ಅಭಿಮಾನಿಗಳ ಹುಬ್ಬೇರಿಸಿದ ನಟಿ ನಿತ್ಯಾ ಮೆನನ್ ಲಿಪ್ ಲಾಕ್

ದಕ್ಷಿಣ ಭಾರತದ ಸಿನಿಮಾಗಳಿಗೂ ವ್ಯಾಪಿಸಿದೆ

ಮೊದಲಿಗೆ ಬಾಲಿವುಡ್‌ನಲ್ಲಿ ಸಿನಿಮಾಗಳಲ್ಲಿ ಮಾತ್ರವೇ ಕಂಡುಬರುತ್ತಿದ್ದ ಲಿಪ್ ಲಾಕ್ ದೃಶ್ಯಗಳು ದಕ್ಷಿಣ ಭಾರತ ಚಿತ್ರಗಳಲ್ಲೂ ಈಗ ಢಾಳಾಗಿ ಕಂಡುಬರುತ್ತಿವೆ. ಆದರೆ ಎಲ್ಲಾ ನಟಿಯರೂ ಲಿಪ್ ಲಾಕ್ ದೃಶ್ಯಗಳು ಅಭಿನಯಿಸುತ್ತಿದ್ದಾರೆಂದಲ್ಲ. ಕೆಲವರು ಅಂಥಹಾ ದೃಶ್ಯಗಳಿಂದ ಅಂತರ ಕಾಯ್ದುಕೊಂಡಿದ್ದಾರೆ. ಅಂಥಹವರಲ್ಲಿ ನಿತ್ಯಾ ಮೆನನ್ ಸಹ ಒಬ್ಬರು.

ನಟಿಯೊಂದಿಗೆ ನಿತ್ಯಾ ಲಿಪ್ ಲಾಕ್

ಆದರೆ 'ಬ್ರೀತ್' ವೆಬ್ ಸರಣಿಯಲ್ಲಿ ನಿತ್ಯಾ ಮೆನನ್ ಲಿಪ್ ಲಾಕ್ ಮಾಡಿದ್ದಾರೆ. ಆದರೆ ಅದು ಮಹಿಳೆಯ ಜೊತೆಗೆ! ಹೌದು ಮಹಿಳಾ ಸಹ ನಟಿಯೊಂದಿಗಿನ ದೃಶ್ಯವೊಂದರಲ್ಲಿ ತುಟಿಗೆ ಚುಂಬಿಸುವ ದೃಶ್ಯದಲ್ಲಿ ನಿತ್ಯಾ ನಟಿಸಿದ್ದಾರೆ. ಆದರೆ ಇದು ಕತೆಗೆ ಪೂರಕವಾಗಿಯೇ ಇದೆ.

ಕತೆಗೆ ಪೂರಕವಾಗಿಯೇ ಇದೆ

ವೆಬ್ ಸರಣಿಯ ಕತೆಯಲ್ಲಿ ನಿತ್ಯಾ ಮೆನನ್ ಮತ್ತು ಆಕೆಯ ಪತಿ ಪಾತ್ರಧಾರಿ ಅಭಿಷೇಕ್ ಬಚ್ಚನ್ ಮಹಿಳೆಯೊಬ್ಬಾಕೆಯನ್ನು ಕೊಲ್ಲಬೇಕಾಗಿರುತ್ತದೆ. ಅದೂ ಆಕೆಯಲ್ಲಿ ಲೈಂಗಿಕ ವಾಂಛೆ ಹುಟ್ಟಿಸಿಯೇ ಕೊಲ್ಲಬೇಕಾಗಿರುತ್ತದೆ. ಸಲಿಂಗಿ ಆಗಿರುವ ಆಕೆಯೊಂದಿಗೆ ನಿತ್ಯಾ ಮೆನನ್ ಸರಸವಾಡಿ ಆಕೆಯನ್ನು ಕೊಲ್ಲುವ ಯೋಜನೆ ಮಾಡುತ್ತಾರೆ.

ನಿತ್ಯಾ ಮೆನನ್ ನಟನೆಗೆ ಮೆಚ್ಚುಗೆ

ಬ್ರೀತ್ ವೆಬ್ ಸರಣಿಯು ಅಮೆಜಾನ್ ಪ್ರೈಂ ನಲ್ಲಿ ಬಿಡುಗಡೆ ಆಗಿದ್ದು, ಉತ್ತಮ ಪ್ರತಿಕ್ರಿಯೆ ಗಳಿಸಿದೆ. ನಿತ್ಯಾ ಮೆನನ್ ನಟನೆಯನ್ನು ವೀಕ್ಷಕರು ಮೆಚ್ಚಿದ್ದಾರೆ. ಈ ಹಿಂದೆ ಇದೇ ಹೆಸರಿನ ಸರಣಿಯಲ್ಲಿ ಮಾಧವನ್ ನಟಿಸಿದ್ದರು. ಅದು ಸಹ ಸಾಕಷ್ಟು ಹಿಟ್ ಆಗಿತ್ತು.