ನಯನತಾರಾ ಸಿನಿಮಾಕ್ಕೆ ದುಬಾರಿ ಬೆಲೆ ನೀಡಿದ ಡಿಸ್ನಿ ಪ್ಲಸ್ ಹಾಟ್‌ಸ್ಟಾರ್

20 ಕೋಟಿ ಹಣಕ್ಕೆ ಹಕ್ಕು ಮಾರಾಟ

ಕೆಲವು ಮೂಲಗಳ ಪ್ರಕಾರ ಸ್ಯಾಟಲೈಟ್ ಹಕ್ಕು ಹಾಗೂ ಡಿಸ್ನಿ ಪ್ಲಸ್ ಹಾಟ್‌ಸ್ಟಾರ್‌ ಎರಡೂ ಸೇರಿ 20 ಕೋಟಿಗೆ ಮೂಕುತಿ ಅಮ್ಮನ್ ಸಿನಿಮಾ ಮಾರಾಟವಾಗಿದೆ ಎನ್ನಲಾಗುತ್ತಿದೆ. ಸಿನಿಮಾದ ಒಟ್ಟು ಬಂಡವಾಳಕ್ಕೆ ಹೋಲಿಸಿದರೆ ಇದು ಸಾಮಾನ್ಯ ಮೊತ್ತವೇನೂ ಅಲ್ಲ.

ಪೌರಾಣಿಕ ಸಿನಿಮಾಕ್ಕೆ ದೊಡ್ಡ ಮೊತ್ತವನ್ನೇ ನೀಡಲಾಗಿದೆ

ಆದರೂ ಸಹ ನಟಿ ನಯನತಾರಾ ಅವರ ಅದರಲ್ಲಿಯೂ ಪೌರಾಣಿಕ ಸಿನಿಮಾಕ್ಕೆ ಇದು ಭಾರಿ ದೊಡ್ಡವೇ ಎಂಬ ಮಾತುಗಳು ತಮಿಳು ಸಿನಿ ಉದ್ಯಮದಲ್ಲಿ ಕೇಳಿಬರುತ್ತಿದೆ. ಸ್ಟಾರ್ ನಟರೂ ಸಹ ಒಟಿಟಿ ಕಡೆಗೆ ಮುಖ ಮಾಡುವಂತೆ ಮಾಡಿದೆ ಈ ಡೀಲ್.

ಇಬ್ಬರು ನಿರ್ದೇಶಕರು ನಿರ್ದೇಶಿಸಿರುವ ಸಿನಿಮಾ

ಸಿನಿಮಾದಲ್ಲಿ ನಟಿ ನಯನತಾರಾ ದೇವಿ ಅವತಾರದಲ್ಲಿ ಕಾಣಿಸಿಕೊಳ್ಳಲ್ಲಿದ್ದಾರೆ. ಸಿನಿಮಾದಲ್ಲಿ ಆರ್‌ಜೆ ಬಾಲಾಜಿ, ಉರ್ವಶಿ, ಇಂಧುಜಾ ರವಿಚಂದ್ರನ್ ಇನ್ನೂ ಹಲವರು ನಟಿಸಿದ್ದಾರೆ. ಸಿನಿಮಾವನ್ನು ಎನ್‌.ಜೆ.ಸರವಣನ್, ಆರ್‌ಜೆ ಬಾಲಾಜಿ ನಿರ್ದೇಶಿಸಿದ್ದಾರೆ. ಇಶಾರಿ ಕೆ ಗಣೇಶ್ ಸಿನಿಮಾವನ್ನು ನಿರ್ಮಿಸಿದ್ದಾರೆ.

ಹಲವು ಸಿನಿಮಾಗಳನ್ನು ಬ್ಯುಸಿ ನಯನತಾರಾ

ಮೂಕುತಿ ಅಮ್ಮನ್ ಹೊರತಾಗಿ ಇನ್ನೂ ಹಲವು ಸಿನಿಮಾಗಳಲ್ಲಿ ನಯನತಾರಾ ಬ್ಯುಸಿಯಾಗಿದ್ದಾರೆ. ಕಾತು ವಾಕುಲ್ ರೆಂಡು ಕಾದಲ್, ರಜನಿಕಾಂತ್ ನಟನೆಯ ಅನ್ನಾತೆ, ಟ್ರಿಶ್ನಾ, ಆಟೋ ರಾಜಾ, ಕೊಟ್ಟಾಯಂ ಕುರುಬಾನ, ನೇಟ್ರಿಕನ್ ಸಿನಿಮಾಗಳಲ್ಲಿ ನಯನತಾರಾ ನಟಿಸುತ್ತಿದ್ದಾರೆ.