Don't Miss!
- Lifestyle 3ನೇ ಬಾರಿ ಬಾಹ್ಯಾಕಾಶಕ್ಕೆ ಹಾರಲು ಮುಂದಾದ ಸುನೀತಾ ವಿಲಿಯಮ್ಸ್..!
- News ಡಾ.ಮಂಜುನಾಥ್ ಅವರಿಗೆ ಕೇಂದ್ರ ಸಚಿವ ಸ್ಥಾನ: ಸುಳಿವು ಕೊಟ್ಟ ಹೆಚ್ ಡಿ ದೇವೇಗೌಡ
- Automobiles Maruti Suzuki: 1 ವರ್ಷದಲ್ಲಿಯೇ ಹೊಸ ದಾಖಲೆ.. 134,735 ಫ್ರಾಂಕ್ಸ್ ಕಾರುಗಳು ಮಾರಾಟ, ಬೆಲೆ ರೂ.7.51 ಲಕ್ಷ
- Sports T20 World Cup 2024: ವೀರೇಂದ್ರ ಸೆಹ್ವಾಗ್ ಆಯ್ಕೆಯ ಭಾರತ ತಂಡದಲ್ಲಿ ಪ್ರಮುಖ ಆಟಗಾರರಿಗೆ ಸ್ಥಾನವಿಲ್ಲ!
- Technology Realme: ರಿಯಲ್ಮಿ ನಾರ್ಜೋ 70 5G, ನಾರ್ಜೋ 70x 5G ಸ್ಮಾರ್ಟ್ಫೋನ್ ಲಾಂಚ್! ಸಖತ್ ಫೀಚರ್ಸ್... ಬೆಲೆ ಎಷ್ಟು?
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ನೆಟ್ಫ್ಲಿಕ್ಸ್ನಲ್ಲಿಯೂ ಪ್ರಸಾರವಾಗಲಿದೆ ಜಾಹೀರಾತು! ಯಾವಾಗಲಿಂದ!
ಇದು ಒಟಿಟಿಗಳ ಜಮಾನಾ. ಹಲವಾರು ಒಟಿಟಿಗಳು ಭಾರತದಲ್ಲಿ ಸಕ್ರಿಯವಾಗಿವೆ ಮತ್ತು ಬಹುತೇಕ ಒಟಿಟಿಗಳು ಒಳ್ಳೆಯ ಲಾಭವನ್ನು ಮಾಡುತ್ತಿವೆ ಎನ್ನಲಾಗುತ್ತಿದೆ.
ಆದರೆ ಗ್ಲೋಬಲ್ ಮಟ್ಟದಲ್ಲಿ ಚಿತ್ರಣ ಬೇರೆಯದ್ದೇ ರೀತಿಯಲ್ಲಿದೆ. ವಿಶ್ವದ ಜನಪ್ರಿಯ ಒಟಿಟಿ ಆಗಿರುವ ನೆಟ್ಫ್ಲಿಕ್ಸ್ ಪ್ರಸ್ತುತ ನಷ್ಟದಲ್ಲಿದೆ ಎನ್ನಲಾಗುತ್ತಿದೆ. ನೆಟ್ಫ್ಲಿಕ್ಸ್ನ ಪ್ರತಿಸ್ಪರ್ಧಿಗಳಾದ ಡಿಸ್ನಿ ಪ್ಲಸ್ ಹಾಟ್ಸ್ಟಾರ್, ಅಮೆಜಾನ್ ಪ್ರೈಂ, ಸೋನಿ, ಆಪಲ್, ಡಿಸ್ಕವರಿ ಇನ್ನಿತರೆ ಒಟಿಟಿಗಳಿಗೆ ಅದರದ್ದೇ ಆದ ಬೇರೆ ಉದ್ಯಮ ಇದೆ. ಹಾಗಾಗಿ ಅವರು ನಷ್ಟವನ್ನು ಮ್ಯಾನೇಜ್ ಮಾಡುತ್ತಿವೆ ಆದರೆ ನೆಟ್ಫ್ಲಿಕ್ಸ್ಗೆ ಒಟಿಟಿ ಕಂಟೆಂಟ್ ಹೊರತಾಗಿ ಇನ್ನಾವುದೇ ವ್ಯವಹಾರ ಇಲ್ಲ.
ಇದೇ ಕಾರಣಕ್ಕೆ ಕೋವಿಡ್ ಪ್ರಭಾವ ಇಳಿಯುತ್ತಾ ಬಂದಂತೆ ನೆಟ್ಫ್ಲಿಕ್ಸ್ ಆದಾಯವೂ ಕುಸಿಯುತ್ತಿದೆಯಂತೆ. ಅಮೆರಿಕದಲ್ಲಿ ನೆಟ್ಫ್ಲಿಕ್ಸ್ನ ಷೇರು ಮೌಲ್ಯ 497 ಡಾಲರ್ ಕುಸಿದಿದೆ. ಆರು ತಿಂಗಳ ಹಿಂದೆ 690 ರ ಆಸುಪಾಸು ಇದ್ದ ನೆಟ್ಪ್ಲಿಕ್ಸ್ನ ಷೇರು ಮೌಲ್ಯ ಈಗ 190 ಡಾಲರ್ ಇದೆ. ಒಂದು ಸಮಯದಲ್ಲಿ 150 ಡಾಲರ್ಗೂ ಕುಸಿದಿತ್ತು ಷೇರು ಬೆಲೆ. ಇದೇ ಕಾರಣಕ್ಕೆ ನೆಟ್ಫ್ಲಿಕ್ಸ್ ಇದೀಗ ಹೊಸ ಐಡಿಯಾ ಒಂದನ್ನು ಮಾಡಿದೆ. ಆದರೆ ಇದು ವರ್ಕೌಟ್ ಆಗುತ್ತದೆಯೇ ಇಲ್ಲವೇ ಕಾದು ನೋಡಬೇಕಿದೆ.
ಜಾಹೀರಾತು ಪ್ರದರ್ಶಿಸಲಿರುವ ನೆಟ್ಫ್ಲಿಕ್ಸ್
ಸಾಮಾನ್ಯವಾಗಿ ಒಟಿಟಿಗಳಲ್ಲಿ ಜಾಹೀರಾತು ಬರುವುದಿಲ್ಲ. ಏಕೆಂದರೆ ಗ್ರಾಹಕ ಹಣ ನೀಡಿ ಅದರ ಸೇವೆ ಖರೀದಿಸಿರುತ್ತಾನೆ ಹಾಗಾಗಿ ಒಟಿಟಿಗಳು ಸಿನಿಮಾ ಪ್ರಸಾರ ಮಾಡುವಾಗ ಯಾವುದೇ ಜಾಹೀರಾತು ಪ್ರದರ್ಶನ ಮಾಡುವುದಿಲ್ಲ. ಆದರೆ ನೆಟ್ಫ್ಲಿಕ್ಸ್ ಇದೀಗ ತನ್ನ ನಷ್ಟವನ್ನು ಕಡಿಮೆ ಮಾಡಿಕೊಳ್ಳಲು ಒಟಿಟಿಯಲ್ಲಿ ಜಾಹೀರಾತು ಪ್ರದರ್ಶಿಸಲು ಯೋಜಿಸಿದೆ. ಆದರೆ ಇದನ್ನು ನೆಟ್ಫ್ಲಿಕ್ಸ್ನ ಸಬ್ಸ್ಕ್ರೈಬರ್ಗಳು ಒಪ್ಪುತ್ತಾರಾ? ಅನುಮಾನವಿದೆ.
ಸಿಬ್ಬಂದಿಗೆ ಮಾಹಿತಿ ನೀಡಿರುವ ನೆಟ್ಫ್ಲಿಕ್ಸ್
ಈ ವರ್ಷಾಂತ್ಯದಿಂದ ಒಟಿಟಿಯಲ್ಲಿ ಜಾಹೀರಾತುಗಳು ಪ್ರಸಾರವಾಗಬಹುದು ಎಂದು ಸ್ವತಃ ನೆಟ್ಫ್ಲಿಕ್ಸ್ ತನ್ನ ಸಿಬ್ಬಂದಿಗೆ ಸೂಚನೆ ನೀಡಿದೆಯಂತೆ. ಇದು ಮಾತ್ರವೇ ಅಲ್ಲದೆ, ಒಂದು ಖಾತೆಯಲ್ಲಿ ಇತರರು ನೆಟ್ಫ್ಲಿಕ್ಸ್ ಸೇವೆ ಆನಂದಿಸಬಹುದಾಗಿರುವ ಪ್ರಸ್ತುತ ಮಾದರಿಯನ್ನು ಪುನರ್ ಪರಿಶೀಲಿಸುವುದಾಗಿಯೂ ಹೇಳಿದೆ. ಜೊತೆಗೆ ಕಡಿಮೆ ಸಬ್ಸ್ಕ್ರೈಬರ್ ಶುಲ್ಕಕ್ಕೆ ಜಾಹೀರಾತು ಸಹಿತ ಕಂಟೆಂಟ್ ನೀಡುವ ಹೊಸ ಪ್ಲ್ಯಾನ್ ತರುವ ಆಲೋಚನೆಯೂ ಈ ಒಟಿಟಿ ದೈತ್ಯಕ್ಕಿದೆ.
ಈ ವರೆಗೆ ಜಾಹೀರಾತು ಪ್ರದರ್ಶಿಸಿಲ್ಲ ನೆಟ್ಫ್ಲಿಕ್ಸ್
ನೆಟ್ಫ್ಲಿಕ್ಸ್ ತನ್ನ ಗುಣಮಟ್ಟಕ್ಕೆ ಹೆಸರುವಾಸಿಯಾಗಿದೆ. ನೆಟ್ಫ್ಲಿಕ್ಸ್ ಯಾವುದೇ ಜಾಹೀರಾತನ್ನು ಒಟಿಟಿಯಲ್ಲಿ ಪ್ರಸಾರ ಮಾಡುವುದಿಲ್ಲ. ತನ್ನ ಪ್ರತಿಸ್ಪರ್ಧಿ ಒಟಿಟಿಗಳಿಗಿಂತಲೂ ಹೆಚ್ಚು ಸಬ್ಸ್ಕ್ರಿಪ್ಷನ್ ಶುಲ್ಕ ಪಡೆವ ನೆಟ್ಫ್ಲಿಕ್ಸ್ ಜಾಹೀರಾತು ಪ್ರದರ್ಶಿಸಲು ಮುಂದಾದರೆ ಅದನ್ನು ಸಬ್ಸ್ಕ್ರೈಬರ್ಗಳು ಒಪ್ಪುವುದು ಅನುಮಾನ. ನೆಟ್ಫ್ಲಿಕ್ಸ್ ಒಟಿಟಿ ಪ್ರಾರಂಭವಾದಾಗಿನಿಂದಲೂ ಜಾಹೀರಾತು ಪ್ರಸಾರವಾಗಿದ್ದಿಲ್ಲ.
ಮುಳುತ್ತಿರುವ ನೆಟ್ಫ್ಲಿಕ್ಸ್ ಅನ್ನು ಉಳಿಸುತ್ತವೆಯೇ?
ನೆಟ್ಫ್ಲಿಕ್ಸ್ ಇದೀಗ ತೀವ್ರ ಸಂಕಷ್ಟದಲ್ಲಿದೆ. ಈ ವರ್ಷಾರಂಭದ ಮೊದಲ ಮೂರು ತಿಂಗಳಿನಲ್ಲಿಯೇ ಸುಮಾರು 2 ಲಕ್ಷಕ್ಕೂ ಹೆಚ್ಚು ಸಬ್ಸ್ಕ್ರೈಬರ್ಗಳನ್ನು ನೆಟ್ಫ್ಲಿಕ್ಸ್ ಕಳೆದುಕೊಂಡಿದೆ. ಈ ದಶಮಾನದಲ್ಲಿಯೇ ಅತಿ ದೊಡ್ಡ ಸಬ್ಸ್ಕ್ರೈಬರ್ ಲಾಸ್ ಅನ್ನು ನೆಟ್ಫ್ಲಿಕ್ಸ್ ಎದುರಿಸಿದೆ. ಹಾಗಾಗಿ ಈ ಭಾರಿ ಹಿನ್ನಡೆಯನ್ನು ಸರಿತೂಗಿಸಲು ನೆಟ್ಫ್ಲಿಕ್ಸ್ ಈ ಯೋಜನೆ ರೂಪಿಸಿದೆ. ಇದರ ಜೊತೆಗೆ ನೆಟ್ಫ್ಲಿಕ್ಸ್ ಈಗ ನೀಡುತ್ತಿರುವ ವೆಬ್ ಸರಣಿ, ಸಿನಿಮಾ, ಡಾಕ್ಯುಮೆಂಟರಿಗಳ ಜೊತೆಗೆ ಲೈವ್ ಗೇಮ್ಗಳನ್ನು ಸಹ ನೀಡಲು ಮುಂದಾಗುತ್ತಿದೆ. ಈ ಯೋಜನೆಗಳು ಮುಳುಗುತ್ತಿರುವ ನೆಟ್ಫ್ಲೆಕ್ಸ್ ಅನ್ನು ಕಾಪಾಡುತ್ತವೆಯೇ? ಕಾದು ನೋಡಬೇಕಿದೆ.