Don't Miss!
- News ಬಿಎಂಟಿಸಿ & ನಮ್ಮ ಮೆಟ್ರೋ ಪ್ರಯಾಣಿಕರ ಸಂಖ್ಯೆಯಲ್ಲಿ ದಿಢೀರ್ ಹೆಚ್ಚಳಕ್ಕೆ ಕಾರಣ ಏನು?-ಇಲ್ಲಿದೆ ಮಾಹಿತಿ
- Automobiles ಭಾರತದಲ್ಲಿ 80 ಲಕ್ಷ ಸ್ಕೂಟರ್ ಮಾರಿದ ಜಪಾನ್ ಕಂಪನಿ: ವಿಶ್ವಗುರು ಭಾರತದಲ್ಲಿ ಎಲ್ಲವೂ ಸಾಧ್ಯ!
- Technology 6000mAh ಬ್ಯಾಟರಿಯ ಈ ಫೋನ್ ಶೀಘ್ರದಲ್ಲೇ ಖರೀದಿಗೆ ಲಭ್ಯ!..ಬೆಲೆ ಎಷ್ಟು?
- Sports ಧೋನಿ ಎದುರು ಬಂದಾಗ ಕೆ.ಎಲ್ ರಾಹುಲ್ ಕ್ಯಾಪ್ ತೆಗೆದಿದ್ದೇಕೆ?: ಕಾರಣವೇನು?
- Lifestyle 2 ಬಗೆಯ ಮಜ್ಜಿಗೆ ಸಾರು ರೆಸಿಪಿ: ಕಾಯಿ ಹಾಕಿದ, ಕಾಯಿ ಹಾಕದ ಸಾರಿನ ರೆಸಿಪಿ
- Finance Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ವೆಂಕಟೇಶ್, ರಾಣಾ ದಗ್ಗುಬಾಟಿ 'ರಾಣಾ ನಾಯ್ಡು' ಟೀಸರ್ ಔಟ್; ಲಿಪ್ಲಾಕ್ ದೃಶ್ಯ ವೈರಲ್!
ಒಂದೇ ಕುಟುಂಬದ ಕಲಾವಿದರಾದ ನಟ ರಾಣಾ ದಗ್ದುಬಾಟಿ ಹಾಗೂ ದಗ್ಗುಬಾಟಿ ವೆಂಕಟೇಶ್ ಇದೇ ಮೊದಲ ಬಾರಿಗೆ ಒಟ್ಟಿಗೆ ಅಭಿನಯಿಸಿದ್ದು, ಅಭಿಮಾನಿಗಳ ಬಹು ದಿನದ ಆಸೆ ಪೂರೈಕೆ ಆಗಲಿದೆ. ಹೌದು, ಈ ಇಬ್ಬರೂ ಒಟ್ಟಿಗೆ ಕಾಣಿಸಿಕೊಂಡಿರುವ ರಾಣಾ ನಾಯ್ಡು ವೆಬ್ ಸರಣಿಯ ಟೀಸರ್ ಇಂದು ( ಸೆಪ್ಟೆಂಬರ್ 24 ) ನೆಟ್ಫ್ಲಿಕ್ಸ್ ಯುಟ್ಯೂಬ್ ಚಾನೆಲ್ನಲ್ಲಿ ಬಿಡುಗಡೆಗೊಂಡಿದೆ.
ರಾಣಾ ನಾಯ್ಡು ಅಮೆರಿಕಾದ ಖ್ಯಾತ ಕ್ರೈಮ್ ಥ್ರಿಲ್ಲರ್ ಶೋ ರೇ ಡಾನಾವನ್ನಿಂದ ಅಧಿಕೃತವಾಗಿ ಪ್ರೇರೇಪಿತಗೊಂಡು ನಿರ್ಮಾಣವಾದ ವೆಬ್ ಸರಣಿಯಾಗಿದೆ. ಈ ವೆಬ್ ಸರಣಿಯ ಟೀಸರ್ ಬಿಡುಗಡೆಯಾದ ನಂತರ ಸಿನಿ ರಸಿಕರ ಗಮನವನ್ನು ಸೆಳೆಯುವಲ್ಲಿ ಸಫಲವಾಗಿದೆ. 'ಏನಾದರೂ ಸಹಾಯ ಬೇಕಾ' ಎಂಬ ರಾಣಾರ ಹಿನ್ನೆಲೆ ಧ್ವನಿಯ ಮೂಲಕ ಟೀಸರ್ ಆರಂಭವಾಗುತ್ತೆ. ನಂತರ ವ್ಯಕ್ತಿಯೋರ್ವ 'ಸಿಟಿಯಲ್ಲಿ ನಿಮ್ಮ ಸಹಾಯದ ಬಗ್ಗೆ ತುಂಬಾ ಕೇಳಿದ್ದೇನೆ, ಯಾರಾದರೂ ಸೆಲೆಬ್ರಿಟಿಗೆ ತೊಂದರೆ ಎದುರಾದಾಗ ಅವರು ನಿಮಗೆ ಕರೆ ಮಾಡ್ತಾರೆ, ಫಿಕ್ಸರ್ ಫಾರ್ ದ ಸ್ಟಾರ್ಸ್' ಎಂದು ಡೈಲಾಗ್ ಹೇಳ್ತಾನೆ.
ಅಲ್ಲಿಗೆ ರಾಣಾ ಈ ಚಿತ್ರದಲ್ಲಿ ರಾಣಾ ವಿವಾದಕ್ಕೊಳಗಾಗುವ ಹಾಗೂ ಸಂಕಷ್ಟಕ್ಕೆ ಸಿಲುಕುವ ಸೆಲೆಬ್ರಿಟಿಗಳನ್ನು ಸುಪಾರಿ ಮೇರೆಗೆ ಕಾಪಾಡುವ ಫಿಕ್ಸರ್ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎಂಬುದು ಖಚಿತವಾಗಿದೆ. ರಾಣಾ ಡೀಲ್ ಮಾಡ್ತಿದ್ದಾರೆ ಎಂದರೆ ಅದು ದೊಡ್ಡ ಮಟ್ಟದ್ದೇ ಆಗಿರುತ್ತದೆ ಎಂಬ ರಾಣಾಗೆ ಬಿಲ್ಡಪ್ ಕೊಡುವ ಮತ್ತೊಂದು ಡೈಲಾಗ್ ಇದೆ. ಇದಾದ ಬೆನ್ನಲ್ಲೇ ಕಾರ್ ಚೇಸ್ ದೃಶ್ಯವಿದ್ದು, 'ರಾಣಾನನ್ನು ಸದೆ ಬಡಿಯೋಕೆ ಒಬ್ಬ ವ್ಯಕ್ತಿಯಿದ್ದಾನೆ' ಎಂದಾಗ ಬೇಡಿ ತೊಟ್ಟ ವಯಸ್ಸಾದ ವ್ಯಕ್ತಿಯ ಕೈಗಳನ್ನು ತೋರಿಸಲಾಗುತ್ತದೆ.
ಬಳಿಕ ವಿಕ್ಟರಿ ವೆಂಕಟೇಶ್ ಬಿಳಿ ಗಡ್ಡಧಾರಿಯಾಗಿ ಪ್ರತ್ಯಕ್ಷರಾಗ್ತಾರೆ. ಇಬ್ಬರ ಮುಖಾಮುಖಿಯ ದೃಶ್ಯವಿದ್ದು ವಿಕ್ಟರಿ ವೆಂಕಟೇಶ್ ರಾಣಾ ದಗ್ಗುಬಾಟಿಗೆ 'ಎಷ್ಟೇ ಆದರೂ ನಾನು ನಿನ್ನ ಅಪ್ಪ, ನನ್ನನ್ನು ಅಪ್ಪ ಅಂತ ಕರಿಯೋದಿಲ್ವಾ' ಎಂದು ಪ್ರಶ್ನೆ ಹಾಕ್ತಾರೆ. ಇದಕ್ಕೆ ಪ್ರತ್ಯುತ್ತರ ನೀಡುವ ರಾಣಾ 'ಒಳ್ಳೆ ಅಪ್ಪನಾಗಿ ಇದ್ದಿದ್ರೆ ಅಪ್ಪ ಅಂತ ಕರೆಯತ್ತಿದ್ದೆ' ಎನ್ನುತ್ತಾರೆ. ಈ ಸಂಭಾಷಣೆ ಬಳಿಕ ರಾಣಾ ವಿಕ್ಟರಿ ವೆಂಕಟೇಶ್ಗೆ ಗನ್ ಗುರಿ ಇಡುವು ದೃಶ್ಯವೂ ಇದೆ ಹಾಗೂ ಟೀಸರ್ ಅಂತ್ಯಗೊಂಡು ಅತಿ ಶೀಘ್ರದಲ್ಲಿ ಬರಲಿದೆ ಎಂಬ ಮಾಹಿತಿಯನ್ನು ನೀಡಿದೆ ತಂಡ.
ಇನ್ನು ಈ ಟೀಸರ್ನ ದೃಶ್ಯಗಳಲ್ಲಿ ರಾಣಾ ಸಿಸಿಟಿವಿ ಕ್ಯಾಮೆರಾ ಒಡೆದು ಹಾಕುವುದು, ರಕ್ತಸಿಕ್ತ ಕ್ರಿಕೆಟ್ ಬ್ಯಾಟ್ ಹಿಡಿದು ಹೊಡೆದಾಡುವುದು ಹಾಗೂ ಲಿಪ್ ಲಾಕ್ ಮಾಡುವ ದೃಶ್ಯಗಳಲ್ಲಿ ಕಾಣಿಸಿಕೊಂಡಿದ್ದಾರೆ.