ಕ್ಷಮೆ ಕೇಳಿ ಸಿನಿಮಾ ಪೋಸ್ಟರ್‌ ಹಿಂಪಡೆದ ನೆಟ್‌ಫ್ಲಿಕ್ಸ್: ಅಂಥಹದ್ದೇನಿತ್ತು ಅದರಲ್ಲಿ?

ಸೆಪ್ಟೆಂಬರ್ 9 ಕ್ಕೆ ಬಿಡುಗಡೆ ಆಗಲಿರುವ 'ಕ್ಯೂಟೀಸ್'

ಫ್ರೆಂಚ್ ಸಿನಿಮಾ 'ಕ್ಯೂಟೀಸ್' ನೆಟ್‌ಫ್ಲಿಕ್ಸ್‌ನಲ್ಲಿ ಸೆಪ್ಟೆಂಬರ್ 9 ಕ್ಕೆ ಬಿಡುಗಡೆ ಆಗಲಿದೆ. ಹಾಗಾಗಿ ಸಿನಿಮಾದ ಪೋಸ್ಟರ್ ಅನ್ನು ಜಾಹೀರಾತಿಗಾಗಿ ಹಂಚಿಕೊಂಡಿತ್ತು ನೆಟ್‌ಫ್ಲಿಕ್ಸ್‌. ಅದರ ವಿರುದ್ಧ ಆಕ್ರೋಶ ಕೇಳಿಬಂದ ಕಾರಣ ಇದೀಗ ಪೋಸ್ಟರ್ ಅನ್ನು ಹಿಂಪಡೆದಿದೆ. ಸಿನಿಮಾವನ್ನು ಹಿಂಪಡೆದಿಲ್ಲ.

ಮಕ್ಕಳ ವಿಭಾಗದಲ್ಲಿ ಪ್ರದರ್ಶಿಸಲಿತ್ತು ನೆಟ್‌ಫ್ಲಿಕ್ಸ್

'ಕ್ಯೂಟೀಸ್' ಸಿನಿಮಾವನ್ನು ನೆಟ್‌ಫ್ಲಿಕ್ಸ್‌ನ ಮಕ್ಕಳ ವಿಭಾಗದಲ್ಲಿ ಹಾಕಲು ನೆಟ್‌ಫ್ಲಿಕ್ಸ್ ನಿರ್ಧರಿಸಿತ್ತು. ಆದರೆ ಅದನ್ನು ಬದಲಾಯಿಸಿರುವ ನೆಟ್‌ಫ್ಲಿಕ್ಸ್ ವಯಸ್ಕರ ವಿಭಾಗದಲ್ಲಿ ಸಿನಿಮಾವನ್ನು ಪ್ರದರ್ಶಿಸಲಿದೆ.

ತುಂಡುಬಟ್ಟೆಯಲ್ಲಿ ಬಾಲಕಿಯರು

ಸಿನಿಮಾದ ಪೋಸ್ಟರ್‌ ನಲ್ಲಿ ನಾಲ್ವರು ಬಾಲಕಿಯರು ತುಂಡು ಬಟ್ಟೆ ಧರಿಸಿ, ಅಂಗಾಂಗ ಪ್ರದರ್ಶಿಸುತ್ತಿರುವ ಜೊತೆಗೆ ಲೈಂಗಿಕತೆ ಇಂಗಿತವ್ಯಕ್ತಪಡಿಸುವ ಭಂಗಿಗಳನ್ನು ಪ್ರದರ್ಶಿಸುತ್ತಿದ್ದಾರೆ. ಈ ಪೋಸ್ಟರ್‌ಗೆ ಸಾಮಾಜಿಕ ಜಾಲತಾಣದಲ್ಲಿ ಭಾರಿ ವಿರೋಧ ವ್ಯಕ್ತವಾಗಿತ್ತು.

ಪ್ರಶಸ್ತಿ ವಿಜೇತ ಸಿನಿಮಾ ಕ್ಯೂಟೀಸ್

ವಿವಾದಕ್ಕೆ ಈಡಾಗಿರುವ ಕ್ಯೂಟೀಸ್ ಸಿನಿಮಾ 'ಸನ್‌ಡಾನ್ಸ್' ನಲ್ಲಿ ಪ್ರಶಸ್ತಿ ವಿಜೇತ ಸಿನಿಮಾ ಆಗಿದೆ. ನಾಲ್ವರು ಬಾಲಕಿಯರ ಕತೆಯನ್ನು ಸಿನಿಮಾ ಒಳಗೊಂಡಿದೆ. ಇದೀಗ ನೆಟ್‌ಫ್ಲಿಕ್ಸ್ ಕ್ಷಮಾಪಣೆ ಕೇಳಿದ್ದು ಸಿನಿಮಾದ ಪೋಸ್ಟರ್ ಅನ್ನು ಬದಲಾಯಿಸಿದೆ.