Don't Miss!
- Automobiles ಪ್ರಸಿದ್ಧ ಪುಣ್ಯಕ್ಷೇತ್ರ ಶೃಂಗೇರಿ ಶಾರದಾಂಬಾ ದರ್ಶನಕ್ಕೆ ತೆರಳಬೇಕೇ.. ಹಾಗಾದರೆ ಈ ಸ್ಟೋರಿ ನೋಡಿ
- Lifestyle ಹನುಮಂತನ ಪವಾಡ: ಈ ದೇವಾಲಯದಲ್ಲಿ ಹನುಮಾನ್ ಮೂರ್ತಿ ವರ್ಷದಿಂದ ವರ್ಷಕ್ಕೆ ಎತ್ತರ ಬೆಳೆಯುತ್ತಿದೆ!
- News ಮೀಸಲಾತಿ ಅಸ್ತ್ರ ಪ್ರಯೋಗಿಸಿದ ಮೋದಿ; ಮುಸ್ಲಿಂ ಸಮುದಾಯಕ್ಕೆ 4% ಮೀಸಲಾತಿ: ಸಿದ್ದರಾಮಯ್ಯ
- Sports IPL 2024: ಎಸ್ಆರ್ಹೆಚ್ ಸಂಘಟಿತ ಆಟಕ್ಕೆ ಬ್ರೇಕ್ ಹಾಕಲು ಆರ್ಸಿಬಿ ಏನು ಮಾಡಬೇಕು?
- Finance Lok Sabha Election 2024: ಮತದಾನ ಮಾಡಿ ಹೋಟೆಲ್ಗಳಲ್ಲಿ ಫ್ರೀಯಾಗಿ, ರಿಯಾಯಿತಿಯಲ್ಲಿ ಟಿಫನ್ ತಿನ್ನಿ!
- Technology Qubo InstaView ವಿಡಿಯೋ ಡೋರ್ ಫೋನ್ ಲಾಂಚ್!..ಬೆಲೆ ಎಷ್ಟು, ಫೀಚರ್ಸ್ ಏನಿವೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕೇರಳ ಬಿಡುಗಡೆ ಮಾಡುತ್ತಿದೆ ಭಾರತದ ಮೊದಲ ಸರ್ಕಾರಿ ಒಡೆತನದ ಒಟಿಟಿ!
ಕೋವಿಡ್ ಬಳಿಕ ಒಟಿಟಿಗಳು ತೀವ್ರ ವೇಗದಲ್ಲಿ ಪ್ರಗತಿ ಸಾಧಿಸಿವೆ. ಕೋವಿಡ್ ಸಮಯದಲ್ಲಿ ಸಿಕ್ಕ ಪ್ರೇಕ್ಷಕರನ್ನು ಹಿಡಿದಿಟ್ಟುಕೊಳ್ಳುವಲ್ಲಿ ಯಶಸ್ವಿಯಾಗಿವೆ ಈ ಒಟಿಟಿಗಳು.
ಮನೊರಂಜನೆ, ಶಿಕ್ಷಣ, ಮಾಹಿತಿ ಅನೇಕಗಳ ಅಡಕವಾಗಿರುವ ಒಟಿಟಿಗಳಿಗೆ ವಿಶ್ವದಾದ್ಯಂತ ಒಳ್ಳೆಯ ವೀಕ್ಷಕ ವರ್ಗವಿದೆ. ಭಾರತದಲ್ಲಿಯೂ ದೊಡ್ಡ ಸಂಖ್ಯೆಯ ಜನ ಒಟಿಟಿ ಬಳಸುತ್ತಾರೆ. ಕೋಟ್ಯಂತರ ಮಂದಿ ವಿವಿಧ ಒಟಿಟಿಗಳ ಚಂದಾದಾರರಾಗಿದ್ದಾರೆ.
ಇದೀಗ ಭಾರತದಲ್ಲಿ ಮೊದಲ ಬಾರಿಗೆ ರಾಜ್ಯ ಸರ್ಕಾರವೊಂದು ಒಟಿಟಿ ಬಿಡುಗಡೆ ಮಾಡಲು ಮುಂದಾಗಿದೆ. ಆ ಮೂಲಕ ಕಡಿಮೆ ದರದಲ್ಲಿ ತನ್ನ ರಾಜ್ಯದ ಜನರಿಗೆ ಮಾಹಿತಿ, ಮನೊರಂಜನೆ ಒದಗಿಸಲು ಮುಂದಾಗಿದೆ.
ಕೇರಳ ರಾಜ್ಯವು ನವೆಂಬರ್ 1 ರಂದು ಭಾರತದ ಮೊದಲ ಸರ್ಕಾರಿ ಒಡೆತನದ ಒಟಿಟಿಯನ್ನು ಬಿಡುಗಡೆ ಮಾಡಲಿದೆ. ಈ ವಿಷಯವನ್ನು ಕೇರಳದ ಸಂಸ್ಕೃತಿ ಸಚಿವ ಸಾಜಿ ಚೆರಿಯನ್ ಅಧಿಕೃತಪಡಿಸಿದ್ದು, ಕೆಲವು ದಿನಗಳ ಹಿಂದೆಯಷ್ಟೆ ಒಟಿಟಿಯ ಹೆಸರು ಬಿಡುಗಡೆ ಕಾರ್ಯಕ್ರಮವೂ ನಡೆದಿದೆ.
ಒಟಿಟಿಗೆ ಸಿಸ್ಪೇಸ್ ಎಂದು ಹೆಸರಿಡಲಾಗಿದ್ದು, ಒಟಿಟಿ ಮೂಲಕ ಕೇರಳದ ಜನರಿಗೆ ಸಿನಿಮಾಗಳು, ವೆಬ್ ಸರಣಿ, ಡಾಕ್ಯುಮೆಂಟರಿ, ಕಿರು ಚಿತ್ರಗಳನ್ನು ಒದಗಿಸಲಾಗುತ್ತದೆ.
ಸಿಸ್ಪೇಸ್ ಒಟಿಟಿಯನ್ನು ಕೇರಳದ ಸಿನಿಮಾ ಅಭಿವೃದ್ಧಿ ಪ್ರಾಧಿಕಾರವು ಸರ್ಕಾರದ ಪರವಾಗಿ ನಿರ್ಮಾಣ ಮಾಡಿದೆ. ಈ ಒಟಿಟಿಯು ಸಿನಿಮಾಗಳನ್ನು ಅದರ ಕಲೆಯ, ಮೌಲ್ಯದ ಆಧಾರದಲ್ಲಿ ಪ್ರದರ್ಶನ ಮಾಡಲಿದೆ, ಸಿನಿಮಾದ ಬಾಕ್ಸ್ ಆಫೀಸ್ ಲೆಕ್ಕಾಚಾರವನ್ನು ಪರಿಗಣನೆಗೆ ತೆಗೆದುಕೊಳ್ಳಲಾಗುವುದಿಲ್ಲ ಎಂದು ಸಂಸ್ಕೃತಿ ಸಚಿವರು ಹೇಳಿದ್ದಾರೆ.
ಕೇರಳ ಅಂತರಾಷ್ಟ್ರೀಯ ಸಿನಿಮೋತ್ಸವದಲ್ಲಿ ಪ್ರದರ್ಶನ ಕಂಡು ಪ್ರಶಸ್ತಿ ಪಡೆದ ಅತ್ಯುತ್ತಮ ಸಿನಿಮಾಗಳು, ಡಾಕ್ಯುಮೆಂಟರಿ, ಕಿರು ಚಿತ್ರಗಳನ್ನು ಸಹ ಸಿಸ್ಪೇಸ್ ಒಟಿಟಿಯಲ್ಲಿ ಪ್ರದರ್ಶನ ಮಾಡಲಾಗುತ್ತದೆ. ಸಿ ಸ್ಪೇಸ್ನಲ್ಲಿ ಸಿನಿಮಾ ಪ್ರದರ್ಶಿಸಲು ನೊಂದಾವಣಿ ಕಾರ್ಯ ಜೂನ್ 1 ರಿಂದ ಆರಂಭವಾಗಲಿದೆ.
''ನಮ್ಮ ಒಟಿಟಿಯು ಸಿನಿಮಾದ ವ್ಯವಹಾರದ ಮೇಲೆ ಪರಿಣಾಮ ಬೀರುವುದಿಲ್ಲ. ಒಟಿಟಿಯು ಮಲಯಾಳಂ ಸಿನಿಮಾರಂಗದ ಪ್ರಗತಿಗೆ ಸಹಕಾರಿಯಾಗಲಿದೆ. ಅಲ್ಲದೆ, ಸಿಸ್ಪೇಸ್ ಒಟಿಟಿಯಲ್ಲಿ ಈಗಾಗಲೇ ಚಿತ್ರಮಂದಿರದಲ್ಲಿ ಬಿಡುಗಡೆ ಆಗಿರುವ ಸಿನಿಮಾಗಳನ್ನಷ್ಟೆ ಪ್ರದರ್ಶಿಸಲಾಗುವುದು'' ಎಂದಿದ್ದಾರೆ ಸಚಿವ ಚೆರಿಯನ್.
''ಸಿ ಸ್ಪೇಸ್ ಒಟಿಟಿಯು ಪಾರದರ್ಶಕವಾಗಿ ಕೆಲಸ ಮಾಡಲಿದ್ದು, ಲಾಭ ಹಂಚಿಕೆ ಮಾದರಿಯಲ್ಲಿ ವ್ಯವಹಾರ ಮಾಡಲಿದೆ. ಜೂನ್ 1 ರಿಂದ ಸಿನಿಮಾ ಪ್ರದರ್ಶನಕ್ಕೆ ನೊಂದಣಿ ಆರಂಭವಾಗಲಿದ್ದು, ನೊಂದಣಿ ಕಾರ್ಯವು ಚಿತ್ರಾಂಜಲಿ ಸ್ಟುಡಿಯೋ ಹಾಗೂ ಕೇರಳ ರಾಜ್ಯ ಸಿನಿಮಾ ಅಭಿವೃದ್ಧಿ ಪ್ರಾಧಿಕಾರದಲ್ಲಿ ನಡೆಯಲಿದೆ ಎಂದಿದ್ದಾರೆ.