Don't Miss!
- Sports DC vs GT IPL 2024: ಅಕ್ಷರ್, ರಿಷಭ್ ಶೈನಿಂಗ್; ಗುಜರಾತ್ ವಿರುದ್ಧ ಡೆಲ್ಲಿ ಜಯಭೇರಿ
- News ದ್ವೇಷ ಉತ್ತೇಜಿಸುವ ಪೋಸ್ಟ್: ಕರ್ನಾಟಕ ಬಿಜೆಪಿ ವಿರುದ್ಧ ದೂರು ದಾಖಲಿಸಿದ ಚುನಾವಣಾ ಆಯೋಗ
- Technology ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್!
- Lifestyle 613 ದಿನ ಕೊರೊನಾ ವಿರುದ್ಧ ಹೋರಾಡಿ ವೃತಪಟ್ಟ ವ್ಯಕ್ತಿ..!
- Automobiles ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ರಾಧೆ' ಮೇಲೆ ಭಾರಿ ಬಂಡವಾಳ ಹೂಡಿದ್ದ ಜೀ ಗಳಿಸಿದ್ದೆಷ್ಟು?
ಸಲ್ಮಾನ್ ಖಾನ್ ನಟಿಸಿರುವ 'ರಾಧೆ' ಸಿನಿಮಾವು ಮೇ 13 ರಂದು ಜೀ5 ಒಟಿಟಿಯಲ್ಲಿ 'ಪೇ ಪರ್ ವ್ಯೂವ್' ಮಾದರಿಯಲ್ಲಿ ಬಿಡುಗಡೆ ಆಯಿತು. ಜೊತೆಗೆ ಚಿತ್ರಮಂದಿರಗಳು ತೆರೆದಿರುವ ರಾಜ್ಯಗಳಲ್ಲಿ ಹಾಗೂ ಹೊರ ದೇಶಗಳಲ್ಲಿಯೂ ಬಿಡುಗಡೆ ಆಗಿತ್ತು.
ಜೀ ಸಮೂಹವು 'ರಾಧೆ' ಸಿನಿಮಾದ ಮೇಲೆ ಭಾರಿ ದೊಡ್ಡ ಬಂಡವಾಳವನ್ನೇ ಹೂಡಿದೆ. 230 ಕೋಟಿ ರೂಪಾಯಿಗೆ 'ರಾಧೆ' ಸಿನಿಮಾದ ಹಕ್ಕುಗಳನ್ನು ಜೀ ಸಮೂಹ ಖರೀದಿಸಿದೆ. ಈವರೆಗೆ ಭಾರತದ ಸಿನಿಮಾವೊಂದಕ್ಕೆ ಒಟಿಟಿಯಿಂದ ನೀಡಲಾದ ಅತಿ ದೊಡ್ಡ ಮೊತ್ತ ಎಂಬ ದಾಖಲೆಗೂ 'ರಾಧೆ' ಹೆಸರಿಗೆ ಸೇರಿಕೊಂಡಿದೆ.
ಆದರೆ 'ರಾಧೆ' ಸಿನಿಮಾದ ಬಗ್ಗೆ ಬಹಳ ಕೆಟ್ಟ ವಿಮರ್ಶೆಗಳು ಹೊರಬಿದ್ದಿವೆ. ಸಿನಿಮಾ ಬಹಳ ಕೆಟ್ಟದಾಗಿದೆ ಎಂದು ಹಲವರು ಸಾಮಾಜಿಕ ಜಾಲತಾಣದಲ್ಲಿ ಹೇಳಿದ್ದಾರೆ. ಹಾಗಿದ್ದರೆ ಜೀ ಹಾಕಿದ ಭಾರಿ ಬಂಡವಾಳ ವಾಪಸ್ಸಾಯಿತೆ. ಸಿನಿಮಾದಿಂದ ನಷ್ಟವಾಯಿತೆ ಅಥವಾ ಲಾಭ ಗಳಿಸಿತೆ?
'ರಾಧೆ' ಸಿನಿಮಾವನ್ನು 'ಪೇ ಪರ್ ವ್ಯೂವ್' ಮಾದರಿಯಲ್ಲಿ ಬಿಡುಗಡೆ ಮಾಡಲಾಗಿತ್ತು. ಅಂದರೆ ಜೀ 5, ಟಾಟಾ ಸ್ಕೈ ಹಾಗೂ ಇತರೆ ಮಾಧ್ಯಮಗಳ ಮೂಲಕ 250 ರು. ನೀಡಿ 'ರಾಧೆ' ಸಿನಿಮಾವನ್ನು ನೋಡುವ ಅವಕಾಶ ನೀಡಲಾಗಿತ್ತು. ಜೀ5 ನ ವಾರ್ಷಿಕ ಚಂದಾದಾರರಾದರೆ ಮಾತ್ರ ಸಿನಿಮಾಕ್ಕೆ ಹೆಚ್ಚಿನ ಹಣ ಕೊಡಬೇಕಿರಲಿಲ್ಲ. 250 ನೀಡಿದರೆ ಕುಟುಂಬವೆಲ್ಲ ಒಟ್ಟಿಗೆ ಕೂತು ಸಿನಿಮಾ ನೋಡಬಹುದಾಗಿತ್ತು.
ಒಂದೇ ದಿನದಲ್ಲಿ 105 ಕೋಟಿ ಗಳಿಸಿದ್ದ ಸಿನಿಮಾ
ಜೀ5 ನಲ್ಲಿ 'ರಾಧೆ' ಸಿನಿಮಾವು ಮೇ 13 ರಂದು ಬಿಡುಗಡೆ ಆಯಿತು. ಆ ಒಂದೇ ದಿನ ಜೀ ಒಟಿಟಿ ಒಂದರಲ್ಲೇ ಸುಮಾರು 42 ಲಕ್ಷ ಸಿನಿಮಾ ನೋಡಿದ್ದಾರೆ. ಅಲ್ಲಿಗೆ ರಾಧೆ ಸಿನಿಮಾವು ಒಂದು ದಿನದಲ್ಲಿ ಒಟಿಟಿ ಮೂಲಕ ಗಳಿಸಿರುವ ಮೊತ್ತ ಬರೋಬ್ಬರಿ 105 ಕೋಟಿ ರು. 'ರಾಧೆ' ಸಿನಿಮಾವನ್ನು ಉಚಿತವಾಗಿ ನೋಡುವ ನೆಪದಲ್ಲಿ ಜೀ5 ನ ವಾರ್ಷಿದ ಚಂದಾದಾರಾರಾದವರ ಸಂಖ್ಯೆ ಇದರಲ್ಲಿ ಸೇರಿಲ್ಲ.
ಮೂರು ದಿನದಲ್ಲಿ 200 ಕೋಟಿ ಗಳಿಸಿದ ಜೀ
ಎರಡನೇ ದಿನ ಒಟಿಟಿಯಲ್ಲಿ 20 ಲಕ್ಷ ಜನ ಹಾಗೂ ಮೂರನೇಯ ದಿನ ಮತ್ತೆ ಸುಮಾರು 20 ಲಕ್ಷ ಜನ 'ರಾಧೆ' ಸಿನಿಮಾವನ್ನು ಹಣ ನೀಡಿ ನೋಡಿದ್ದಾರೆ. ಅಲ್ಲಿಗೆ ಕೇವಲ ಮೂರು ದಿನಕ್ಕೆ ಸಲ್ಮಾನ್ ಸಿನಿಮಾ ಜೀಗೆ 210 ಕೋಟಿ ಹಣ ತಂದುಕೊಟ್ಟಿದೆ.
ಭಾರಿ ಲಾಭವನ್ನೇ ಗಳಿಸಲಿದೆ ಜೀ ಸಮೂಹ
'ರಾಧೆ' ಸಿನಿಮಾ ಮೇಲೆ ಜೀ ಸಮೂಹ ಹೂಡಿದ್ದ ಬಂಡವಾಳ ಕೇವಲ ಒಟಿಟಿ ಒಂದರಿಂದಲೇ ವಾಪಸ್ ಬಂದಿದೆ. 'ರಾಧೆ' ಸಿನಿಮಾದ ಸ್ಯಾಟಲೈಟ್ ಹಕ್ಕು ಸಹ ಜೀ ಬಳಿಯೇ ಇದ್ದು ಅದರಿಂದ ನೂರಾರು ಕೋಟಿ ರು ಲಾಭವನ್ನು ಪಡೆಯಲಿದೆ ಜೀ. ಅಲ್ಲಿಗೆ 'ರಾಧೆ' ದೊಡ್ಡ ಲಾಭವನ್ನೇ ಜೀಗೆ ತಂದು ಕೊಡುತ್ತಿದೆ.
ಚಿತ್ರಮಂದಿರಗಳಲ್ಲಿ ಬಿಡುಗಡೆ ಆಗಲಿದೆ 'ರಾಧೆ'
'ರಾಧೆ' ಸಿನಿಮಾವು ವಿದೇಶಗಳಲ್ಲಿ ಈವರೆಗೆ 14 ಕೋಟಿ ಸಂಗ್ರಹ ಮಾಡಿದೆ ಎನ್ನಲಾಗುತ್ತಿದೆ. 'ರಾಧೆ' ಸಿನಿಮಾದ ಚಿತ್ರಮಂದಿರಗಳಲ್ಲಿ ಬಿಡುಗಡೆ ಹಕ್ಕು ಸಲ್ಮಾನ್ ಖಾನ್ ರ ನಿರ್ಮಾಣ ಸಂಸ್ಥೆಯ ಬಳಿಯೇ ಇದೆ ಎನ್ನಲಾಗುತ್ತಿದೆ. ಲಾಕ್ಡೌನ್ ಅಂತ್ಯವಾಗಿ ಚಿತ್ರಮಂದಿರಗಳು ತೆರೆದಾಗ 'ರಾಧೆ' ಚಿತ್ರಮಂದಿರಗಳಲ್ಲಿ ಬಿಡುಗಡೆ ಆಗಲಿದೆ.
Recommended Video
ಸಲ್ಮಾನ್ ನಟಿಸಿರುವ ಎರಡನೇ ಕಳಪೆ ಸಿನಿಮಾ 'ರಾಧೆ'
'ರಾಧೆ' ಸಿನಿಮಾವನ್ನು ಪ್ರಭುದೇವಾ ನಿರ್ದೇಶನ ಮಾಡಿದ್ದಾರೆ. ನಾಯಕಿಯಾಗಿ ದಿಶಾ ಪಟಾನಿ ನಟಿಸಿದ್ದಾರೆ. ವಿಲನ್ ಆಗಿ ರಣದೀಪ್ ಹೂಡಾ ನಟಿಸಿದ್ದಾರೆ. ಸಿನಿಮಾ ಚೆನ್ನಾಗಿಲ್ಲ ಎಂಬ ಮಾತುಗಳು ಸಾಮಾಜಿಕ ಜಾಲತಾಣದಲ್ಲಿ ಕೇಳಿಬಂದಿದೆ. ಐಎಂಡಿಬಿ ಪ್ರಕಾರ 'ರಾಧೆ' ಸಲ್ಮಾನ್ರ ಈವರೆಗಿನ ಎರಡನೇ ಅತ್ಯಂತ ಕಳಪೆ ಸಿನಿಮಾ ಆಗಿದೆ.