ಸಮಂತಾ 'ಫ್ಯಾಮಿಲಿ ಮ್ಯಾನ್-2' ಟ್ರೈಲರ್: ನಾಗ ಚೈತನ್ಯ ಕೊಟ್ಟ ಅಂಕವೆಷ್ಟು? ಸೆಲೆಬ್ರಿಟಿಗಳು ಹೇಳಿದ್ದೇನು?

ಸಮಂತಾ ಪಾತ್ರಕ್ಕೆ ಸಿನಿ ಗಣ್ಯರು ಫಿದಾ

ಸಮಂತಾ ಅಕ್ಕಿನೇನಿ ಎಲ್‌ಟಿಟಿಇ ಉಗ್ರಳ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಗ್ಲಾಮರ್ ಪಾತ್ರಗಳಿಗೆ ಬಣ್ಣ ಹಚ್ಚುತ್ತಿದ್ದ ಸಮಂತಾ ಮೊದಲ ಬಾರಿಗೆ ಇಂಥ ವಿಭಿನ್ನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಸದ್ಯ ರಿಲೀಸ್ ಆಗಿರುವ ಟ್ರೈಲರ್ ಗೆ ಅದ್ಭುತ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಸಮಂತಾ ಪಾತ್ರಕ್ಕೆ ಅಭಿಮಾನಿಗಳು ಮಾತ್ರವಲ್ಲದೆ ಗಣ್ಯರು ಸಹ ಫಿದಾ ಆಗಿದ್ದಾರೆ.

ನಾಗ ಚೈತನ್ಯ ಕೊಟ್ಟ ಅಂಕ ಎಷ್ಟು?

ಸಮಂತಾ ಅಕ್ಕಿನೇನಿ ಪತಿ ನಾಗ ಚೈತನ್ಯ ಟ್ರೈಲರ್ ಗೆ ಕಾತರದಿಂದ ಕಾಯುತ್ತಿರುವುದಾಗಿ ಹೇಳಿದ್ದರು. ಸದ್ಯ ರಿಲೀಸ್ ಆಗಿರುವ ಟ್ರೈಲರ್ ನೋಡಿ, 'ತುಂಬಾ ಇಷ್ಟವಾಗಿದೆ. 10ಕ್ಕೆ 10 ಅಂಕ' ಎಂದು ಹೇಳಿದ್ದಾರೆ. ಪತಿಯ ಟ್ವೀಟ್ ಗೆ ಪ್ರತಿಕ್ರಿಯೆ ನೀಡಿರುವ ಸಮಂತಾ 'ಈ ಅಂಕ ನನ್ನ ಪಾತ್ರಕ್ಕಾ ಅಥವಾ ಟ್ರೈಲರ್ ಗಾ' ಎಂದು ಹೇಳಿದ್ದಾರೆ.

ನಿರ್ದೇಶಕಿ ನಂದಿನಿ ಮತ್ತು ತಾಪ್ಸಿ ಹೇಳಿದ್ದೇನು?

ಇನ್ನು ಓ ಬೇಬಿ ನಿರ್ದೇಶಕಿ ನಂದಿನಿ ರೆಡ್ಡಿ ಪ್ರಿತಿಕ್ರಿಯೆ ನೀಡಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ನಟಿ ತಾಪ್ಸಿ ಪನ್ನು, ತುಂಬಾ ಅದ್ಭುತವಾಗಿದೆ. ಸರ್ ನಿಮ್ಮ ಅಭಿನಯ ಅದ್ಭುತ. ಸಮಂತಾ ನಿಮ್ಮನ್ನು ಈ ಹೊಸ ಲುಕ್ ನಲ್ಲಿ ನೋಡಲು ಕಾತರಳಾಗಿದ್ದೇನೆ' ಎಂದು ಹೇಳಿದ್ದಾರೆ.

ಟ್ರೈಲರ್ ಮೆಚ್ಚಿದ ಕಬೀರ್ ದುಹಾನ್ ಸಿಂಗ್

ನಟ ಕಬೀರ್ ದುಹಾನ್ ಸಿಂಗ್ ಟ್ವೀಟ್ ಮಾಡಿ, ಅದ್ಭುತವಾದ ಟ್ರೈಲರ್. ವೆಬ್ ಸೀರಿಸ್ ನೋಡಲು ಕಾಯುತ್ತಿದ್ದೀನಿ. ಸಮಂತಾ ತುಂಬಾ ಭಯಾನಕವಾಗಿ ಕಾಣಿಸುತ್ತಾರೆ' ಎಂದು ಹೇಳಿದ್ದಾರೆ.

ಜೂನ್ ಗೆ ಸೀರಿಸ್ ಬಿಡುಗಡೆ

ಇನ್ನೂ ಮಂದಿ ಪ್ರತಿಕ್ರಿಯೆ ನೀಡಿ ಸಮಂತಾ ಲುಕ್ ಮತ್ತು ಅಭಿನಯಕ್ಕೆ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ. ಇನ್ನು ಮೊದಲ ಸೀಸನ್ ನಿರ್ದೇಶಿಸಿದ್ದ ರಾಜ್ ಮತ್ತು ಡಿಕೆ ಈ ಸೀಸನ್ ಅನ್ನೂ ನಿರ್ದೇಶನ ಮಾಡಿದ್ದಾರೆ. 'ದಿ ಫ್ಯಾಮಿಲಿ ಮ್ಯಾನ್' ಸೀಸನ್ 2, ಜೂನ್ 4 ಕ್ಕೆ ಅಮೆಜಾನ್ ಪ್ರೈಂನಲ್ಲಿ ಬಿಡುಗಡೆ ಆಗಲಿದೆ.