ಬಾಲಯ್ಯನ ಮುಂದೆ ವಿಶೇಷ ಬೇಡಿಕೆ ಇಟ್ಟ ನಿರ್ದೇಶಕ RGV!

ಕಾರ್ಯಕ್ರಮಕ್ಕೆ ಆಹ್ವಾನಿಸುವಂತೆ ಬಾಲಯ್ಯನಿಗೆ ಬೇಡಿಕೆ!

ನಿರ್ದೇಶಕ ರಾಮ್‌ ಗೋಪಾಲ್‌ ವರ್ಮಾ ಅವರು ಬಾಲಯ್ಯು ಅವರು ನಡೆಸಿಕೊಡುವ ಈ ಕಾರ್ಯಕ್ರಮವನ್ನು ನೋಡುತ್ತಾರೆ ಅಂತೆ. ಹಾಗಾಗಿ ತಮಗೂ ಕೂಡ ಈ ಕಾರ್ಯಕ್ರಮದಲ್ಲಿ ಭಾಗಿ ಆಗಿ ಒಂದಷ್ಟು ವಿಚಾರಗಳನ್ನು ಹಂಚಿಕೊಳ್ಳುವ ಇಂಗಿತ ಇದೆಯಂತೆ. ಇದನ್ನು ಟ್ವೀಟ್ ಮಾಡುವ ಮೂಲಕ ಸ್ವತಃ ಆರ್‌ ಜಿ ವಿ ಹೊರ ಹಾಕಿದ್ದಾರೆ. "ನಾನು 'ಆಹಾ'ದ 'ಅನ್‌ಸ್ಟಾಪಬಲ್' ಕಾರ್ಯಕ್ರಮವನ್ನು ಇಷ್ಟ ಪಡುತ್ತೇನೆ. ಮತ್ತು ನಾನು ಶೋನಲ್ಲಿರಲು ಬಯಸುತ್ತೇನೆ , ಬಾಲಯ್ಯ ಅವರು ನನಗೆ ಈ ಅವಕಾಶವನ್ನು ನೀಡುತ್ತಾರೆ ಎಂದು ನಾನು ಭಾವಿಸುತ್ತೇನೆ " ಎಂದು ರಾಮ್‌ ಗೋಪಾಲ್‌ ವರ್ಮಾ ಟ್ವಿಟ್‌ನಲ್ಲಿ ಬರೆದುಕೊಂಡಿದ್ದಾರೆ.

ರಾಜಮೌಳಿ, ಮಹೇಶ್ ಬಾಬು, ರವಿತೇಜ, ಅಲ್ಲು ಅರ್ಜುನ್ ಭಾಗಿ!

ಈಗಾಗಲೇ ಈ ಕಾರ್ಯಕ್ರಮದಲ್ಲಿ ಹಲವಾರು ಸಿನಿಮಾ ತಾರೆಯರು ಭಾಗಿ ಆಗಿದ್ದಾರೆ. ಅಲ್ಲು ಅರ್ಜುನ್, ರಶ್ಮಿಕಾ ಮಂದಣ್ಣ, ರಾಜಮೌಳಿ, ರವಿತೇಜ, ಮಹೇಶ್‌ ಬಾಬು, ನಾನಿ ಸೇರಿದಂತೆ ಹಲವು ಸ್ಟಾರ್‌ಗಳು ಈ ಕಾರ್ಯಕ್ರಮದಲ್ಲಿ ಈಗಾಗಲೇ ಕಾಣಿಸಿಕೊಂಡಿದ್ದಾರೆ. ಈ ಕಾರ್ಯಕ್ರಮವನ್ನು ಬಾಲಯ್ಯ ಅವರು ತಮಾಷೆಯಾಗಿ ನಡೆಸಿಕೊಡುತ್ತಾರೆ. ಬಾಲಯ್ಯ ಅವರ ಮಾತುಗಳನ್ನು ಕೇಳಲೆಂದೆ ಹಲವರು ಈ ಕಾರ್ಯಕ್ರಮವನ್ನು ನೋಡುತ್ತಾರೆ. ಅಲ್ಲದೆ ಇದಕ್ಕೆ ಹೆಚ್ಚಿನ ಅಭಿಮಾನಿಗಳು ಕೂಡ ಇದ್ದಾರೆ.

ಬಾಲಯ್ಯ, ರವಿತೇಜ ಕೋಲ್ಡ್ ವಾರ್ ಗಾಪಿಸ್‌ಗೆ ಬ್ರೇಕ್!

ಇನ್ನು ಕಾರ್ಯಕ್ರಮದಲ್ಲಿ ನಟ ಮಾಸ್‌ ಮಹಾರಾಜ ರವಿತೇಜ ಅವರು ಕೂಡ ಭಾಗಿ ಆಗಿದ್ದರು. ರವಿತೇಜ ಅವರು ಈ ಕಾರ್ಯಕ್ರಮದಲ್ಲಿ ಕಾಣಿಸಿಕೊಂಡಿದ್ದು ಅಚ್ಚರಿಗೆ ಕಾರಣ ಆಗಿತ್ತು. ಯಾಕೆಂದರೆ ಬಾಲಯ್ಯ ಮತ್ತು ರವಿತೇಜ ನಡುವೆ ಕೋಲ್ಡ್ ವಾರ್ ಇದೆ ಎನ್ನುವ ಸುದ್ದಿ ಹಲವು ದಿನಗಳಿಂದ ಜೀವಂತವಾಗಿ ಇತ್ತು. ಅದಕ್ಕೆಲ್ಲಾ ಈ ಕಾರ್ಯಕ್ರಮ ಬ್ರೇಕ್‌ ಹಾಕಿತು. ಕಾರ್ಯಕ್ರಮದಲ್ಲಿ ಇಬ್ಬರು ನಟರು ಆಪ್ತವಾಗಿಯೇ ಇದ್ದದ್ದು ಅವರ ಅಭಿಮಾನಿಗಳ ಸಂತಸಕ್ಕೆ ಕಾರಣ ಆಗಿತ್ತು.

RGV ಸಿಗುತ್ತಾ ಬಾಲಯ್ಯನ ಆಹ್ವಾನ?

ಇನ್ನು ಈಗ ನಿರ್ದೇಶಕ ರಾಮ್‌ ಗೋಪಾಲ್‌ ವರ್ಮಾ ಅವರು ತಾವೇ ಸ್ವತಃ ಈ ಕಾರ್ಯಕ್ರಮದಲ್ಲಿ ಭಾಗಿ ಆಗಲು ಕೇಳಿಕೊಂಡಿದ್ದಾರೆ. ಆದರೆ ಬಾಲಯ್ಯ ಕಡೆಯಿಂದ, ಕಾರ್ಯಕ್ರಮ ಆಯೋಜಕರ ಕಡೆಯಿಂದ ರಾಮ್‌ ಗೋಪಾಲ್‌ ವರ್ಮಾ ಅವರಿಗೆ ಆಹ್ವಾನ ಹೋಗುತ್ತಾ?. ಹಾಗೆ ಒಂದು ವೇಳೆ ಈ ಕಾರ್ಯಕ್ರಮದಲ್ಲಿ ಆರ್‌ಜಿವಿ ಭಾಗಿ ಆಗಿದ್ದೇ ಆದರೆ ಏನೆಲ್ಲಾ ಮಾತನಾಡಬಹುದು ಎನ್ನುವ ಕುತೂಹಲ ಸೃಷ್ಟಿ ಆಗಿದೆ.