'ದಿ ಫ್ಯಾಮಿಲಿ ಮ್ಯಾನ್-3'ಗೆ ಭಾರಿ ಮೊತ್ತದ ಸಂಭಾವನೆ ಬೇಡಿಕೆ ಇಟ್ಟ ಮನೋಜ್ ಬಾಜಪೇಯಿ

ಡಬಲ್ ಸಂಭಾವನೆ ಬೇಡಿಕೆ ಇಟ್ಟ ಮನೋಜ್ ಬಾಜಪೇಯಿ

ಈಗಾಗಲೇ ಸೀಸನ್ 3 ಬಗ್ಗೆ ಚರ್ಚೆ ನಡೆಯುತ್ತಿದ್ದು, ಮನೋಜ್ ಬಾಜಪೇಯಿ ಸಂಭಾವನೆ ವಿಚಾರ ಸದ್ದು ಮಾಡುತ್ತಿದ್ದಾರೆ. ಎರಡು ಸೀಸನ್ ಸೂಪರ್ ಸಕ್ಸಸ್ ಆದ ಬಳಿಕ ಮನೋಜ್ ಬಾಜಪೇಯಿ 3ನೇ ಸೀಸನ್ ಗೆ ಡಬಲ್ ಸಂಭಾವನೆ ಬೇಡಿಕೆ ಇಟ್ಟಿದ್ದಾರೆ ಎನ್ನುವ ಮಾತು ಕೇಳಿಬರುತ್ತಿದೆ.

ಪ್ರತಿ ಎಪಿಸೋಡ್ ಗೆ 2.50 ಕೋಟಿ ರೂ.

ದಿ ಫ್ಯಾಮಿಲಿ ಮ್ಯಾನ್ ಸೀಸನ್ 3ಗೆ ಮನೋಜ್ ಬಾಜಪೇಯಿ ಪ್ರತಿ ಎಪಿಸೋಡ್ ಗೆ 2.25 ರಿಂದ 2.50 ಕೋಟಿ ರೂ. ಸಂಭಾವನೆ ಬೇಡಿಕೆ ಇಟ್ಟಿದ್ದಾರಂತೆ. ಸೀಸನ್ 3ನಲ್ಲೂ 9 ಎಪಿಸೋಡ್ ಗಳಿದ್ದು ಒಟ್ಟು 20.25 ರಿಂದ 22.50 ಕೋಟಿ ಸಂಭಾವನೆ ಡಿಮ್ಯಾಂಡ್ ಮಾಡುತ್ತಿದ್ದಾರೆ ಮನೋಜ್ ಬಾಜಪೇಯಿ.

ದಿ ಫ್ಯಾಮಿಲ್ ಮ್ಯಾನ್-2ಗೆ ಪಡೆದ ಸಂಭಾವನೆ

ಅಂದಹಾಗೆ ದಿ ಫ್ಯಾಮಿಲಿ ಮ್ಯಾನ್-2ಗೆ ಮನೋಜ್ ಬಾಜಪೇಯಿ 10 ಕೋಟಿ ರೂ. ಸಂಭಾವನೆ ಪಡೆದಿದ್ದರು ಎನ್ನಲಾಗಿದೆ. ಇದೀಗ ಸೀಸನ್ 3ಗೆ ಸಂಭಾವನೆಯನ್ನು ದುಪ್ಪಟ್ಟು ಏರಿಸಿಕೊಂಡಿದ್ದಾರೆ. ಎರಡೂ ಸೀಸನ್ ಗೂ ಅದ್ಭುತ ಪ್ರತಿಕ್ರಿಯೆ ವ್ಯಕ್ತವಾಗಿರುವ ಕಾರಣ 3ನೇ ಸೀಸನ್ ಗೆ ಮನೋಜ್ ಬಾಜಪೇಯಿ ಬೇಡಿಕೆ ಇಟ್ಟ ಸಂಭಾವನೆ ಸಿಕ್ಕಿದರೂ ಅಚ್ಚರಿ ಪಡಬೇಕಾಗಿಲ್ಲ.

ಸಮಂತಾ ಪಡೆದ ಸಂಭಾವನೆ ಎಷ್ಟು?

ಮೊದಲ ಬಾರಿಗೆ ವೆಬ್ ಸರಣಿಯಲ್ಲಿ ಮಿಂಚಿರುವ ಸಮಂತಾ ಅಭಿನಯಕ್ಕೆ ಅಭಿಮಾನಿಗಳು ಫಿದಾ ಆಗಿದ್ದಾರೆ. ರೆಬಲ್ ಮಹಿಳೆಯ ಪಾತ್ರದಲ್ಲಿ ಅದ್ಭುತವಾಗಿ ನಟಿಸಿರುವ ಸಮಂತಾ ಮೊದಲ ವೆಬ್ ಸರಣಿಗೆ ಭರ್ಜರಿ ಸಂಭಾವನೆ ಪಡೆದಿದ್ದಾರೆ. ಸಮಂತಾ 3 ರಿಂದ 4 ಕೋಟಿ ರೂ. ಸಂಭಾವನೆ ಪಡೆದಿದ್ದಾರೆ ಎನ್ನುವ ಸುದ್ದಿ ಕೇಳಿಬರುತ್ತಿದೆ.