'ರಾಧೆ' ಮೇಲೆ ಭಾರಿ ಬಂಡವಾಳ ಹೂಡಿದ್ದ ಜೀ ಗಳಿಸಿದ್ದೆಷ್ಟು?

ಒಂದೇ ದಿನದಲ್ಲಿ 105 ಕೋಟಿ ಗಳಿಸಿದ್ದ ಸಿನಿಮಾ

ಜೀ5 ನಲ್ಲಿ 'ರಾಧೆ' ಸಿನಿಮಾವು ಮೇ 13 ರಂದು ಬಿಡುಗಡೆ ಆಯಿತು. ಆ ಒಂದೇ ದಿನ ಜೀ ಒಟಿಟಿ ಒಂದರಲ್ಲೇ ಸುಮಾರು 42 ಲಕ್ಷ ಸಿನಿಮಾ ನೋಡಿದ್ದಾರೆ. ಅಲ್ಲಿಗೆ ರಾಧೆ ಸಿನಿಮಾವು ಒಂದು ದಿನದಲ್ಲಿ ಒಟಿಟಿ ಮೂಲಕ ಗಳಿಸಿರುವ ಮೊತ್ತ ಬರೋಬ್ಬರಿ 105 ಕೋಟಿ ರು. 'ರಾಧೆ' ಸಿನಿಮಾವನ್ನು ಉಚಿತವಾಗಿ ನೋಡುವ ನೆಪದಲ್ಲಿ ಜೀ5 ನ ವಾರ್ಷಿದ ಚಂದಾದಾರಾರಾದವರ ಸಂಖ್ಯೆ ಇದರಲ್ಲಿ ಸೇರಿಲ್ಲ.

ಮೂರು ದಿನದಲ್ಲಿ 200 ಕೋಟಿ ಗಳಿಸಿದ ಜೀ

ಎರಡನೇ ದಿನ ಒಟಿಟಿಯಲ್ಲಿ 20 ಲಕ್ಷ ಜನ ಹಾಗೂ ಮೂರನೇಯ ದಿನ ಮತ್ತೆ ಸುಮಾರು 20 ಲಕ್ಷ ಜನ 'ರಾಧೆ' ಸಿನಿಮಾವನ್ನು ಹಣ ನೀಡಿ ನೋಡಿದ್ದಾರೆ. ಅಲ್ಲಿಗೆ ಕೇವಲ ಮೂರು ದಿನಕ್ಕೆ ಸಲ್ಮಾನ್ ಸಿನಿಮಾ ಜೀಗೆ 210 ಕೋಟಿ ಹಣ ತಂದುಕೊಟ್ಟಿದೆ.

ಭಾರಿ ಲಾಭವನ್ನೇ ಗಳಿಸಲಿದೆ ಜೀ ಸಮೂಹ

'ರಾಧೆ' ಸಿನಿಮಾ ಮೇಲೆ ಜೀ ಸಮೂಹ ಹೂಡಿದ್ದ ಬಂಡವಾಳ ಕೇವಲ ಒಟಿಟಿ ಒಂದರಿಂದಲೇ ವಾಪಸ್‌ ಬಂದಿದೆ. 'ರಾಧೆ' ಸಿನಿಮಾದ ಸ್ಯಾಟಲೈಟ್ ಹಕ್ಕು ಸಹ ಜೀ ಬಳಿಯೇ ಇದ್ದು ಅದರಿಂದ ನೂರಾರು ಕೋಟಿ ರು ಲಾಭವನ್ನು ಪಡೆಯಲಿದೆ ಜೀ. ಅಲ್ಲಿಗೆ 'ರಾಧೆ' ದೊಡ್ಡ ಲಾಭವನ್ನೇ ಜೀಗೆ ತಂದು ಕೊಡುತ್ತಿದೆ.

ಚಿತ್ರಮಂದಿರಗಳಲ್ಲಿ ಬಿಡುಗಡೆ ಆಗಲಿದೆ 'ರಾಧೆ'

'ರಾಧೆ' ಸಿನಿಮಾವು ವಿದೇಶಗಳಲ್ಲಿ ಈವರೆಗೆ 14 ಕೋಟಿ ಸಂಗ್ರಹ ಮಾಡಿದೆ ಎನ್ನಲಾಗುತ್ತಿದೆ. 'ರಾಧೆ' ಸಿನಿಮಾದ ಚಿತ್ರಮಂದಿರಗಳಲ್ಲಿ ಬಿಡುಗಡೆ ಹಕ್ಕು ಸಲ್ಮಾನ್ ಖಾನ್ ರ ನಿರ್ಮಾಣ ಸಂಸ್ಥೆಯ ಬಳಿಯೇ ಇದೆ ಎನ್ನಲಾಗುತ್ತಿದೆ. ಲಾಕ್‌ಡೌನ್ ಅಂತ್ಯವಾಗಿ ಚಿತ್ರಮಂದಿರಗಳು ತೆರೆದಾಗ 'ರಾಧೆ' ಚಿತ್ರಮಂದಿರಗಳಲ್ಲಿ ಬಿಡುಗಡೆ ಆಗಲಿದೆ.

Recommended Video

Kirik Party ಅನುಭವವನ್ನು‌ ಮತ್ತೆ ಫೀಲ್‌ ಮಾಡೋಕೆ ಇಷ್ಟ ಇಲ್ಲ | Filmibeat Kannada

ಸಲ್ಮಾನ್ ನಟಿಸಿರುವ ಎರಡನೇ ಕಳಪೆ ಸಿನಿಮಾ 'ರಾಧೆ'

'ರಾಧೆ' ಸಿನಿಮಾವನ್ನು ಪ್ರಭುದೇವಾ ನಿರ್ದೇಶನ ಮಾಡಿದ್ದಾರೆ. ನಾಯಕಿಯಾಗಿ ದಿಶಾ ಪಟಾನಿ ನಟಿಸಿದ್ದಾರೆ. ವಿಲನ್ ಆಗಿ ರಣದೀಪ್ ಹೂಡಾ ನಟಿಸಿದ್ದಾರೆ. ಸಿನಿಮಾ ಚೆನ್ನಾಗಿಲ್ಲ ಎಂಬ ಮಾತುಗಳು ಸಾಮಾಜಿಕ ಜಾಲತಾಣದಲ್ಲಿ ಕೇಳಿಬಂದಿದೆ. ಐಎಂಡಿಬಿ ಪ್ರಕಾರ 'ರಾಧೆ' ಸಲ್ಮಾನ್‌ರ ಈವರೆಗಿನ ಎರಡನೇ ಅತ್ಯಂತ ಕಳಪೆ ಸಿನಿಮಾ ಆಗಿದೆ.