Don't Miss!
- News Rain Alert: ರಾಜ್ಯಾದ್ಯಂತ ಹಲವು ಜಿಲ್ಲೆಗಳಲ್ಲಿ ವ್ಯಾಪಕ ಮಳೆ; ಜಿಲ್ಲಾವಾರು ಮಳೆ ವಿವರ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Automobiles ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಪವನ್ ಕುಮಾರ್ ನಿರ್ದೇಶನದ ತೆಲುಗು ವೆಬ್ ಸರಣಿ ಬಿಡುಗಡೆ ದಿನಾಂಕ ಪ್ರಕಟ
'ಲೂಸಿಯಾ', 'ಯು-ಟರ್ನ್' ಕನ್ನಡ ಸಿನಿಮಾಗಳ ಮೂಲಕ ಜನಪ್ರಿಯತೆ, ಯಶಸ್ಸು ಗಳಿಸಿರುವ ನಿರ್ದೇಶಕ ಪವನ್ ಕುಮಾರ್ ನಿರ್ದೇಶನದ ಮೊದಲ ತೆಲುಗು ವೆಬ್ ಸರಣಿಯ ಬಿಡಗುಡೆ ದಿನಾಂಕ ಪ್ರಕಟಗೊಂಡಿದೆ.
ಪವನ್ ಕುಮಾರ್ ಕುಮಾರ್ ನಿರ್ದೇಶಿಸಿರುವ ತೆಲುಗು ವೆಬ್ ಸರಣಿ 'ಕುಡಿ ಎಡಮೈತೆ' ವೆಬ್ ಸರಣಿಯು ಆಹಾ ಒಟಿಟಿಯಲ್ಲಿ ಜುಲೈ 16 ಕ್ಕೆ ಬಿಡುಗಡೆ ಆಗಲಿದೆ.
ಆಹಾ ತೆಲುಗು ಕಂಟೆಂಟ್ಗಾಗಿಯೇ ಸೀಮಿತವಾಗಿ ಒಟಿಟಿ ಆಗಿದ್ದು, ಇದೇ ಒಟಿಟಿಗಾಗಿ ಪವನ್ ಕುಮಾರ್ 'ಕುಡಿ ಎಡಮೈತೆ' ಹೆಸರಿನ ಥ್ರಿಲ್ಲರ್ ವೆಬ್ ಸರಣಿಯನ್ನು ನಿರ್ದೇಶನ ಮಾಡಿದ್ದಾರೆ. 'ಕುಡಿ ಎಡಮೈತೆ' (ಬಲ ಎಡವಾದರೆ) ಎಂಟು ಎಪಿಸೋಡ್ಗಳಿರಲಿದೆ.
ವೆಬ್ ಸರಣಿಯಲ್ಲಿ ಅಮಲಾ ಪೌಲ್ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದು, ಇನ್ನೂ ಹಲವು ತೆಲುಗಿನ ಜನಪ್ರಿಯ ಕಲಾವಿದರು, ಹಲವು ಕನ್ನಡದ ಕಲಾವಿದರು ಸಹ ನಟಿಸಿದ್ದಾರೆ. ಅಮಲಾ ಪೌಲ್ ರದ್ದು ಪೊಲೀಸ್ ಅಧಿಕಾರಿಯ ಪಾತ್ರ ಎಂಬುದು ಪೋಸ್ಟರ್ಗಳಿಂದ ಗೊತ್ತಾಗುತ್ತಿದೆ.
ಈ ಬಗ್ಗೆ ಇಂದು ಮಾತನಾಡಿರುವ ಪವನ್, ''ತೆಲುಗಿನಲ್ಲಿ ನಾನು ನಿರ್ದೇಶಿಸಿರುವ ವೆಬ್ ಸರಣಿ ಬಿಡುಗಡೆ ಆಗುತ್ತಿದೆ. ಈ ವೆಬ್ ಸರಣಿ ಏಕೆ ಕನ್ನಡದಲ್ಲಿಲ್ಲ ಎಂದು ಹಲವರು ಪ್ರಶ್ನೆ ಮಾಡಿದ್ದಾರೆ. 'ಆಹಾ' ತೆಲುಗಿಗೆ ಸೀಮಿತವಾಗಿ ಒಟಿಟಿ. ಅಲ್ಲದೆ ಕನ್ನಡದಲ್ಲಿ ವೆಬ್ ಸರಣಿ ಮಾಡಿದರೂ ಇಲ್ಲಿ ಪ್ರದರ್ಶಿಸಲು ಸೂಕ್ತ ಒಟಿಟಿ ವ್ಯವಸ್ಥೆ ಇಲ್ಲ'' ಎಂದು ಉತ್ತರ ನೀಡಿದ್ದಾರೆ ಪವನ್ ಕುಮಾರ್.
ವೆಬ್ ಸರಣಿಯಲ್ಲಿ ಹಲವು ಕನ್ನಡದ ತಂತ್ರಜ್ಞರೆ ಕೆಲಸ ಮಾಡಿದ್ದಾರೆ. ವೆಬ್ ಸರಣಿಗೆ ಪೂರ್ಣಚಂದ್ರ ಸಂಗೀತ ನೀಡಿದ್ದಾರೆ. 'ಯೂ-ಟರ್ನ್'ಸಿನಿಮಾಕ್ಕೆ ಕೆಲಸ ಮಾಡಿದ ಹಲವು ಮಂದಿ ಈ ವೆಬ್ ಸರಣಿಗಾಗಿ ಕೆಲಸ ಮಾಡಿದ್ದಾರೆ.