ಅನುಶ್ರೀ ಕ್ಯಾರವಾನ್‌ಗೆ ನುಗ್ಗಿದ ಕಾಫಿನಾಡು ಚಂದು: ಶಿವಣ್ಣನನ್ನು ನೋಡುವ ಛಾನ್ಸ್ ಸಿಕ್ತಾ?

ಶಿವಣ್ಣನನ್ನು ಭೇಟಿ ಮಾಡಿದ್ರಾ ಕಾಫಿನಾಡು ಚಂದು?

ಪ್ರತಿವಾರ ಡ್ಯಾನ್ಸ್ ಕರ್ನಾಟಕ ಡ್ಯಾನ್ಸ್ ಶೋ ಚಿತ್ರೀಕರಣದಲ್ಲಿ ಶಿವಣ್ಣ ಭಾಗವಹಿಸುತ್ತಾರೆ. ಇದೀಗ ಕಾಫಿ ನಾಡು ಚಂದು, ಅನುಶ್ರೀ ಜೊತೆ ಕಾಣಿಸಿಕೊಂಡಿರುವುದು ನೋಡಿದರೆ ಶಿವಣ್ಣನನ್ನು ಭೇಟಿ ಮಾಡಿದಂತೆ ಕಾಣುತ್ತಿದೆ. ಅಥವಾ ಶಿವಣ್ಣನನ್ನು ಭೇಟಿ ಮಾಡಲು ಅವಕಾಶ ಮಾಡಿಕೊಡುವಂತೆ ಅನುಶ್ರೀ ಬಳಿ ಮಾತನಾಡಿದಂತಿದೆ. ಒಟ್ನಲ್ಲಿ ಶೀಘ್ರದಲ್ಲೇ ಕಾಫಿನಾಡಿನ ಹುಡುಗನ ಆಸೆ ಈಡೇರುವ ಸುಳಿವು ಸಿಗುತ್ತಿದೆ.

ಕಾಫಿನಾಡು ಚಂದು ಹಾಡಿಗೆ ಅನುಶ್ರೀ ಖುಷ್

ಅನುಶ್ರೀ ಕ್ಯಾರವಾನ್‌ನಲ್ಲಿ ಅನುಶ್ರೀ ಜೊತೆಗೆ ಕಾಫಿನಾಡು ಚಂದು ಹೊಸದೊಂದು ವಿಡಿಯೋ ಮಾಡಿದ್ದಾರೆ. "ನಾನು ಶಿವಣ್ಣ, ಪುನೀತ್ ರಾಜ್‌ಕುಮಾರ್ ಅಭಿಮಾನಿ. ಕರ್ನಾಟಕದ ಜನತೆಗೆ ಕಾಫಿನಾಡು ಚಂದು ಮಾಡುವ ನಮಸ್ಕಾರಗಳು. ನನ್ನ ಜೊತೆ ಇದ್ದಾರೆ ಆಂಕರ್ ಅನುಶ್ರೀ ಅಕ್ಕ. ಅವರಿಗೆ ಕಾಫಿನಾಡು ಚಂದು ಮಾಡುವ ನಮಸ್ಕಾರಗಳು.. ಹಸಿಹಸಿರಲಿ ಉಸಿರುಸಿರಲಿ ಬೆಳೆದೆ ನಾಡಲಿ ಕಾಫಿ ನಾಡಲಿ.. ಹೀ ಹೀ ಅನುಶ್ರೀ ಅಕ್ಕ ಹ್ಯಾಪಿ ಬರ್ತ ಡೇ.. ನಿಮಗೆ ವಂದನೆ.. ಕಾಫಿನಾಡು ಚಂದು ಮಾಡುವ ಅಭಿನಂದನೆ.. ದುಬೈನಲ್ಲಿ ನೋಡಿದರೂ ಚಂದು ಚಂದು.. ಹೈದರಾಬಾದ್‌ನಲ್ಲೂ ಚಂದು ಚಂದು.. ಲಂಡನ್‌ನಲ್ಲೂ ಚಂದು, ಚಿಕ್ಕಮಗಳೂರು ಕಾಫಿನಾಡೇ ನಾನೇ ಚಂದು. ಬೆಂಗಳೂರಿನಲ್ಲಿ ಅನುಶ್ರೀ ಅಕ್ಕನಾ ಮರೆಯಲ್ಲ ಯಾವತ್ತು, ಈ ಕಾಫಿನಾಡು ಚಂದು. ಧನ್ಯವಾದಗಳು" ಎಂದು ಹಾಡಿದ್ದಾರೆ. ಚಂದು ಹಾಡಿಗೆ ಎಲ್ಲರೂ ಚಪ್ಪಾಳೆ ತಟ್ಟಿ ಖುಷಿಪಟ್ಟಿದ್ದಾರೆ.

ಶಿವಣ್ಣನನ್ನು ಹಿಂದಿಕ್ಕಿದ್ದ ಚಂದು!

ಇನ್‌ಸ್ಟಾಗ್ರಾಂನಲ್ಲಿ ಕಾಫಿನಾಡು ಚಂದುಗೆ ಲಕ್ಷಾಂತರ ಜನ ಫಾಲೋವರ್ಸ್ ಇದ್ದಾರೆ. ಫಾಲೋವರ್ಸ್ ಸಂಖ್ಯೆಯಲ್ಲಿ ಸಂಗೀತ ನಿರ್ದೇಶಕ ಅರ್ಜುನ್ ಜನ್ಯಾ ಹಾಗೂ ನಟ ಶಿವಣ್ಣನನ್ನು ಚಂದು ಹಿಂದಿಕ್ಕಿದ್ದಾರೆ ಎನ್ನಲಾಗಿತ್ತು. ದಿನದಿಂದ ದಿನಕ್ಕೆ ಸೋಶಿಯಲ್ ಮೀಡಿಯಾದಲ್ಲಿ ಕಾಫಿನಾಡು ಚಂದುನ ಫಾಲೋ ಮಾಡುವವರ ಸಂಖ್ಯೆ ಹೆಚ್ಚಾಗುತ್ತಲೇ ಇದೆ.

ಬಿಗ್‌ಬಾಸ್ ಓಟಿಟಿಯಿಂದ ಚಂದುಗೆ ನಿರಾಸೆ?

ಚಂದು ಕ್ರೇಜ್ ನೋಡಿ ಈ ಬಾರಿ ಬಿಗ್‌ಬಾಸ್ ಮನೆಗೆ ಹೋಗುವುದು ಗ್ಯಾರೆಂಟಿ ಎಂದು ಸಾಕಷ್ಟು ಜನ ಅಂದುಕೊಂಡಿದ್ದರು. ಸಂಭಾವ್ಯರ ಪಟ್ಟಿಯಲ್ಲೂ ಚಂದು ಹೆಸರು ಕೇಳಿಬಂದಿತ್ತು. ಆದರೆ ಬಿಗ್‌ಬಾಸ್ ಕನ್ನಡ ಓಟಿಟಿ ಸೀಸನ್‌ಗೆ ಚಂದು ಹೋಗಲಿಲ್ಲ. ಕೆಲವರಿಗೆ ಇದು ಬೇಸರ ತಂದಿದ್ದು ಸುಳ್ಳಲ್ಲ. ಟಿವಿಯಲ್ಲಿ ಪ್ರಸಾರವಾಗುವ ಬಿಗ್‌ಬಾಸ್ 9ನೇ ಸೀಸನ್‌ಗೆ ಈ ಕಾಫಿನಾಡು ಯುವಕ ಹೋಗುವುದು ಗ್ಯಾರೆಂಟಿ ಎನ್ನುವುದು ಕೆಲವರ ವಾದ.