ಸಿಎಂ ಮೊಮ್ಮಕಳಿಬ್ಬರನ್ನು ಡೇಟ್ ಮಾಡಿದ್ದ ಸಾರಾ ಅಲಿ ಖಾನ್-ಜಾನ್ಹವಿ! ಕರಣ್ ಬಿಚ್ಚಿಟ್ಟ ರಹಸ್ಯ

ಅವಾಕ್ಕಾದ ಲಲನೆಯರು

'ನೀವಿಬ್ಬರೂ ಸ್ವಂತ ಅಣ್ಣ-ತಮ್ಮಂದಿರನ್ನು ಡೇಟ್ ಮಾಡಿದ್ದಿರಿ' ಆ ಬಗ್ಗೆ ಸ್ವಲ್ಪ ಹೇಳಿ? ಎಂದು ಶೋನಲ್ಲಿ ಕರಣ್ ಜೋಹರ್ ಜಾನ್ಹವಿ ಹಾಗೂ ಸಾರಾ ಅಲಿ ಖಾನ್ ಅನ್ನು ಕೇಳಿದ್ದಾರೆ. ಆಗ ಇಬ್ಬರೂ ಅವಾಕ್ಕಾಗಿದ್ದಾರೆ. ಈ ವಿಷಯ ನಿಮಗೆ ಹೇಗೆ ಗೊತ್ತು ಎಂದು ಗಾಬರಿಯಾಗಿದ್ದಾರೆ. ಅಸಲಿಗೆ ಜಾನ್ಹವಿ ಹಾಗೂ ಸಾರಾ ಅಲಿ ಖಾನ್ ಡೇಟ್ ಮಾಡಿದ ಹುಡುಗರು ಸಾಮಾನ್ಯದವರಲ್ಲ, ಬದಲಿಗೆ ಮಹಾರಾಷ್ಟ್ರದ ಮಾಜಿ ಸಿಎಂನ ಮೊಮ್ಮಕ್ಕಳು!

ಮಾಜಿ ಸಿಎಂ ಮೊಮ್ಮಕಳ ಜೊತೆ ಡೇಟಿಂಗ್

ಸಾರಾ ಅಲಿ ಖಾನ್ ವೀರ್ ಪಹಾರಿಯಾ ಎಂಬುವರನ್ನು ಪ್ರೀತಿಸಿದ್ದರೆ, ಜಾನ್ಹವಿ ಶಿಖರ್ ಪಹಾರಿಯಾ ಅನ್ನು ಪ್ರೇಮಿಸಿದ್ದರು. ಈ ಇಬ್ಬರು ಮಹಾರಾಷ್ಟ್ರದ ಮಾಜಿ ಸಿಎಂ ಸುಶೀಲ್ ಕುಮಾರ್ ಶಿಂಧೆ ಅವರ ಮೊಮ್ಮಕ್ಕಳು. ವೀರ್ ಪಹಾರಿಯಾ ಉದ್ಯಮಿ ಆಗಿದ್ದು, ಆಲ್ಬಂ ನಿರ್ಮಾಪಕ ಮತ್ತು ಸಂಗೀತ ಸಂಯೋಜಕ ಸಹ ಆಗಿದ್ದಾರೆ. ಇನ್ನು ಶಿಖರ್ ಪಹಾರಿಯಾ ಉದ್ಯಮಿ ಆಗಿದ್ದು ಒಳ್ಳೆಯ ಪೋಲೋ ಆಟಗಾರ ಆಗಿದ್ದಾರೆ.

ಚಿತ್ರಗಳ ಸಮೇತ ಮಾಹಿತಿ ಹುಡುಕಿದ ನೆಟ್ಟಿಗರು

ಶೋ ನಲ್ಲಿ ಆ ಇಬ್ಬರು ಅಣ್ಣ ತಮ್ಮಂದಿರು ಮಹಾರಾಷ್ಟ್ರದ ಮಾಜಿ ಸಿಎಂ ಸುಶೀಲ್ ಕುಮಾರ್ ಶಿಂಧೆಯ ಮೊಮ್ಮಕ್ಕಳು ಎಂಬ ಅಂಶವನ್ನು ಬಹಿರಂಗಪಡಿಸಿಲ್ಲ. ಆದರೆ ಶೋ ನೋಡಿದ ನೆಟ್ಟಿಗರು ಈ ವಿಷಯವನ್ನು ಹುಡುಕಿ ಹೊರಹಾಕಿದ್ದಾರೆ. ಅಷ್ಟೆ ಅಲ್ಲದೆ, ಸಾರಾ-ವೀರ್ ಒಟ್ಟಿಗಿರುವ ಚಿತ್ರವನ್ನು, ಜಾನ್ಹವಿ, ಶಿಖರ್ ಪಹಾರಿಯಾ ಅನ್ನು ಮಾದಕವಾಗಿ ತಬ್ಬಿಕೊಂಡಿರುವ ಚಿತ್ರವನ್ನು ಸಹ ಹುಡುಕಿ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಮಾಡಿದ್ದಾರೆ.

ಕರಣ್ ಅಪಾರ್ಟ್‌ಮೆಂಟ್‌ನಲ್ಲಿಯೇ ಇದ್ದರಂತೆ ಯುವಕರು

ಕರಣ್ ಜೋಹರ್, ಸಾರಾ ಅಲಿ ಖಾನ್ ಹಾಗೂ ಜಾನ್ಹವಿ ಕಪೂರ್ ಅವರನ್ನು ತಮ್ಮ ಹಳೆಯ ಪ್ರೇಮಕತೆ ಬಗ್ಗೆ ಕೇಳಿದಾಗ ಇಬ್ಬರಿಗೂ ಶಾಕ್ ಆಗಿದೆ. ''ಈ ಪ್ರಶ್ನೆ ಕೇಳುತ್ತಾರೆಂಬುದು ನಿನಗೆ ಗೊತ್ತಿತ್ತ'' ಎಂದು ಸಾರಾ, ಜಾಹ್ನವಿಯನ್ನು ಅನುಮಾನದಿಂದ ಕೇಳಿದ್ದಾರೆ. ಅದಕ್ಕೆ ಇಲ್ಲ ಎಂದ ಜಾನ್ಹವಿ, ''ಈ ವಿಷಯ ನಿಮಗೆ ಹೇಗೆ ಗೊತ್ತು?'' ಎಂದು ಕರಣ್ ಜೋಹರ್ ಅನ್ನೇ ಪ್ರಶ್ನೆ ಮಾಡಿದ್ದಾರೆ. ಅಸಲಿಗೆ ಆ ಇಬ್ಬರು ಹುಡುಗರು ನಾನಿದ್ದ ಅಪಾರ್ಟ್‌ಮೆಂಟ್‌ನ ಫ್ಲಾಟ್‌ನಲ್ಲಿಯೇ ವಾಸವಿದ್ದರು ಎಂದು ಗುಟ್ಟು ರಟ್ಟು ಮಾಡಿದ್ದಾರೆ.