Don't Miss!
- News ಈ ವರ್ಷ ಜಗತ್ತಿನಲ್ಲಿ ಒಳ್ಳೆಯದಕ್ಕಿಂತ ಕೆಟ್ಟದ್ದೇ ಕೇಳೋದು ಬಹಳ ಐತಿ; ಮಳೆ,ಬೆಳೆಯ ಕುರಿತು ಬಸವೇಶ್ವರ ಕಾರ್ಣಿಕ ಹೇಳಿದ್ದೇನು?
- Automobiles ಭಾರತದಲ್ಲಿ 80 ಲಕ್ಷ ಸ್ಕೂಟರ್ ಮಾರಿದ ಜಪಾನ್ ಕಂಪನಿ: ವಿಶ್ವಗುರು ಭಾರತದಲ್ಲಿ ಎಲ್ಲವೂ ಸಾಧ್ಯ!
- Technology 6000mAh ಬ್ಯಾಟರಿಯ ಈ ಫೋನ್ ಶೀಘ್ರದಲ್ಲೇ ಖರೀದಿಗೆ ಲಭ್ಯ!..ಬೆಲೆ ಎಷ್ಟು?
- Sports ಧೋನಿ ಎದುರು ಬಂದಾಗ ಕೆ.ಎಲ್ ರಾಹುಲ್ ಕ್ಯಾಪ್ ತೆಗೆದಿದ್ದೇಕೆ?: ಕಾರಣವೇನು?
- Lifestyle 2 ಬಗೆಯ ಮಜ್ಜಿಗೆ ಸಾರು ರೆಸಿಪಿ: ಕಾಯಿ ಹಾಕಿದ, ಕಾಯಿ ಹಾಕದ ಸಾರಿನ ರೆಸಿಪಿ
- Finance Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಚೀನಾ ಅಲ್ಲ, ಭಾರತ-ಕೊರಿಯಾದ ಮೇಲೆ ನೆಟ್ಫ್ಲಿಕ್ಸ್ ಕಣ್ಣು
ಒಟಿಟಿ ದೈತ್ಯ ನೆಟ್ಫ್ಲಿಕ್ಸ್ ಏಷ್ಯಾದ ಮೇಲೆ ಕಣ್ಣು ನೆಟ್ಟಿದೆ. ಮುಂದಿನ ವರ್ಷಗಳಲ್ಲಿ ಏಷ್ಯಾ ಖಂಡದ ರಾಷ್ಟ್ರಗಳ ಮೇಲೆ ದುಪ್ಪಟ್ಟು ಹೂಡಿಕೆಯನ್ನು ನೆಟ್ಫ್ಲಿಕ್ಸ್ ಮಾಡಲಿದೆ.
ಚೀನಾ ದೇಶದಲ್ಲಿ ನೆಟ್ಫ್ಲಿಕ್ಸ್ ಸೇವೆ ಲಭ್ಯವಿಲ್ಲ. ಹಾಗಾಗಿ ಚೀನಾವನ್ನು ಹೊರತು ಪಡಿಸಿ ಉಳಿದ ಏಷ್ಯಾದ ದೇಶಗಳಲ್ಲಿ ನೆಟ್ಫ್ಲಿಕ್ಸ್ ಭಾರಿ ಮೊತ್ತದ ಹೂಡಿಕೆ ಮಾಡಲಿದ್ದು, ದೊಡ್ಡ ಮಟ್ಟದ ಲಾಭವನ್ನು ಹಿಂಪಡೆಯುವ ಗುರಿ ಹೊಂದಿದೆ. ಅದರಲ್ಲಿಯೂ ಕೊರಿಯಾ ಹಾಗೂ ಭಾರತ ದೇಶದ ಕಂಟೆಂಟ್ ಮೇಲೆ ಭಾರಿ ಬಂಡವಾಳವನ್ನೇ ನೆಟ್ಫ್ಲಿಕ್ಸ್ ಹೂಡಲಿದೆ.
ವಿಶ್ವದಾದ್ಯಂತ ಕೊರಿಯನ್ ಸಿನಿಮಾಗಳಿಗೆ ಅತಿ ಹೆಚ್ಚು ಬೇಡಿಕೆ ಇರುವ ಕಾರಣ ಕೊರಿಯನ್ ಸಿನಿಮಾಗಳು, ವೆಬ್ ಸರಣಿ ಹಾಗೂ ಇತರೆ ಕಂಟೆಂಟ್ ಮೇಲೆ ಭಾರಿ ಮೊತ್ತದ ಹಣ ಸುರಿಯಲಿದೆ ನೆಟ್ಫ್ಲಿಕ್ಸ್.
ಭಾರತದ ಸಿನಿಮಾಗಳು, ಹಾಸ್ಯ ಕಂಟೆಂಟ್ಗಳಿಗೂ ವಿಶ್ವದಾದ್ಯಂತ ಒಳ್ಳೆಯ ಮಾರುಕಟ್ಟೆ ಇರುವ ಕಾರಣ. ಹಾಗೂ ಸ್ವತಃ ಭಾರತದಲ್ಲಿ ನೆಟ್ಫ್ಲಿಕ್ಸ್ ಚಂದಾದಾರರ ಸಂಖ್ಯೆ ದಿನೇ-ದಿನೇ ಏರಿಕೆ ಆಗುತ್ತಿರುವ ಕಾರಣ ಭಾರತದ ಕಂಟೆಂಟ್ ಮೇಲೆ ಮುಂದಿನ ದಿನಗಳಲ್ಲಿ ಹೂಡಿಕೆಯನ್ನು ದ್ವಿಗುಣಗೊಳಿಸಲಿದೆ ನೆಟ್ಫ್ಲಿಕ್ಸ್.
ಯೂರೋಪ್ಗಿಂತಲೂ ಏಷ್ಯಾದಿಂದ ಹೆಚ್ಚು ಲಾಭ
ಕಳೆದ ವರ್ಷವೊಂದರಲ್ಲಿಯೇ ಏಷ್ಯಾದಲ್ಲಿ ಬರೋಬ್ಬರಿ 1 ಕೋಟಿಗೂ ಹೆಚ್ಚು ಮಂದಿ ಹೊಸ ಚಂದಾದಾರರು ನೆಟ್ಫ್ಲಿಕ್ಸ್ಗೆ ಆಗಿದ್ದಾರೆ. 2019 ಕ್ಕೆ ಹೋಲಿಸಿದರೆ 65% ಚಂದಾದಾರರು ಹೆಚ್ಚಾಗಿದ್ದಾರೆ. ಯೂರೋಪ್ ಗೆ ಹೋಲಿಸಿದರೆ ನೆಟ್ಫ್ಲಿಕ್ಸ್ ಅತಿ ಹೆಚ್ಚು ಲಾಭ ಬಂದಿರುವುದು ಸಹ ಏಷ್ಯಾದಿಂದಲೇ ಎನ್ನುತ್ತಿದೆ ವರದಿ.
10 ಕೋಟಿ ಚಂದಾದಾರರು ಭಾರತದಿಂದ: ನೆಟ್ಫ್ಲಿಕ್ಸ್ ಸಿಇಒ
'ಮುಂದಿನ 10 ಕೋಟಿ ಚಂದಾದಾರರು ಕೇವಲ ಭಾರತ ಒಂದರಿಂದಲೇ ನಮಗೆ ಸಿಗಲಿದ್ದಾರೆ' ಎಂದು ಮೂರು ವರ್ಷದ ಹಿಂದೆ ನೆಟ್ಫ್ಲಿಕ್ಸ್ನ ಸಿಇಒ ರೀಡ್ ಹ್ಯಾಸ್ಟಿಂಗ್ಸ್ ಹೇಳಿದ್ದರು. ಅದು ಬಹುತೇಕ ನಿಜವೂ ಆಗಿದೆ. ಕಳೆದ ಮೂರು ವರ್ಷದಲ್ಲಿ ಭಾರತದಲ್ಲಿ ದೊಡ್ಡ ಸಂಖ್ಯೆಯ ಇಂಟರ್ನೆಟ್ ಪ್ರಿಯರು ನೆಟ್ಫ್ಲಿಕ್ಸ್ ಬಳಕೆದಾರರಾಗಿದ್ದಾರೆ.
ಎರಡು ವರ್ಷಕ್ಕೆ 14 ಲಕ್ಷ ಕೋಟಿ ಖರ್ಚು ಮಾಡಿದೆ ನೆಟ್ಫ್ಲಿಕ್ಸ್
ನೆಟ್ಫ್ಲಿಕ್ಸ್, ಕಳೆದ ಎರಡು ವರ್ಷದಲ್ಲಿ ಏಷ್ಯಾ ಖಂಡದ ದೇಶಗಳಿಗೆ ಮಾತ್ರವೇ ಸುಮಾರು 14 ಲಕ್ಷ ಕೋಟಿಗೂ ಹೆಚ್ಚು ಹಣವನ್ನು ಖರ್ಚು ಮಾಡಿದೆ. ಈ ಹಣವನ್ನು ಲೈಸೆನ್ಸ್ಗಾಗಿ ಹಾಗೂ ಸಿನಿಮಾ, ವೆಬ್ ಸೀರೀಸ್ ನಿರ್ಮಾಣಕ್ಕಾಗಿ ಖರ್ಚು ಮಾಡಲಾಗಿದೆ. ಮುಂದಿನ ದಿನಗಳಲ್ಲಿ ಇದು ದ್ವಿಗುಣವಾಗಲಿದೆ.
ಕೊರಿಯನ್ ಸಿನಿಮಾಗಳಿಗೆ ಭಾರಿ ಬೇಡಿಕೆ
ಹೊಸ ವರ್ಷದ ಸಮಯದಲ್ಲಿ ನೆಟ್ಫ್ಲಿಕ್ಸ್ ಬಿಡುಗಡೆ ಮಾಡಿದ್ದ ವಾರ್ಷಿಕ ವರದಿಯ ಪ್ರಕಾರ. ವಿಶ್ವದಾದ್ಯಂತ ಅತಿ ಹೆಚ್ಚು ಮಂದಿ ಕೊರಿಯನ್, ಸ್ಪ್ಯಾನಿಷ್, ಭಾರತೀಯ ಹಾಗೂ ಹಾಲಿವುಡ್ ಕಂಟೆಂಟ್ ಅನ್ನು ಅತಿ ಹೆಚ್ಚಿನ ಸಂಖ್ಯೆಯಲ್ಲಿ ನೋಡಿದ್ದಾರೆ. ಹಾಗಾಗಿ ಕೋರಿಯನ್ ಕಂಟೆಂಟ್ ಹಾಗೂ ಭಾರತೀಯ ಕಂಟೆಂಟ್ ಮೇಲೆ ಭಾರಿ ಹೂಡಿಕೆ ಮಾಡಲಿದೆ ನೆಟ್ಫ್ಲಿಕ್ಸ್.