'ಮನಿ ಹೈಸ್ಟ್' ಪ್ರಿಯರಿಗೆ ಆಘಾತಕಾರಿ ಸುದ್ದಿ: ಮುಂದಕ್ಕಿಲ್ಲ ಕಳ್ಳ-ಪೊಲೀಸ್ ಆಟ

ನಾಲ್ಕು ಸೀಸನ್ ಮಾತ್ರವೇ ಪ್ರಸಾರವಾಗಿದೆ

'ಮನಿ ಹೈಸ್ಟ್' ಈ ವರೆಗೆ ನಾಲ್ಕು ಸೀಸನ್‌ಗಳು ಪ್ರಸಾರವಾಗಿದೆ. ನಾಲ್ಕನೇ ಸೀಸನ್‌ ಏಪ್ರಿಲ್ 3 ರಂದು ಬಿಡುಗಡೆ ಆಗಿತ್ತು. ಬಿಡುಗಡೆ ಆಗುತ್ತಿದ್ದಂತೆ ಹಲವು ದಾಖಲೆಗಳನ್ನು ತನ್ನ ಹೆಸರಿಗೆ ಮಾಡಿಕೊಂಡಿತು. ಇದೀಗ ಐದನೇ ಸೀಸನ್ ಚಿತ್ರೀಕರಣ ಪ್ರಾರಂಭವಾಗುತ್ತಿದೆ.

ಐದನೇ ಸೀಸನ್ ಕೊನೆಯ ಸೀಸನ್ ಆಗಿರಲಿದೆ

ಆದರೆ ಮನಿಹೈಸ್ಟ್‌ ಪ್ರಿಯರಿಗೆ ಆಘಾತಕಾರಿ ಸುದ್ದಿಯೊಂದಿದ್ದು, ಮನಿಹೈಸ್ಟ್‌ 5 ನೇ ಸರಣಿಯೇ ಮನಿಹೈಸ್ಟ್‌ನ ಕೊನೆಯ ಸೀಸನ್‌ ಆಗಿರಲಿದೆ. ಆ ನಂತರ ಮನಿಹೈಸ್ಟ್ ಪ್ರಸಾರವಾಗುವುದಿಲ್ಲ ಎಂದು ಮನಿಹೈಸ್ಟ್ ತಂಡ ಹೇಳಿದೆ.

ನಾಲ್ಕನೇ ಸೀಸನ್‌ ಮುಗಿದದ್ದು ಎಲ್ಲಿಗೆ?

ಹೌದು, ಮನಿಹೈಸ್ಟ್ ತಂಡದ ಪ್ರಕಾರ ಮನಿಹೈಸ್ಟ್ 5 ಕೊನೆಯ ಸೀಸನ್ ಆಗಿರಲಿದೆ. ಬ್ಯಾಂಕ್ ಆಫ್ ಸ್ಪೈನ್ ನಲ್ಲಿ ಎಲ್ಲರೂ ಉಳಿದಿರುವಾಗ ಅವರನ್ನು ಬಿಡಿಸಿಕೊಂಡು ಬರಲು ಫ್ರೊಫೆಸರ್ ಅದ್ಭುತ ಪ್ಲಾನ್ ಹೂಡಿ ಅದನ್ನು ಜಾರಿಗೆ ತರುತ್ತಿರುವಾಗಲೇ ಇನ್‌ಪೆಕ್ಟರ್‌ ಅಲಿಸಿಯಾ ಫ್ರೊಫೆಸರ್ ಅನ್ನು ನೇರವಾಗಿ ಎದುರುಗೊಳ್ಳುತ್ತಾಳೆ. ಅಲ್ಲಿಗೆ ಮನಿಹೈಸ್ಟ್‌ನ ನಾಲ್ಕನೇ ಸೀಸನ್‌ ಮುಕ್ತಾಯವಾಗಿದೆ.

ಫ್ರೊಫೆಸರ್ ಸಾಯುತ್ತಾನೆಯೇ?

ಐದನೇ ಸೀಸನ್ ಏನಾಗಲಿದೆ ಎಂಬ ಕುತೂಹಲ ಎಲ್ಲರಲ್ಲೂ ಇದೆ. ಐದನೇ ಸೀಸನ್ ಮನಿಹೈಸ್ಟ್‌ನ ಕೊನೆಯ ಸೀಸನ್ ಆಗಿರುವುದಾದರೆ, ಫ್ರೊಫೆಸರ್ ಸಾಯುತ್ತಾನೆಯೇ. ಬ್ಯಾಂಕ್ ಆಫ್ ಸ್ಪೇನ್‌ನಲ್ಲಿರುವ ಗ್ಯಾಂಗ್ ಸದಸ್ಯರ ಕತೆಯೇನು ಎಂಬ ಕುತೂಹಲ ಈಗಲೇ ಪ್ರಾರಂಭವಾಗಿಬಿಟ್ಟಿದೆ.