Don't Miss!
- News Lok Sabha Election: ರಾಜಕೀಯ ಅಖಾಡದಲ್ಲಿ ನಕಲಿ ಅಭ್ಯರ್ಥಿಗಳ ಸೌಂಡ್ ಜೋರು: ಅಖಾಡದಲ್ಲಿ ನಕಲಿ ರಾಹುಲ್ ಗಾಂಧಿ, ಪಿಎಸ್ ಯಡಿಯೂರಪ್ಪ
- Technology ಒಪ್ಪೋ ಸಂಸ್ಥೆಯ ಈ ಫೋನ್ ಬೆಲೆಯಲ್ಲಿ ಭರ್ಜರಿ ಇಳಿಕೆ; ಆಫರ್ಗೆ ಗ್ರಾಹಕರು ಫಿದಾ!
- Automobiles ಭಾರತದ ರಸ್ತೆಯಲ್ಲಿ ಘರ್ಜಿಸುತ್ತಿರುವ ಪವರ್ಫುಲ್ ಎಪ್ರಿಲಿಯಾ ಬೈಕ್ಗಾಗಿ ಅಕ್ಸೆಸರೀಸ್ ಬಿಡುಗಡೆ
- Sports ಐಪಿಎಲ್ನಿಂದ ದೂರವುಳಿದಿದ್ದ ಟೀಮ್ ಇಂಡಿಯಾ ವೇಗಿ ಟಿ20 ವಿಶ್ವಕಪ್ ಆಡುತ್ತಾರಾ?: ಆಟಗಾರ ಹೇಳಿದ್ದೇನು?
- Finance Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು?
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮತ್ತೆ ಬಾಹುಬಲಿ ನಿರ್ಮಿಸಲು 150 ಕೋಟಿ ಸುರಿದಿದ್ದ ನೆಟ್ಫ್ಲಿಕ್ಸ್ ದಿಢೀರನೇ ಸಿರೀಸ್ಗೆ ಅಂತ್ಯ ಹಾಡಿದ್ದು ಏಕೆ?
'ಬಾಹುಬಲಿ' ಭಾರತೀಯ ಚಿತ್ರರಂಗದ ದಿಕ್ಕನ್ನೇ ಬದಲಿಸಿದ ಸಿನಿಮಾ. 'ಬಾಹುಬಲಿ' ಮತ್ತು 'ಬಾಹುಬಲಿ 2' ಎರಡೂ ಸಿನಿಮಾಗಳೂ ಬಾಕ್ಸಾಫೀಸ್ನಲ್ಲಿ ದಾಖಲೆಗಳನ್ನು ಬರೆದಿತ್ತು. ರಾಜಮೌಳಿ ನಿರ್ದೇಶಿಸಿದ ಈ ಸಿನಿಮಾಗೆ ಸಿಕ್ಕ ಯಶಸ್ಸು ಹೊಸ ಆಲೋಚನೆಗೆ ನಾಂದಿ ಹಾಡಿತ್ತು. ಬಾಹುಬಲಿಗೂ ಮುನ್ನ ಮಾಹಿಷ್ಮತಿ ಸಾಮ್ರಾಜ್ಯ ಹೇಗಿತ್ತು? ಅನ್ನುವುದನ್ನು ಜನರಿಗೆ ತೋರಿಸಬೇಕು ಅನ್ನುವ ನಿಟ್ಟಿನಲ್ಲಿ ನೆಟ್ಫ್ಲಿಕ್ಸ್ ಇಂಡಿಯಾ 'ಬಾಹುಬಲಿ ಬಿಫೋರ್ ದಿ ಬಿಗಿನಿಂಗ್' ಸಿರೀಸ್ ಅನ್ನು ಆರಂಭಿಸಿತ್ತು.
'ಬಾಹುಬಲಿ' ಇಂದಿಗೂ ಪ್ರೇಕ್ಷಕರ ಫೇವರಿಟ್ ಸಿನಿಮಾ. ಇದರ ಎರಡೂ ಸಿರೀಸ್ಗಳನ್ನೂ ಪದೇ ಪದೆ ನೋಡುವ ಜನರಿದ್ದಾರೆ. ಅದರಲ್ಲೂ ಮಾಹಿಷ್ಮತಿ ಸಾಮ್ರಾಜ್ಯ ಬಾಹುಬಲಿ ಬರುವುದಕ್ಕೂ ಮುನ್ನ ಹೇಗಿತ್ತು? ಆ ಸಾಮ್ರಾಜ್ಯದ ಹುಟ್ಟು ಹೇಗಾಯುತ್ತು? ಇಂತಹದ್ದೇ ಒಂದಿಷ್ಟು ಕಲ್ಪನೆಗಳನ್ನು ಇಟ್ಟಿಕೊಂಡು ನೆಟ್ಫ್ಲಿಕ್ಸ್ ಸಿರೀಸ್ ಅನ್ನು ಆರಂಭಿಸಿತ್ತು. ಆದ್ರೀಗ ಆ ಸರಣಿಯನ್ನು ನಿಲ್ಲಿಸಿದೆ ಎನ್ನುವ ಬಗ್ಗೆ ಒಟಿಟಿ ವೇದಿಕೆಯಲ್ಲಿ ಚರ್ಚೆಯಾಗುತ್ತಿದೆ.
'ಬಾಹುಬಲಿ' ವೆಬ್ ಸಿರೀಸ್ ನೆಟ್ಫ್ಲಿಕ್ಸ್ ತಿಲಾಂಜಲಿ
ಬಾಹುಬಲಿ 2 ಬಾಕ್ಸಾಫೀಸ್ನಲ್ಲಿ ಹೊಸ ದಾಖಲೆ ಬರೆಯುತ್ತಿದ್ದಂತೆ ನೆಟ್ಫ್ಲಿಕ್ಸ್ 'ಬಾಹುಬಲಿ ಬಿಫೋರ್ ದಿ ಬಿಗಿನಿಂಗ್' ಸಿರೀಸ್ ಮೇಲೆ ಕಣ್ಣಿಟ್ಟಿತ್ತು. ಈ ಸಿರೀಸ್ ಅನ್ನು ಸ್ವತಃ ನೆಟ್ಫ್ಲಿಕ್ಸ್ ನಿರ್ಮಿಸಲು ಮುಂದಾಗಿತ್ತು. ಈ ವೆಬ್ ಸಿರೀಸ್ ಬಾಹುಬಲಿ ಮೊದಲ ಅವತರಣಿಕೆಗೂ ಮುನ್ನ ಮಾಹಿಷ್ಮತಿ ಸಾಮ್ರಾಜ್ಯದ ಕಥೆಯನ್ನು ಪ್ರೇಕ್ಷಕರಿಗೆ ತೋರಿಸುವುದಾಗಿತ್ತು. ಈ ವೆಬ್ ಸಿರೀಸ್ ಭಾರತದ ದಾಖಲೆ ನಿರ್ಮಿಸಬೇಕು ಎಂಬ ಕಲ್ಪನೆಯಲ್ಲಿಯೇ ಆರಂಭ ಮಾಡಲಾಗಿತ್ತು. ಆದ್ರೀಗ ಈ ವೆಬ್ ಸಿರೀಸ್ಗೆ ನೆಟ್ಫ್ಲಿಕ್ಸ್ ತಿಲಾಂಜಲಿ ಇಟ್ಟಿಗೆ ಎನ್ನುವ ಮಾತು ಕೇಳಿ ಬರುತ್ತಿದೆ.
'ಬಾಹುಬಲಿ' ವೆಬ್ ಸಿರೀಸ್ಗೆ 150 ಕೋಟಿ
'ಬಾಹುಬಲಿ' ಕಳೆದ ಕೆಲವು ವರ್ಷಗಳಿಂದ ಆರಂಭ ಆಗಿದೆ. ಈ ವೆಬ್ ಸಿರೀಸ್ಗಾಗಿ ನೆಟ್ಫ್ಲಿಕ್ಸ್ ಈಗಾಗಲೇ ಸುಮಾರು 150 ಕೋಟಿ ಹಣವನ್ನು ಸುರಿದಿದೆ. ಆದರೆ, ಅಂದುಕೊಂಡಂತೆ ವೆಬ್ ಸಿರೀಸ್ ಮೂಡಿ ಬರುತ್ತಿಲ್ಲ. ಹೀಗಾಗಿ 150 ಕೋಟಿ ವೆಚ್ಚ ಮಾಡಿದ ವೆಬ್ ಸಿರೀಸ್ಗೆ ತಿಲಾಂಜಲಿ ಇಡುತ್ತಿದೆ ಎನ್ನುವ ಮಾತುಗಳು ಕೇಳಿ ಬರುತ್ತಿವೆ. ಈಗ ಈ ಪ್ರಾಜೆಕ್ಟ್ ಅನ್ನು ನೆಟ್ಫ್ಲಿಕ್ಸ್ ಮೂಲೆಗೆ ತಳ್ಳಿದ್ದು, ಮತ್ತೆ ಕೈಗೆತ್ತಿಕೊಳ್ಳುವ ಆಲೋಚನೆ ಇಲ್ಲ ಎನ್ನುವ ಮಾತುಗಳು ಕೇಳಿ ಬರುತ್ತಿವೆ.
'ಬಾಹುಬಲಿ' ವೆಬ್ ಸಿರೀಸ್ನಿಂದ ನಿರ್ದೇಶಕರು ಔಟ್
ಬಾಹುಬಲಿ ವೆಬ್ ಸಿರೀಸ್ ನಿರ್ಮಾಣ ಮಾಡುವ ನೆಟ್ಫ್ಲಿಕ್ಸ್ ಆಲೋಚನೆಗೆ ತೆಲುಗಿನ ಇಬ್ಬರು ನಿರ್ದೇಶಕರು ಕೈ ಜೋಡಿಸಿದ್ದರು. ಪ್ರವೀಣ್ ಸತ್ತರು ಹಾಗೂ ದೇವ ಕಟ್ಟ ಇಬ್ಬರು ನಿರ್ದೇಶಕರು ಈ ವೆಬ್ ಸಿರೀಸ್ ಅನ್ನು ನಿರ್ದೇಶನ ಮಾಡಬೇಕಿತ್ತು. ಆದರೆ, ನೆಟ್ಫ್ಲಿಕ್ಸ್ ಜೊತೆಗಿನ ಭಿನ್ನಾಬಿಪ್ರಾಯಗಳಿಂದಾಗಿ ಈ ಇಬ್ಬರೂ ನಿರ್ದೇಶಕರು ಹೊರಬಂದರು. ಬಳಿಕ ಎಕ್ಸ್ಪರ್ಟ್ ಟೀಮ್ ಅನ್ನು ಕರೆದುಕೊಂಡು ಬಂದಿತ್ತು. ರಾಜಮೌಳಿಯನ್ನು ಕ್ರಿಯೇಟಿವ್ ಹೆಡ್ ಸ್ಥಾನದಲ್ಲಿ ಕೂರಿಸಿತ್ತು. ಅದು ಕೂಡ ಕೈಗೂಡಲಿಲ್ಲ.
'ಬಾಹುಬಲಿ' ವೆಬ್ ಸಿರೀಸ್ ನಿಂತಿದ್ದುಸುಳ್ಳು
ನೆಟ್ಫ್ಲಿಕ್ಸ್ 'ಬಾಹುಬಲಿ' ವೆಬ್ ಸಿರೀಸ್ ಅನ್ನು ನಿಲ್ಲಿಸಿರುವುದು ಕೇವಲ ವದಂತಿ ಅಷ್ಟೇ. ಈ ಸುದ್ದು ಸತ್ಯ ದೂರವಾಗಿದೆ ಎನ್ನುವ ಮಾಹಿತಿ ಕೂಡ ಕೇಳಿಬರುತ್ತಿದೆ. 150 ಕೋಟಿ ವೆಚ್ಚದ ವೆಬ್ ಸಿರೀಸ್ಗೆ ಅಂತ್ಯ ಹಾಡಿಲ್ಲ. ಬದಲಾಗಿ ತಾತ್ಕಾಲಿಕವಾಗಿ ನಿಲ್ಲಿಸಲಾಗಿದೆ ಅಷ್ಟೇ ಎನ್ನುವ ಮಾತುಗಳು ಕೂಡ ಕೇಳಿ ಬರುತ್ತಿವೆ. ಏನೇ ಇದ್ದರೂ, 'ಬಾಹುಬಲಿ' ವೆಬ್ ಸಿರೀಸ್ಗಾಗಿ ಕಾದು ಕೂತಿರುವ ಪ್ರೇಕ್ಷಕರಿಗೆ ಈ ವಿಷಯ ನಿರಾಸೆಯನ್ನುಂಟು ಮಾಡಿರುವುದಂತೂ ಸತ್ಯ.