪರಿಚಯಿಸಲಾಗುತ್ತಿದೆ. ಗಗನ್ ದೇವ್ ರಾಯರ್ ಚಿತ್ರ ನೋಡಿದ ನೆಟ್ಟಿಗರು ಕರೀಂ ತೆಲಗಿಯನ್ನೇ ಹೋಲುವ ನಟನನ್ನು ಅರಸಿ ತಂದಿದ್ದಾರೆ ಹನ್ಸಲ್ ಮೆಹ್ತಾ ಎಂದಿದ್ದಾರೆ.
ಗಗನ್ ದೇವ್ ಈ ಹಿಂದೆ 'ಸೋಂಚರಿಯಾ', 'ಎ ಸೂಟೆಬಲ್ ಬಾಯ್', ಇನ್ನೂ ಕೆಲವು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಗಗನ್ ದೇವ್ ಅವರನ್ನು ತೆಲಗಿ ಪಾತ್ರಕ್ಕೆ ಆಯ್ಕೆ ಮಾಡಿರುವುದಕ್ಕೆ ಹಲವು ನೆಟ್ಟಿಗರು ಸಂತಸ ವ್ಯಕ್ತಪಡಿಸಿದ್ದಾರೆ. 'ಕೊನೆಗೂ ಅದ್ಭುತ ನಟ ಗಗನ್ ಸಲ್ಲಬೇಕಾದ ಗೌರವ ಈ ವೆಬ್ ಸರಣಿ ಮೂಲಕ ಸಲ್ಲಲಿದೆ'' ಎಂದಿದ್ದಾರೆ ಒಬ್ಬರು. ''ತೆಲಗಿಯಂತೆಯೇ ಕಾಣುವ ಹಾಗೂ ಅದ್ಭುತವಾಗಿ ನಟನೆಯನ್ನೂ ಮಾಡಬಲ್ಲ ನಟನನ್ನು ಹುಡುಕಿ ತಂದಿದ್ದಾರೆ. ವೆಬ್ ಸರಣಿ ನೋಡಲು ಕಾತರ ದುಪ್ಪಟ್ಟಾಗಿದೆ'' ಎಂದು ಕಮೆಂಟ್ ಮಾಡಿದ್ದಾರೆ ಮತ್ತೊಬ್ಬ ನೆಟ್ಟಿಗ.
ದೇಶ ಕಂಡ ಬೃಹತ್ ಹಗರಣದ ರೂವಾರಿ ಕರೀಂ ಲಾಲ್ ತೆಲಗಿ. ನಕಲಿ ಛಾಪಾ ಕಾಗದದಿಂದ ಲಕ್ಷಾಂತರ ಕೋಟಿಗಳನ್ನು ತೆಲಗಿ ಗಳಿಸಿದ್ದ. ಡ್ಯಾನ್ಸ್ ಬಾರ್ಗಳಿಗೆ ಹೋಗುವ ಚಟ ಹೊಂದಿದ್ದ ತೆಲಗಿ, ಮುಂಬೈನ ಗ್ರ್ಯಾಂಟ್ ರೋಡ್ನ ಟೊಪಾಜ್ ಬಾರ್ನಲ್ಲಿ ಒಂದೇ ರಾತ್ರಿಗೆ ಆಗಿನ ಕಾಲಕ್ಕೆ 90 ಲಕ್ಷ ರುಪಾಯಿಯನ್ನು ಬಾರ್ ಡ್ಯಾನ್ಸರ್ಗಳ ಮೇಲೆ ಸುರಿದಿದ್ದನಂತೆ!
2001ರಲ್ಲಿ ಬಂಧನಕ್ಕೆ ಒಳಗಾಗಿದ್ದ ತೆಲಗಿ ಬೆಂಗಳೂರಿನ ವಿಕ್ಟೋರಿಯಾ ಆಸ್ಪತ್ರೆಯಲ್ಲಿ 2017ರಲ್ಲಿ ನಿಧನ ಹೊಂದಿದ.