ಶಿವಾಜಿ ಸೂರತ್ಕಲ್ ಸಿನಿಮಾ ಡಿಜಿಟಲ್ ಬಿಡುಗಡೆ ದಿನಾಂಕ ಪ್ರಕಟ

ಹಕ್ಕುಗಳನ್ನು ಜೀ ಗೆ ಮಾರಲಾಗಿತ್ತು

ಶಿವಾಜಿ ಸೂರತ್ಕಲ್ ಸಿನಿಮಾದ ಡಿಜಿಟಲ್ ಹಕ್ಕುಗಳನ್ನು ಜೀ ಗೆ ಮಾರಾಟ ಮಾಡಲಾಗಿತ್ತು. ಪ್ರಸ್ತುತ ಜೀ ಮೂಲಕವೇ ಶಿವಾಜಿಸೂರತ್ಕಲ್ ಸಿನಿಮಾ ತೆರೆಗೆ ಬರುತ್ತಿದೆ. ಸಿನಿಮಾದ ಟಿವಿ ಹಕ್ಕುಗಳ ಸಹ ಜೀ ಗೆ ಮಾರಾಟವಾಗಿದೆ ಎನ್ನಲಾಗಿದೆ.

ಡಿಜಿಟಲ್ ಬಿಡುಗಡೆ ದಿನಾಂಕ ಪ್ರಕಟ

ಶಿವರಾಜಿ ಸೂರತ್ಕಲ್ ಸಿನಿಮಾವು ಜೀ 5 ನಲ್ಲಿ ಆಗಸ್ಟ್ 7 ರಂದು ಪ್ರಸಾರವಾಗಲಿದೆ. ಮೊದಲಿಗೆ ಜಿ 5 ಮೂಲಕ ಡಿಜಿಟಲ್ ಬಿಡುಗಡೆ ಆಗಲಿರುವ ಸಿನಿಮಾ ನಂತರ ಜೀ ನಲ್ಲಿಯೇ ಸ್ಯಾಟಲೈಟ್ ಬಿಡುಗಡೆ ಆಗಲಿದೆ.

ಮರುಬಿಡುಗಡೆ ಮಾಡುವ ಇರಾದೆ ಇತ್ತು

ಕೊರೊನಾ ಪ್ರಕರಣಗಳು ಕಡಿಮೆಯಾಗಿ ಚಿತ್ರಮಂದಿರಗಳು ಪುನಃ ಪ್ರಾರಂಭವಾದಲ್ಲಿ ಸಿನಿಮಾವನ್ನು ಚಿತ್ರಮಂದಿರಗಳಲ್ಲಿ ಮತ್ತೊಮ್ಮೆ ಬಿಡುಗಡೆ ಮಾಡುವ ಇರಾದೆ ಚಿತ್ರತಂಡಕ್ಕೆ ಇತ್ತು. ಫೆಬ್ರವರಿ 21 ರಂದು ಬಿಡುಗಡೆಯಾಗಿದ್ದ ಈ ಸಿನಿಮಾ ಒಂದು ಚಿತ್ರಮಂದಿರ ಬಂದ್ ಆಗುವವರೆಗೆ ಚೆನ್ನಾಗಿಯೇ ಪ್ರದರ್ಶನ ಕಂಡಿತ್ತು.

ಆಕಾಶ್ ಶ್ರೀವತ್ಸ ನಿರ್ದೇಶನ

ರಮೇಶ್ ಅರವಿಂದ್ ನಾಯಕ ನಟರಾಗಿ ನಟಿಸಿರುವ ಶಿವಾಜಿ ಸೂರತ್ಕಲ್ ಸಿನಿಮಾದಲ್ಲಿ ಅರೋಹಿ ನಾರಾಯಣ್, ರಾಧಿಕಾ ನಾರಾಯಣ್, ವಿನಯ್ ಗೌಡ, ಅವಿನಾಶ್, ಸೂರ್ಯ ವಸಿಷ್ಠ ನಟಿಸಿದ್ದಾರೆ. ಪತ್ತೆದಾರಿ ಕತೆಯ ಈ ಸಿನಿಮಾವನ್ನು ಆಕಾಶ್ ಶ್ರೀವತ್ಸ ನಿರ್ದೇಶಿಸಿದ್ದಾರೆ.